DBV's: Pandemie kortwiek skenkings
Die dierebeskermingsverenigings in Namibië gaan tans deur 'n moeilike finansiële tydperk, maar doen hul bes om nog na die diere by hul onderskeie verenigings om te sien.
Tanja Bause
Die dierebeskermingsverenigings in Namibië word finansieel deur die Covid-19-pandemie gekortwiek deurdat hulle skenkings minder geword het.
Slegs by die DBV op Swakopmund is daar 'n toename in diere sedert die inperkingsregulasies begin het.
Die Dierebeskermingsvereniging (DBV) in Windhoek ervaar tans geen buitengewone toename in diere nie.
Volgens die takbestuurder, me. Sylvia Breitenstein, was April die stilste maand sedert 2010.
“Ons het geen buitengewone toename in die aantal diere gehad nie en alles is soos normaal. Ek weet natuurlik nie wat volgende week of die week daarop gaan gebeur nie,” het sy gesê.
“Wat ons wel agterkom, is mense wat gewoonlik hier verbygekom en gesê het hier is N$100 of N$200, is nou nie meer daar nie.”
By dié DBV is daar tans 350 honde en katte.
NOORD TOT SUID
Die DBV op Lüderitz ervaar ook geen toeloop van honde nie. Volgens die bestuurder, me. Elize Swartz, het hulle steeds twee honde en 16 katte soos voor die inperkingstydperk.
“Die bouprojek om nuwe hondehokke te bou vorder in die stadium baie stadig, omdat ons nog sand en boustene benodig. Ons het vroeër die jaar ontvang en hulle is klaar gebruik. Ons hoop om nog te kry sodat ons kan aangaan,” het sy gesê.
• Me. Wilmarie Horn van die Oshana DBV het verduidelik dié DBV het self geen diereskuilings nie en hulle plaas diere in pleegsorg by verskillende mense se huise. “Ons het geen toename in die aantal diere ondervind nie, maar wel 'n afname in skenkings. Mense is besig om te spaar waar hulle kan en ons voel dit.”
Sy het wel gesê daar is 'n toename in honde met hondsdolheid. “Ons moes in een week twee honde met hondsdolheid uitsit. Ek weet nie of dit is omdat mense weens die inperkingsregulasies nie hul diere vir inentings vat nie en of die entstof wat uit Suid-Afrika ingebring word nie beskikbaar is nie,” het sy gesê.
Volgens me. Esme Liebenberg van die DBV Walvisbaai het hulle 'n toename in mense wat hulle honde kom afgee.
“Daar is 'n duidelike toename in mense wat nie meer vir hul diere kan sorg nie. Skenkings het ook afgeneem en ek dink dit is omdat mense spaar, wat ons kan verstaan.”
“Ons het tans 44 katte en 38 honde by die DBV wat nuwe huise soek. Die diere wat nou eers ingekom het kan nog nie aangeneem word nie, omdat ons eers moet seker maak hulle is gesond.”
Erwin Leuschner berig uit Swakopmund die DBV ondervind 'n toename in honde en katte wat op straat gevind word en wat by die DBV afgelaai word.
“Sedert die hoktyd is daar baie diere wat na ons toe gebring word. Dit is diere wat weens verskeie redes by ons beland,” het mnr. Peter Witt, voorsitter van dié DBV, gesê.
Dit sluit in dat eienaars nie meer die nodige fondse het om vir hulle diere te sorg nie of omdat hulle by 'n kleiner woonplek ingetrek het en nie meer plek vir hul troeteldiere het nie.
Dié DBV ervaar ook 'n afname in skenkings.
- [email protected]
Die dierebeskermingsverenigings in Namibië word finansieel deur die Covid-19-pandemie gekortwiek deurdat hulle skenkings minder geword het.
Slegs by die DBV op Swakopmund is daar 'n toename in diere sedert die inperkingsregulasies begin het.
Die Dierebeskermingsvereniging (DBV) in Windhoek ervaar tans geen buitengewone toename in diere nie.
Volgens die takbestuurder, me. Sylvia Breitenstein, was April die stilste maand sedert 2010.
“Ons het geen buitengewone toename in die aantal diere gehad nie en alles is soos normaal. Ek weet natuurlik nie wat volgende week of die week daarop gaan gebeur nie,” het sy gesê.
“Wat ons wel agterkom, is mense wat gewoonlik hier verbygekom en gesê het hier is N$100 of N$200, is nou nie meer daar nie.”
By dié DBV is daar tans 350 honde en katte.
NOORD TOT SUID
Die DBV op Lüderitz ervaar ook geen toeloop van honde nie. Volgens die bestuurder, me. Elize Swartz, het hulle steeds twee honde en 16 katte soos voor die inperkingstydperk.
“Die bouprojek om nuwe hondehokke te bou vorder in die stadium baie stadig, omdat ons nog sand en boustene benodig. Ons het vroeër die jaar ontvang en hulle is klaar gebruik. Ons hoop om nog te kry sodat ons kan aangaan,” het sy gesê.
• Me. Wilmarie Horn van die Oshana DBV het verduidelik dié DBV het self geen diereskuilings nie en hulle plaas diere in pleegsorg by verskillende mense se huise. “Ons het geen toename in die aantal diere ondervind nie, maar wel 'n afname in skenkings. Mense is besig om te spaar waar hulle kan en ons voel dit.”
Sy het wel gesê daar is 'n toename in honde met hondsdolheid. “Ons moes in een week twee honde met hondsdolheid uitsit. Ek weet nie of dit is omdat mense weens die inperkingsregulasies nie hul diere vir inentings vat nie en of die entstof wat uit Suid-Afrika ingebring word nie beskikbaar is nie,” het sy gesê.
Volgens me. Esme Liebenberg van die DBV Walvisbaai het hulle 'n toename in mense wat hulle honde kom afgee.
“Daar is 'n duidelike toename in mense wat nie meer vir hul diere kan sorg nie. Skenkings het ook afgeneem en ek dink dit is omdat mense spaar, wat ons kan verstaan.”
“Ons het tans 44 katte en 38 honde by die DBV wat nuwe huise soek. Die diere wat nou eers ingekom het kan nog nie aangeneem word nie, omdat ons eers moet seker maak hulle is gesond.”
Erwin Leuschner berig uit Swakopmund die DBV ondervind 'n toename in honde en katte wat op straat gevind word en wat by die DBV afgelaai word.
“Sedert die hoktyd is daar baie diere wat na ons toe gebring word. Dit is diere wat weens verskeie redes by ons beland,” het mnr. Peter Witt, voorsitter van dié DBV, gesê.
Dit sluit in dat eienaars nie meer die nodige fondse het om vir hulle diere te sorg nie of omdat hulle by 'n kleiner woonplek ingetrek het en nie meer plek vir hul troeteldiere het nie.
Dié DBV ervaar ook 'n afname in skenkings.
- [email protected]
Kommentaar
Republikein
Geen kommentaar is op hierdie artikel gelaat nie