Dié vyf grotes vreet mediese fondse

Meer generiese medisyne gebruik

12 September 2018 | Sakenuus
Nellie Brand-Jonker – ’n Nuwe siekte het in 2017 kop uitgesteek onder die topvyf chroniese siektes waaraan mediese fondse wat Mediscor se dienste gebruik, die meeste geld bestee.

Bipolêre gemoedsversteuring het asma onder die topvyf vervang.

Volgens Mediscor, die bestuurder van farmaseutiese voordele, se jaarlikse verslag het mediese fondse verlede jaar 64% van die totale besteding aan chroniese siektes wat onder voorgeskrewe minimum voordele val, aan die topvyf bestee.

Die topvyf (met die persentasie van die totale besteding aan chroniese siektes in hakies):

· Hoë bloeddruk (26,5%)

· Diabetes tipe 2 (13,6%)

· MIV/vigs (10,8%)

· Hoë cholesterol (8,2%)

· Bipolêre gemoedsversteuring (5%)

Bipolêre gemoedsversteuring het asma in die vyfde plek vervang.

Die siektes se plek op die ranglys het effens verander gemeet aan die voorkoms per 1 000 lewens.

Die topvyf hier (met die getal per 1 000 lewens in hakies):

· Hoë bloeddruk (129,9)

· Cholesterol (71,5)

· Diabetes tipe 2 (36,8)

· Skildklierprobleme (33)

· Asma (20,5)

Dit stem ooreen met wat die land se grootste mediese fonds, Discovery Health Medical Scheme (DHMS), in April in ’n verslag getoon het.

Volgens Mediscor is die topvyf op die lys van chroniese toestande waaraan die meeste geld per pasiënt per jaar bestee word soos volg:

· Hemofilie: R311 850

· Veelvuldige sklerose: R69 361

· Chroniese niersiekte: R19 765

· Diabetes insipidus: R14 170

· Crohn se siekte: R11 790

Die vyf toestande beloop 6,7% van die totale besteding aan medisyne vir chroniese toestande. Die medisyne verteenwoordig egter net 0,8% van die totale produkvolumes.

Mediscor se verslag handel oor die jaarlikse bestedingstendense aan medisynes en toestande by die mediese fondse wat sy dienste gebruik. Dit behels die inligting van sowat 1,8 miljoen lede en begunstigdes.

Ander bevindinge van Mediscor se verslag sluit in:

Besteding aan medisyne het verlede jaar met 6,9% per lewe gestyg. Dit is die skerpste styging in drie jaar. Dit is grootliks weens die staatsbeheerde verhoging van 7,5% wat in 2017 toegelaat is. Daarteenoor het die gebruik van medisyne minimaal met 0,6% gestyg.

Spesialiteitsmedisyne, wat biologiese medisyne en medisyne vir skaars siektes insluit, het verlede jaar 11% van die totale besteding aan medisyne verteenwoordig. Die medisyne moet aan sekere kriteria voldoen om as ’n spesialiteitsmedisyne te kwalifiseer, soos spesiale tegnieke om dit te vervaardig en gespesialiseerde bergings- en hanteringsprosedures. Hierdie medisyne verteenwoordig net 0,2% van die volumes en die feit dat besteding daaraan so hoog is, wys hoe duur dit is.

“Ten spyte van die klein getal lede wat die medisyne gebruik, word dit ’n aandrywer van koste,” sê Christo Rademan, uitvoerende hoof van Mediscor. Die gemiddelde jaarlikse koste van dié medisyne per pasiënt beloop R87 703. Boonop het die besteding aan dié medisyne skerp met 7,7% gestyg.

Verbruikers raak al hoe meer gewoond aan generiese medisyne. Die gebruik van generiese medisyne pleks van die oorspronklike is nou 59,9%. Dit styg elke jaar. Die gemiddelde koste per item vir generiese weergawes was R122, vergeleke met oorspronklike medisyne waarvoor daar reeds ’n generiese middel bestaan van R164. Oorspronklike medisyne met ’n geldige patent het gemiddeld R289 per item gekos.

Die algemeenste medisyne waarvoor die meeste pasiënte by ’n dokter of apteek aanklop, is vir hoes- en verkouemedisyne; kombinasie-pynmiddels en beta-laktaam-antibiotika. – Netwerk24

Soortgelyk

 

Kommissie vir grondeise aangestel

1 dag gelede | Regering

Ronelle Rademeyer - Pres. Hage Geingob het gister ‘n presidensiële kommissie van ondersoek na voorvaderlike grondregte en hoe daarvoor vergoed moet word, aangestel.Dié kommissie onder...

Vrou wat kraam se pelvis breek glo in staatshospitaal

1 dag gelede | Gesondheid

font face="Verdana" >Henriette Lamprecht – Wat ’n normale bevalling moes wees, het na bewering vir ’n jong ma ’n gebreekte pelvis, gebreekte heup en reusebloedverlies...

Kalender 22 Februarie

1 dag gelede | Kuns en vermaak

Nou aan die gang» Vir slegs twee aande sluit die sanger Slickartie by die alombekende Mashura-band aan. Dié nuwe groep gee jou goeie rede om...

Weer vir 22 Februarie

1 dag gelede | Weer

BINNELAND: Gedeeltelik bewolk en baie tot bloedig warm met 'n paar buie in die Weste.KUS: Gedeeltelik bewolk en koel tot warm met miskolle op plekke...

Waardasierol is nietig

1 dag gelede | Howe

Elvira Hattingh - Weke nadat plaaseienaars hul saak oor die staat se jongste waardasierol in die hoërhof gewen het, is die Namibië Landbou-unie (NLU) reeds besig om...

'Ek was 'n Judas wat vir mense gelieg het'

1 dag gelede | Howe

Ronelle Rademeyer'n Senior admini­stratiewe beampte het gister in die hoërhof in Windhoek getuig sy was met haar rug teen die muur oor skuld en het...

Tyd vir skoffel in die Ooste

1 dag gelede | Kuns en vermaak

Yolanda Nel – Dit is om die draai en beslis nie iets wat jy wil misloop nie, so omkring sommer nou reeds 21 Maart op...

Skaam en wild

1 dag gelede | Kuns en vermaak

The Poject Room bied eersdaags Anne Lacheiner-Kuhn se Shy Wild-uitstalling aan. DIE KUNSTENAARAnne Lacheiner-Kuhn, die Namibies gebore kunstenaar, wat tans in Londen woon, maak van...

ACC: Jaar van aanspreeklikheid lê voor

1 dag gelede | Misdaad

Elvira Hattingh - Die Teenkorrupsiekommissie (ACC) ondersoek tans 455 sake, terwyl 32 reeds by die prokureur-generaal ingedien is om te besluit of vervolging moet plaasvind.Mnr....