DHPS hou makietie

Die Deutsche Höhere Privatschule hou op Saterdag 29 Februarie ’n Career Fair and Summer Festival.Die loopbaanekspo, voorheen bekend as Opedag, gaan hierdie jaar ‘n nuwe baadjie aanhê.Die skool is ywerig met die beplanning en organisasie van die bedrywighede besig.Die skool gaan op dié dag tussen 09:00 en 12:00 in die kalklig wees met onder andere opwindende eksperimente in die laboratorium en deur insig in die leerlinge se kuns te verkry.“Ons wil aan besoekers die geleentheid bied om werklik ons skool te leer ken,” het me. Conni Hecht, hoof van die primêre afdeling en lid van die organisasiekomitee, gesê.Die loopbaanekspo maak dit moontlik vir die skoolgemeenskap en ander belangstellendes om die verskillende departemente, prioriteitsareas en vakke diepter te verken.Daar sal iets vir elke ouderdomsgroep wees – van inligting oor die primêre afdeling, taalbevordering deur sokker, loopbaanadvies, die geleenthede wat die Duitse Internasionale Abitur- en Cambridge-sertifikate in die toekoms kan bied, skakeling met die alumni en musiekhoogtepunte.Die loopbaanekspo en somerfees word deur die kleuterskool, preprimêr-afdeling, koshuis en die kinder- en jeugsentrum aangebied.Verskeie aktiwiteite word aangebied en smullekker versnaperings sal te koop aangebied word.‘n Hindernisbaan en springkasteel is van die pret wat op besoekers wag. Die geleentheid word by die kleuterskool-, preprimêr- en koshuisgronde gehou.Die skoolkoor en –orkes sal die vermaak verskaf. Die gesin kan vanaf 10:00 tot 15:00 by die DHPS se loopbaanekspo en somerfees kom kuier.

DHPS hou makietie

Kommentaar

Republikein 2026-08-03

Meld asseblief aan om kommentaar te lewer

DHPS hou makietie

Kommentaar

Republikein 2026-08-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.