Diabetesmaand gevier

In November het die fokus op diabetes geval en vanjaar het alle bewusmakingsprojekte onder die vaandel van diabetes en die familie plaasgevind. Verskeie fondsinsamelings is ook gehou om te help met die insameling van geld vir die Namibia Diabetes Lifestyle Foundation. Die stigting help om geld in te samel vir kinders met diabetes wat deur die stigting ondersteun word.Tans ondersteun die stigting 24 minderbevoorregte kinders met tipe 1-diabetes en dek hul mediese onkoste en voorsien hulle ook van insulien. Dit kos tans N$26 500 per maand om die 24 kinders van die nodige mediese sorg en insulien te voorsien.’n Hoogtepunt was die jaarlikse jeugkamp wat in Augustus plaasgevind het. Die doel van die kamp wat vir die eerste keer in 2013 gehou is, is om alle kinders met tipe 1-diabetes emosioneel te ondersteun en ook te onderrig in die bestuur van die siekte. Tipe 1-diabetes kom voor wanneer die pankreas ophou om insulien te vervaardig omdat die selle wat hiervoor verantwoordelik is, deur die liggaam se immuunstelsel vernietig is. Tipe 1-diabetes is ’n outoïmmuuntoestand wat mense wat hieraan ly van ’n jong ouderdom en lewenslank van insulien afhanklik maak. Diabetes is ’n toestand waarin die liggaam kos nie voldoende verwerk om as energie te gebruik nie. Die pankreas, ’n orgaan wat naby die maag geleë is, vervaardig ’n hormoon genaamd insulien om glukose in die selle te kry. As jy diabetes het, vervaardig jou liggaam óf nie genoeg insulien nie óf kan nie sy eie insulien so goed gebruik soos dit moet nie. Dit veroorsaak dat suiker in die bloed opbou en waarom baie mense na diabetes as “suikersiekte” verwys. Diabetes kan ernstige gesondheidsimplikasies inhou en wat hartsiektes, blindheid en nierversaking insluit. Dit kan ook tot die amputasie van ledemate lei. Die ernstiger vorm van diabetes is tipe 1, of insulienafhanklike diabetes. Soms word hierna as “jong” diabetes verwys, omdat dit gewoonlik by kinders en tieners ontwikkel. By tipe 1-diabetes val die liggaam se immuunstelsel dele van die pankreas aan. Wetenskaplikes is nie seker wat dit veroorsaak nie, maar dit wil voorkom of die immuunstelsel die selle wat insulien in die pankreas vervaardig, verkeerdelik as vreemd identifiseer en dit vernietig. Dié aanval is ook bekend as ’n outoïmmuuntoestand. Insulien dien ook as “sleutel” om selle “oop te maak” sodat glukose dit kan binnedring, en stel die liggaam in staat om glukose vir energie te gebruik. Sonder insulien is daar geen “sleutel” nie en bly die suiker in die bloed waar dit opbou. Die uiteinde is dat die liggaam se selle “honger ly” as gevolg van die gebrek aan glukose. Sou dit nie behandel word nie, kan die hoë vlak van bloedsuiker oë, niere, senuwees en die hart beskadig en ook tot ’n koma en in ernstige gevalle tot die dood lei.

Diabetesmaand gevier

Kommentaar

Republikein 2025-12-17

Meld asseblief aan om kommentaar te lewer

Diabetesmaand gevier

Kommentaar

Republikein 2025-12-17

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.