Deense groep DSV bou grootste pakhuis in Afrika
Francois Williams
Die Deense logistiekedienstegroep DSV het pas die grootste logistieke sentrum in Afrika op sy nuwe perseel naby die O.R. Tambo-lughawe geopen.
Die sentrum bestaan uit sowat 130 000 m² se geboue.
Dit bestaan uit 'n logistieke pakstoor van 79 000 m², kantoorruimte van 10 000 m² en vraghanteringsgeriewe van 41 000 m².
Die innoverende pakkiesorteerder by die nuwe geriewe kan 13 000 pakkies per uur hanteer, sê Brian Almind Winther, hoof van groep-eiendomme van DSV.
Daar word goed vir DSV se personeel gesorg by die nuwe sentrum.
Dit spog met 'n gimnasium, koffiewinkel, kantien, asook private vergaderplekke en areas vir ontspanning in 'n tuinomgewing.
Die geboue is ontwerp vir volhoubaarheid, met sonkrag, herwinningstasies, LED-beligting wat met bewegingsensors werk, boorgate, waterfiltrasie en dakplate wat natuurlike lig deurlaat.
DSV bou 'n soortgelyke logistieke sentrum naby die Kaapstad Internasionale Lughawe.
– Netwerk24
Die Deense logistiekedienstegroep DSV het pas die grootste logistieke sentrum in Afrika op sy nuwe perseel naby die O.R. Tambo-lughawe geopen.
Die sentrum bestaan uit sowat 130 000 m² se geboue.
Dit bestaan uit 'n logistieke pakstoor van 79 000 m², kantoorruimte van 10 000 m² en vraghanteringsgeriewe van 41 000 m².
Die innoverende pakkiesorteerder by die nuwe geriewe kan 13 000 pakkies per uur hanteer, sê Brian Almind Winther, hoof van groep-eiendomme van DSV.
Daar word goed vir DSV se personeel gesorg by die nuwe sentrum.
Dit spog met 'n gimnasium, koffiewinkel, kantien, asook private vergaderplekke en areas vir ontspanning in 'n tuinomgewing.
Die geboue is ontwerp vir volhoubaarheid, met sonkrag, herwinningstasies, LED-beligting wat met bewegingsensors werk, boorgate, waterfiltrasie en dakplate wat natuurlike lig deurlaat.
DSV bou 'n soortgelyke logistieke sentrum naby die Kaapstad Internasionale Lughawe.
– Netwerk24
Kommentaar
Republikein
Geen kommentaar is op hierdie artikel gelaat nie