'Diamantdiewe' pleit onskuldig, wag getuig

Steel glo blink klippies van sowat N$6,2 miljoen

24 September 2021 | Howe
Kristien Kruger – 'n Sekuriteitswag by Debmarine Namibia (voorheen De Beers Marine Namibia), wat glo as 'n “geheime agent” saam met die twee beskuldigdes gewerk en die komplot op die lappe gebring het, het Woensdag in die hoërhof in Windhoek getuig.

Tien jaar nadat mnre. Emmanuel Shikololo (47) en Rodney Klim (47) in hegtenis geneem is vir die diefstal van ongeslypte diamante ter waarde van sowat N$6,2 miljoen, het hul verhoor uiteindelik Woensdag begin.

Klim was die prosesbeheerder op De Beers Marine se skip, Debmar Atlantic, en was Shikololo se toesighouer.

Hulle staan tereg op een klag van die diefstal van diamante, alternatiewelik die onwettige besit van diamante en een klag van sameswering om diamante te steel.

Altwee die beskuldigdes het Woensdag onskuldig op alle aanklagte gepleit.



SEKURITEITSWAG GETUIG

Die eerste getuie, mnr. Dawid Jarvis, het getuig Shikololo het hom in Oktober 2010 genader om diamante van die Debmar Atlantic af te vat en na 'n koper, glo 'n Portugese man, in Suid-Afrika te neem.

Hy het glo dadelik die maatskappy se ondersoekbeampte genader wat vir hom 'n bandopnemer gegee het. Volgens hom het hy daarna elke afspraak en gesprek met Shikololo opgeneem en aan die ondersoekbeampte verskaf.

'n Jaar later, aan boord die Debmar Atlantic, het Shikololo volgens hom toegang verkry tot 'n beperkte gebied, bekend as die “Red area”, waar ongeslypte diamante was.

Shikololo het die nodige vorm gehad, onderteken deur Klim en drie ander toesighouers, wat hom toegang tot dié gebied gegee het. Klim het hom glo opdrag gegee om instandhouding in die gebied te doen, omdat hy 'n probleem met 'n oordraglyn ervaar het.

Jarvis kon nie op die sekuriteitskameras sien wat Shikololo binne die gebied gedoen het nie en het tydens die visentering wat hy daarna uitgevoer het, niks op Shikololo gevind nie.

Shikololo het hom glo 'n paar ure later gebel en 'n ontmoeting gereël waartydens Shikololo hom diamante gewys het, maar hy wou nie sê waar hy dit gekry het nie.

Volgens Jarvis het dit drie keer gebeur – die eerste keer op 8 Oktober 2011 en daarna op 11 en 15 Oktober.

Wanneer Jarvis en die twee beskuldigdes die skip verlaat het, het hulle die koper in Suid-Afrika ontmoet en die verkoop van die diamante bespreek, maar nog nie die diamante oorhandig nie.

Volgens Jarvis se getuienis, is 'n lokval op die skip gestel toe die drie mans weer aan boord was en is versteekte kameras opgerig op die plek waar Shikololo vir Jarvis 'n geel sakkie met diamante oorhandig het.

Drie lede van die maatskappy se sekuriteitsdepartement, insluitend die superintendent, mnr. Franscois Opperman, het volgens Jarvis die oorhandiging van die dwelms gesien.

Die Namibiese polisie het met 'n helikopter na die skip gevlieg en die twee mans is in hegtenis geneem.

Die staat het tydens kruisondervraging gesê hulle het nooit beeldmateriaal van die oorhandiging ontvang nie.

Shikololo het by monde van sy regshulpprokureur, me. Meriam Kandoni, ontken hy het ooit met Jarvis ontmoet, óf enige diamante vir hom gewys, óf aan hom oorhandig.

“My kliënt sê jy was die een wat hom genader het met 'n plan om die diamante te steel. Jy het vir hom gesê jy weet hoe hulle dit moet doen,” het Kandoni gesê.

Opperman is op die lys van staatsgetuies wat tydens die verhoor geroep sal word. Die beskuldigdes verskyn voor regter Christie Liebenberg.

[email protected]

FOTO
Mnr. Emmanuel Shikololo

Soortgelyk

 

Creativity and mental health: Where do we overstep

11 ure gelede | Gesondheid

Kalistu R Mukoroli, PR and brand strategistWe tend to preach about being creative, but isn’t this contributing to mental health issues? Creative people always push...

Tourism mogul driven by passion

11 ure gelede | Toerisme

Iréne-Mari van der Walt Part-owner of Swakop Cycle Tours Paul Ndjambula says despite his business being conceptualised during his time as an intern, it took...

Kalahari se water in die gedrang

11 ure gelede | Omgewing

Frank Steffen en Brigitte Weidlich – “Dit mag eenvoudig nie gebeur nie! Maak nie saak hoe jy uitloogproses benader nie, hierdie unieke kom sal onvermydelik...

Etosha se brand geblus

11 ure gelede |

Tanja Bause – Die veldbrand wat sedert Maandag in Etosha gewoed het, is eindelik gister onder beheer gekry. Volgens die woordvoerder van die ministerie van...

Professionele jagters se bewaringswerk

11 ure gelede | Toerisme

Emmanuel Koro, Johannesburg – Ná die verwoestende uitwerking van die Covid-19-pandemie op die Namibiese jag- en fotosafari-bedryf, het jagsyfers vanjaar ietwat verbeter. Terwyl sowat 5...

Jessica Ashley stel vandag enkelsnit vry

11 ure gelede | Byvoegsels

Die jong sangeres Jessica Ashley (Strydom) van Swakopmund stel vandag haar eerste enkelsnit – wat sy self geskryf het – vry. Die lied “Only 9”...

'n Liefdesgedig aan bedreigde spesies

11 ure gelede | Byvoegsels

Yandi du Plessis Wilde Kind se vollengte studio-album Omhanda is gister op alle stromingsplatforms uitgereik.“Omhanda” is die Oshiwambo-woord vir renoster. “Renosters is spesiaal vir Namibië...

Voortrekkers ná 90 jaar nog op koers

11 ure gelede | Byvoegsels

Die Windhoek-Schlengemann-kommando van die Namibiese Voortrekkers bied vanaand, in samewerking met Netwerk Namibië en Windhoek Afrikaanse Privaatskool, 'n plaaslike vertoning van die aanlyn konsert, Hou...

Learning through play

11 ure gelede | Gemeenskap

Mariselle StofbergStimuBox is an online store that produces and sells personalised sensory boxes. These boxes contain fun and simple, age-appropriate activities that help with the...