De Wet gee homself oor

Die eienaar van Market Motors in Windhoek, mnr. Wiid de Wet, het homself gister in die teenwoordigheid van sy prokureur aan die polisie oorgegee. De Wet is vir 'n week deur die polisie gesoek nadat hy na bewering motors verkoop het en nie die geld aan eienaars betaal het nie. Volgens sersant Ricky Garoëb sal De Wet môre in die landdroshof in Windhoek verskyn. Garoëb sê 21 sake is teen De Wet aanhangig gemaak.