Demokrate begin mosie teen Trump

Trump was die afgelope 12 dae op ’n besoek in vyf Oos-Asiatiese lande waartydens hy onder meer Noord-Korea se leier as “kort en vet” beskryf het.Steve Cohen, Demokratiese verteenwoordiger vir Tennessee, het Woensdag aan verslaggewers gesê hy en ander lede van sy party het intussen die mosie teen Trump op grond van vyf punte van stapel gestuur.Die Demokrate beskuldig Trump onder meer van dwarsboming van die gereg toe hy James Comey, die voormalige FBI-direkteur, afgedank het, berig Politico.Hulle voer ook aan dat hy die Amerikaanse grondwet sebesoldigingsklousule oortree het deur voort te gaan om munt uit sy sakeondernemings te slaan en dat hy die federale regbank en die reg tot persvryheid ondermyn het.Volgens The Independent was Comey instrumenteel in die FBI se ondersoek na bewerings dat Rusland die Amerikaanse verkiesing ten gunste van Trump probeer beïnvloed het.Die Demokrate gee gelyk dat hul mosie geen kans op sukses het terwyl die Republikeine beide huise van die Amerikaanse Kongres beheer nie, berig CNN.Cohen sê egter dit is hoog tyd om dit duidelik te stel aan Trump en die Amerikaanse volk dat dinge nie net so kan voortgaan nie.Volgens Cohen sal hy waarskynlik “inligtingsessies” fasiliteer indien die Republikeine nie tot verhore om Trump se verwydering te bespreek, goedkeur nie.Pramila Jayapal, Demokratiese verteenwoordiger vir Washington, was vroeër vandeesmaand ook ten gunste van Trump se verwydering op grond daarvan dat hy homself aan “ernstige grondwetlike oortredings” skuldig gemaak het.Michael Ahrens, ’n nasionale woordvoerder van die Republikeinse Party, sê die Demokrate is besig met ’n “sinlose radikale poging” om Trump te vervolg omdat hulle “nie ’n positiewe boodskap het nie”. – Netwerk24

Demokrate begin mosie teen Trump

Kommentaar

Republikein 2026-05-11

Meld asseblief aan om kommentaar te lewer

Demokrate begin mosie teen Trump

Kommentaar

Republikein 2026-05-11

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.