Deel infrastruktuur, sê minister Simataa

Elvira HattinghIndien die gebruik van inligting- en kommunikasietegnologie(IKT)-infrastruktuur in Namibië van meet af aan deur verskeie entiteite gedeel is, sou Namibië reeds kon tel onder die lande wat 100% dekking in terme van dié dienste het.Só het die minister van inligting en kommunikasietegnologie, mnr. Stanley Simataa, gister tydens 'n besoek aan die IKT-toring net suid van die hoofstad, by Gross Herzog, gesê. Hy het ook onderneem om volgende jaar die deel van IKT-infrastruktuur opnuut binne sy ministerie van stapel te stuur. “Op plekke in die land staan twee torings byvoorbeeld na aan mekaar, maar behoort aan verskillende operateurs. Herhaling is 'n vermorsing van hulpbronne op alle vlakke en die voortgesette deel van infrastruktuur is noodsaaklik vir groei en verbetering.“Torings kan ingespan word om ons almal te akkommodeer en dit sal beteken entiteite het tyd om op hul sleutelbesigheid te fokus. “Dit is nie nodig dat ondernemings soos byvoorbeeld Telecom, NBC of MTC met verpligtinge om torings te ontwikkel oorbelas word nie. Niemand hoef ander uit te werk deur soveel torings as moontlik te bou nie – dit maak ekonomies nie sin nie,” het Simataa gesê. Hy het gesê die Gross Herzog-toring gee gestalte aan die ideaal van gedeelde infrastruktuur. Die toring behoort aan PowerCom, 'n verskaffer van IKT-netwerkinfrastruktuur in die land.Hy het gesê Namibië tel onder die wêreld se 100 lande wat die beste vaar wat “tegnologiese geratheid” betref.Doeltreffende IKT-infrastruktuur moet aan die behoeftes van besighede en verbruikers voldoen, het Simataa bygevoeg.Hy het gesê die plaaslike bekendstelling van 4.5G-dienste, asook die wêreldwye bekendstelling van 5G plaas nuwe en groter eise op plaaslike infrastruktuur, soos tydens die oorskakeling van 'n analoë sein na 'n digitale sein.POWERCOMPowerCom se uitvoerende hoof, me. Alisa Amupolo, het gesê om 'n toringstruktuur te bou soos dié een by Gross Herzog, kan tussen N$10 miljoen en N$20 miljoen kos. Sy het gesê die toring is reeds sowat 40 jaar oud en behoort sedert 2013 aan PowerCom, toe Telecom Namibia 198 van hul torings aan hulle verkoop het.PowerCom beskik tans oor 300 torings. “Nege kliënte maak tans van dié toring gebruik, naamlik Telecom Namibia, die Windhoekse munisipaliteit, MultiChoice, die Paaieowerheid (RA), SatCom, die Namibië wBurgerlugvaartowerheid (NCAA), Witel, NBC, asook die Amerikaanse ambassade.“Die toring is op een van die land se hoogste berge gebou en bied toegang oraloor Windhoek en wyer,” het sy gesê.

Deel infrastruktuur, sê minister Simataa

Kommentaar

Republikein 2025-05-01

Meld asseblief aan om kommentaar te lewer

Deel infrastruktuur, sê minister Simataa

Kommentaar

Republikein 2025-05-01

Meld asseblief aan om kommentaar te lewer

MELD AAN

Advertensie