Destydse begunstigdes ondersteun wêreldkonferensie

Om dit ´n werklikheid te maak dat Namibië 'n internasionale kerkberaad kan aanbied waar die 500-jarige herdenking van die Hervorming sal plaasvind, het verskeie plaaslike lidmate hard gewerk om geld vir die grootse oomblik in te samel.Vanaf Woensdag (10 Mei) tot 16 Mei vind die Lutherse Wêreldfederasie (LWF) se twaalfde jaarlikse byeenkoms in Windhoek plaas onder die tema "Bevry deur God se genade". Namibië se drie Lutherse kerke huisves die beraad.n Massadiens vind Sondag ter viering van Martin Luther se werk in die Sam Nujoma-stadion plaas. Erebiskop Zephania Kameeta, ook die minister van armoede-uitwissing en maatskaplike welsyn, sal die diens lei.Die organisering van die geleentheid het al in 2013 begin en NamPost het 'n spesiale gedenkseël, gedenkkoevert en poskaartseël vir die groot gebeurtenis uitgegee.Volgens oudbiskop Erich Hertel het talle professionele persone in die land wat voorheen in hul loopbane deur die Lutherse kerk ondersteun is, hard gewerk om bykomende geld in te samel. Gedurende die apartheidsjare is die LWF deur plaaslike kerke genader om onderwys en opleiding te help voorsien.Talle beurse is ontvang, waarmee baie jong mans en vroue in Duitsland, Finland en die VSA kon gaan studeer. Alleen in Amerika is sowat 200 studente gehuisves.Baie studente het volgens Hertel met hul terugkeer na Namibië belangrike poste in die kerk, hul gemeenskappe en die regering opgeneem.Mee. Nashilongo Shivute, Paulina Elago, Justina Shingenge en andere het hulself ten doel gestel om as teken van hul dankbaarheid vir hierdie opleiding, minstens N$100 000 vir die beraad se aanbieding in te samel. Uiteindelik het hulle saam met baie ander se hulp 'n bedrag van N$126 000 ingesamel.Byna 800 mense sal aan die byeenkoms deelneem, insluitende 324 afgevaardigdes van 145 ledekerke uit 98 verskillende lande.

Destydse begunstigdes ondersteun wêreldkonferensie

Kommentaar

Republikein 2025-08-05

Meld asseblief aan om kommentaar te lewer

Destydse begunstigdes ondersteun wêreldkonferensie

Kommentaar

Republikein 2025-08-05

Meld asseblief aan om kommentaar te lewer

MELD AAN

Advertensie