Deysel, Penguin tops met jaar se laaste vangste

Die vyfde en laaste rots- en strandhengelkompetisie vir 2018 is onlangs by Sone 5 by die Winston-wrak gebou, met die bymekaarkomplek by die Myl 108 afdraai.By die kapteinsvergadering het 15 klubs se hengelaar vir die kompetisie aangemeld.Die weer het saamgespeel en dit was 'n aangename dag, behalwe vir die rowwe water.Die area is vasgestel vanaf Blare tot by die Weerligklippe by Winston-wrak en die hengeltyd was vanaf 08:00 tot 16:00.Vanweë die rowwe see moes die hengelaars maar hard werk vir 'n vissie.Die dag se uitslae was soos volg:Topdrie klubs: 1 Penguin hengelklub, 2 Mako hengelklub, 3 Hentiesbaai hengelklub.Topdrie hengelaars vir die dag: 1 Warren Deysel van Penguin, 2 Brian Curtis van Orca hengelklub, 3 Riaan Tap van Mako hengelklub.Topdrie vrouehengelaars: 1 Carlien Steyn van Welwitschia Hengelklub, 2 Megan Connoway van Mako, 3 Annelien Langenstrassen van Penguin.Topdrie o.21-hengelaars: 1 Gerhard Hough van Mako. 2 Barren van Es van Penguin. 3 Henko Snyman van Penguin.Topdrie o.16-hengelaars: 1 Herman Krauze van Hentiesbaai-klub, 2 Corne Burger van Penguin, 3 Kay Bachran van Atlantic.Die swaarste eetbare vis, 'n kabeljou van 6 kg, is gevang deur Hannes de Haast van Otjiwarongo hengelklub.Die swaarste oneetbare vis was 'n koeihaai gevang deur Herman Krauze (o.16) van Hentiesbaai hengelklub.'n Totaal van 87 eetbare vis met 'n massa van 101.3 kg is geland. Altesame 92 oneetbare visse met 'n massa van 1113.6 kg is uitgehaal. Alle oneetbare vis is weer vrygelaat.Die organiseerders bedank graag alle borge vir hul insette en bydraes vir die afgelope jaar en wens almal 'n geseënde Kersfees en voorspoedige 2019 toe. Besoek gerus die beheerliggaam se webtuiste www.nsaa. com.na.

Deysel, Penguin tops met jaar se laaste vangste

Kommentaar

Republikein 2025-06-18

Meld asseblief aan om kommentaar te lewer

Deysel, Penguin tops met jaar se laaste vangste

Kommentaar

Republikein 2025-06-18

Meld asseblief aan om kommentaar te lewer

MELD AAN

Advertensie