Derde Ope-titel op 'n streep vir Wilna

Dit was opnuut 'n besige naweek by die Rössmund gholfbaan waar die 2018 Rössmund Vroue Ope-kampioenskap vir die vierde opeenvolgende jaar danksy borgskap deur die Swakopmund Plaza Hotel aangebied isDie baan was goed voorbereid en in 'n uitstekende toestand. Die weer was die oggend 'n bietjie koud met 'n noordewind, maar algaande het die temperature gestyg en die dag was eenvoudig perfek.Die verdedigende kampioen, Wilna Bredenhann, en haar uitdager Wilma van der Merwe het albei 'n bruto telling van 79 vir die dag aangeteken. In die stableford was alle oë op Tiekie de Wet wat 37 punte behaal het en vir haar 'n voorsprong van vier houe besorg het.Sondag moes die vroue 'n koue noordewind trotseer. Aan die voorpunt het dinge redelik gelykop gebly, maar Bredenhann het daarin geslaag om 'n voorsprong van twee houe te handhaaf om die titel vir die derde jaar te verdedig. Tiekie de Wet was bestendig met dieselfde telling as op dag een, om vir die tweede opeenvolgende jaar 'n welverdiende oorwinning in die stableford te verseker. Johan Kok, hoofbestuurder van die Swakop Plaza Hotel, was daar om die pryse aan die wenners te oorhandig en te bevestig dat hul borgskap volgende jaar voortgesit word. Me. Brenda Lens, president van die Namibiese Amateur Vrouegholfunie (Nalgu) het Kok bedank vir die deurlopende ondersteuning van vrouegholf en om die toernooi 'n groot sukses te maak, asook die Rössmund-span vir al hul harde werk en al die spelers vir hul deelname.Die uitslae van die 2018 Swakop Plaza Rössmund Vroue Ope: Algehele wenner (kampioen): Wilna Bredenhann 164 bruto. Beste bruto: Wilma van der Merwe (166). Algehele netto wenner: Rina Knight 152. Stableford-afdeling: 1 Tiekie de Wet (74 punte), 2 Zelda Nel (62), 3 Mariena Ludwig (60). Sondag Stableford-wenner: Bubble Burns (27 punte).• Die finale rondte van die 2018 Medalje-meesters geborg deur Novanam is ook Saterdag by Rössmund gespeel. Die medalje-kompetisie het om 12:00 begin en die weerstoestande was dus aan die warm kant.Michael Ludeke was die man in die kollig wat die laaste ronde met 21 punte voor sy naaste mededinger Anton Bonifatius begin het. Ludeke het die dag met 'n 77 netto afgesluit en die titel beklink, terwyl die beste gholf vir die dag deur Theo Haimbondi gespeel is met 'n uitstekende 72 netto.George Murasiki was op putjie 16 die enigste speler vir die dag wat 'n putjie in twee houe kon voltooi.Novanam November wenners algeheel: Theo Haimbondi 72 netto. A-afdeling: Helmut Ndjendja 73 netto. B-afdeling: George Murasiki 74 netto. C-afdeling: Graham Louw 78 netto. Vroue: Wilma van der Merwe 72 netto, uittel.2018 Novanam Medalje Meesters: 1 Michael Ludeke (141 punte); 2 George Murasiki (119); 3 Anton Bonifatius (117); 4 Helmut Ndjendja (116); 5 Marco Swarts. Vroue: Lucille Abrahams (119). PUTJIESPEL BY BUITEKLUBDie Windhoek Buiteklub het laas Saterdag sy sesde jaarlikse SUNita Cables putjiespel-eindronde en individuele stablefordkompetisie aangebied.Die gholfklub spreek sy waardering uit teenoor Raj Rallan (SUNita Cables) vir sy volgehoue borgskap van die klub se enigste putjiespeltoernooi.Op 'n snikhete lentedag (dit is seker nog nie somer nie) met temperature in die hoë 30's, het altesame veertig individuele spelers aangesluit by die ses finaliste van die putjiespel, van wie twee in die enkelspel en vier in die dubbelspel.Later die middag het 'n paar verdwaalde reëndruppels 'n mate van verligting gebring.In die enkelspel het Joseph Martin teen Damien da Silva te staan gekom en ondanks 'n goeie voorsprong (vier punte) halfpad deur die ronde het Da Silva enduit teruggeveg sodat Martin net met 2 en 1 gewen het.In die dubbelspel is die kombinasie van Cor Beuke en Tertius Myburgh teen Desmond van der Merwe en Gustav Jung opgeweeg. Dit was 'n spannende stryd met Beuke en Myburgh by die halfpadmerk voor met een putjie, maar Van der Merwe en Jung het doeltreffend teruggeveg om as die wenners met 3 en 1 weg te stap.Die voorste uitslae van die SUNita Cables putjiespel was soos volg:Putjiespel enkelspel: Joseph Martin klop Damien da Silva (2 en 1)Putjiespel dubbelspel: Desmond van der Merwe en Gustav Jung klop Cor Beuke en Tertius Myburgh (3 en 1)Individuele stableford1 George Vink 75 bruto, 42 punte2 Francois Grobler 89 bruto, 38 punte3 Melt van Schoor 82 bruto, 37 punte4 Rumiko Ishigami 99 bruto, 37 punte5 Francois Theron 86 bruto, 36 punte6 Nolan Swarts 87 bruto, 34 punte7 Marco Vollgraaff 78 bruto, 34 punte• Die Buiteklub bied komende Saterdag en Sondag die Distell Gold Cup aan, wat een van die groot kompetisies op die jaarkalender in die A-, B- en C-afdelings is.

Derde Ope-titel op 'n streep vir Wilna

Kommentaar

Republikein 2025-11-04

Meld asseblief aan om kommentaar te lewer

Derde Ope-titel op 'n streep vir Wilna

Kommentaar

Republikein 2025-11-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.