Deetlefs-wynlandgoed by Namibië Toerisme Ekspo
Jan Publiek kry binnekort weer die geleentheid om ‘n eksklusiewe Deetlefs wynproegeselligheid by die Namibië Toerisme Ekspo mee te maak, wanneer Kobus Deetlefs en kie weer ‘n draai in die land kom maak.
Deetlefs is die tweede oudste familie-wynlandgoed in Suid-Afrika en maak sedert 1822 ná sewe geslagte steeds wyn.
Die landgoed, wat in wynmaakkringe gevestig is, is aan die voet van die Du Toitskloofberge in die Breedekloofvallei op die klein dorpie Rawsonville geleë.
Kobus Deetlefs, eienaar en besturende direkteur, sit die familie se tradisies en individuele benadering tot wynmaak as lid van die sewende geslag wynmakers trots voort.
Volhoubare groei en goed gestruktureerde, duidelike riglyne is vir dié landgoed van kardinale belang en word in die produksie, bottelering, verpakking en doeltreffende bestuur van hul verskaffingsketting weerspieël.
Deetlefs produseer tans drie verskillende wynreekse – elk met 'n unieke storie en spesifieke doel.
Die reekse sluit Deetlefs Family, Deetlefs Estate en Stonecross in.
Sedert 1994 is die fokus op internasionale markte, en vandag word meer as 80% van die landgoed se wynproduksie uitgevoer.
“’n Goue draad loop deur ons geskiedenis en weerspieël ons individuele benadering tot die bedryf. 'n Sterk waardestelsel en langtermynfokus is waarop Deetlefs klem lê. Tans is dit my verantwoordelikheid om meer geleenthede te skep vir geslagte wat volg, en om die storie te vertel.”
Kobus Deetlefs aan die woord
Die meeste wynproeë verloop maar dieselfde.
Dit begin met ‘n lang verduideliking oor die betrokke wyn, gevolg deur ander inligting wat nie altyd van belang is nie en selde verstaan word.
Met Deetlefs is die wynproe-ervaring ietwat anders. Dit behels nie net ‘n oomblik waar jy aan lekker wyne proe nie, maar eerder ‘n reis.
Hoewel dit steeds leersaam is, word gaste nie met onnodige stellings en feite oorweldig nie.
Wyn se samestelling word só verduidelik dat Jan Alleman dit ook kan verstaan en interessant vind.
“Wyn is ‘n lewendige ding. Jy kan baie met hom doen,” het Kobus by ’n vorige wynproegeleentheid gesê.
“Die soort glas waaruit jy proe, maak ‘n groot verskil. Dit het te doen met waar die wyn jou mond tref. Ons ervaar verskillende smake in verskillende dele van ons mond,” het hy bygevoeg.
Op die borde voor die deelnemers was roketslaai, sojasous, bokmelkkaas, gouda, pretzels, suurlemoen- en appelstukke – alles met ‘n doel.
Eerste aan die beurt was witwyn.
Spesifieke wyne is saam met spesifieke peuselhappies, voor en ná die proe van die wyn, geniet.
“Kyk wat maak die smaak van die happie in jou mond. Sekere kombinasies werk, ander nie. Jy moet besluit wat vir jou lekker is. Dit sal baie arrogant van my wees om vir jou te sê waarvan jy moet hou. Elke ou is op sy eie mening geregtig.
“Onthou, ‘n mens se eie kinders is mos vir jou die mooiste. My wyn is vir my die lekkerste, maar dit hoef nie vir jou so te wees nie.”
Gaste het die geleentheid benut om meer oor wynmaak en die Deetlefs-landgoed uit te vind.
Kobus het benadruk mens moet met wyn eksperimenteer.
“Volgende keer as jy ‘n bottel wyn oopmaak of by ‘n restaurant bestel, speel ‘n bietjie rond met die manier waarop jy dit drink. Met ander woorde, vat ‘n happie van iets spesifiek op jou bord en neem dan ‘n sluk. Jy sal verbaas wees hoe dieselfde wyn se smaakeienskappe drasties van een ding tot ‘n ander verander,” het hy gesê.
Deetlefs-landgoed spog met die enigste sjampanje wat van Pintoge-druiwe gemaak word.
Uiteraard word Pinotage vir die maak van rooiwyn gebruik. Die sjampanje het ’n ligte kleur en is nie dieprooi soos Pinotage-wyn nie.
“By Deetlefs doen ons dinge anders,” het Kobus gesê.
Kobus Deetlefs is 6 Junie om 21:00 en 7 Junie om 19:00 in die What’s Cooking-saal by die Namibië Toerisme Ekspo te sien.
Die Namibië Toerisme Ekspo vind van 5 tot 8 Junie by die Windhoekse skougronde plaas.
Alle bestanddele wat tydens die kookprogramme gebruik word, is met trots deur Pick n Pay geborg.
Deetlefs is die tweede oudste familie-wynlandgoed in Suid-Afrika en maak sedert 1822 ná sewe geslagte steeds wyn.
Die landgoed, wat in wynmaakkringe gevestig is, is aan die voet van die Du Toitskloofberge in die Breedekloofvallei op die klein dorpie Rawsonville geleë.
Kobus Deetlefs, eienaar en besturende direkteur, sit die familie se tradisies en individuele benadering tot wynmaak as lid van die sewende geslag wynmakers trots voort.
Volhoubare groei en goed gestruktureerde, duidelike riglyne is vir dié landgoed van kardinale belang en word in die produksie, bottelering, verpakking en doeltreffende bestuur van hul verskaffingsketting weerspieël.
Deetlefs produseer tans drie verskillende wynreekse – elk met 'n unieke storie en spesifieke doel.
Die reekse sluit Deetlefs Family, Deetlefs Estate en Stonecross in.
Sedert 1994 is die fokus op internasionale markte, en vandag word meer as 80% van die landgoed se wynproduksie uitgevoer.
“’n Goue draad loop deur ons geskiedenis en weerspieël ons individuele benadering tot die bedryf. 'n Sterk waardestelsel en langtermynfokus is waarop Deetlefs klem lê. Tans is dit my verantwoordelikheid om meer geleenthede te skep vir geslagte wat volg, en om die storie te vertel.”
Kobus Deetlefs aan die woord
Die meeste wynproeë verloop maar dieselfde.
Dit begin met ‘n lang verduideliking oor die betrokke wyn, gevolg deur ander inligting wat nie altyd van belang is nie en selde verstaan word.
Met Deetlefs is die wynproe-ervaring ietwat anders. Dit behels nie net ‘n oomblik waar jy aan lekker wyne proe nie, maar eerder ‘n reis.
Hoewel dit steeds leersaam is, word gaste nie met onnodige stellings en feite oorweldig nie.
Wyn se samestelling word só verduidelik dat Jan Alleman dit ook kan verstaan en interessant vind.
“Wyn is ‘n lewendige ding. Jy kan baie met hom doen,” het Kobus by ’n vorige wynproegeleentheid gesê.
“Die soort glas waaruit jy proe, maak ‘n groot verskil. Dit het te doen met waar die wyn jou mond tref. Ons ervaar verskillende smake in verskillende dele van ons mond,” het hy bygevoeg.
Op die borde voor die deelnemers was roketslaai, sojasous, bokmelkkaas, gouda, pretzels, suurlemoen- en appelstukke – alles met ‘n doel.
Eerste aan die beurt was witwyn.
Spesifieke wyne is saam met spesifieke peuselhappies, voor en ná die proe van die wyn, geniet.
“Kyk wat maak die smaak van die happie in jou mond. Sekere kombinasies werk, ander nie. Jy moet besluit wat vir jou lekker is. Dit sal baie arrogant van my wees om vir jou te sê waarvan jy moet hou. Elke ou is op sy eie mening geregtig.
“Onthou, ‘n mens se eie kinders is mos vir jou die mooiste. My wyn is vir my die lekkerste, maar dit hoef nie vir jou so te wees nie.”
Gaste het die geleentheid benut om meer oor wynmaak en die Deetlefs-landgoed uit te vind.
Kobus het benadruk mens moet met wyn eksperimenteer.
“Volgende keer as jy ‘n bottel wyn oopmaak of by ‘n restaurant bestel, speel ‘n bietjie rond met die manier waarop jy dit drink. Met ander woorde, vat ‘n happie van iets spesifiek op jou bord en neem dan ‘n sluk. Jy sal verbaas wees hoe dieselfde wyn se smaakeienskappe drasties van een ding tot ‘n ander verander,” het hy gesê.
Deetlefs-landgoed spog met die enigste sjampanje wat van Pintoge-druiwe gemaak word.
Uiteraard word Pinotage vir die maak van rooiwyn gebruik. Die sjampanje het ’n ligte kleur en is nie dieprooi soos Pinotage-wyn nie.
“By Deetlefs doen ons dinge anders,” het Kobus gesê.
Kobus Deetlefs is 6 Junie om 21:00 en 7 Junie om 19:00 in die What’s Cooking-saal by die Namibië Toerisme Ekspo te sien.
Die Namibië Toerisme Ekspo vind van 5 tot 8 Junie by die Windhoekse skougronde plaas.
Alle bestanddele wat tydens die kookprogramme gebruik word, is met trots deur Pick n Pay geborg.
Kommentaar
Republikein
Geen kommentaar is op hierdie artikel gelaat nie