Dapper Namibiërs weier om te gaan lê

Waar die eerste seisoen op die impak van die Covid-19-pandemie op Namibië se kreatiewe sektor gefokus het, is die kollig in seisoen 2 van die Walking Forward-webreeks op die dapperheid en opoffering van die noodwerkers in die land wat vandag nog ewe hard werk as toe die virus die eerste keer in Namibië kop uitgesteek het.In die vorige seisoen van Walking Forward wat verlede jaar op YouTube bekend gestel is, het die kreatiewe entrepreneur Ndinomholo Ndilula met van Namibië se talentvolstes gesels, wat vertel het wat hulle wil doen om nié deur die wêreldwye pandemie gepootjie te word nie, en hoe hulle die pad vorentoe, na 'n onbekende en opwindende toekoms, sou aanpak.Collective Productions, die produksiemaatskappy agter die webreeks, het trots aangekondig dat al vyf episodes van die tweede seisoen nou op YouTube beskikbaar is. Die episodes is tussen vyf en sewe minute lank. EPISODES“Take every day as it is”Eerste op die toneel by enige krisis is diegene wat hulle lewens daaraan wy om hul medemens te versorg en te beskerm. In dié episode gesels Ndinomholo met 'n paramedikus en 'n professionele verpleegster, wat hulle inspirerende verhaal deel. “The future in our image”Die handhawing van gesondheid en veiligheid en die vervaardiging van dié nodige gereedskap was 'n kernfaktor gedurende 2020. Ndinomholo leer ken 'n jeugleier en 'n meganiese ingenieur wat hul hande en gereedskap gebruik om Namibiërs te beskerm. “Fear of the unknown”Ndinomholo praat met 'n noodgeneesheer en wetenskaplaboratorium-praktisyn wat dit vir ons moontlik maak om waaksaam te wees in die aangesig van die onbekende. Voorkoming is immers beter as genesing. “A virus decides to take over the world”Wanneer die dood 'n werklikheid word, moet ons almal maniere vind om voort te beur. Ndinomholo ontmoet 'n musikant en 'n mediapersoonlikheid wat wil inspireer, selfs in die donkerste tye. “If the foundation is laid well”Dit is ons almal se verantwoordelikheid om aan 'n beter toekoms te bou. Ndinomholo praat met 'n joernalis en 'n kleuterskoolhoof wat vandag hul bes doen sodat ons samelewing môre op 'n beter plek kan wees.DIE VERVAARDIGER, TIM HUEBSCHLE, SêIn die jaar 2021 beheer die coronavirus steeds ons lewens in Namibië. Baie onsekerheid heers steeds gedurende die tweede jaar van die pandemie.In dié seisoen bou ons voort op die fondament wat reeds in die eerste seisoen gelê is, en maak ons gebruik van dieselfde dokumentêre formaat. Waar Ndinomholo laas onderhoude gevoer het met individue uit die kuns- en kultuursektor, stel ons in seisoen 2 ons kykers voor aan die mense wat dag vir dag vir almal se welsyn veg. Die gesondheidsorgsektor bied baie verhale van heldhaftigheid en die pogings om die impak van Covid na die beste van hulle vermoë te bestuur, gegewe die aard van dié dodelike virus. Stories wat ons almal moet hoor.Dié seisoen van Walking Forward is 'n huldeblyk aan diegene wat vanaf dag een die werklikheid van 'n wêreldwye gesondheidskrisis moes navigeer, hul gevegte moes kies en 'n positiewe ingesteldheid moes behou.Die hantering van die mediese impak van die pandemie self is nie 'n ligte onderwerp nie. Dit gaan dus daaroor om die ietwat genadelose werklikheid smaakvol uiteen te sit en kykers die geleentheid te bied om waardevolle insigte onderweg te kry. In die aflewerings word individue op die voorste verdedigingslinie voorgestel, diegene wat ons almal kan help om die situasie waarna ons tans as die “nuwe normaal” verwys, beter te verstaan. Deur hul toewyding en vasberadenheid word ons geïnspireer om nie te gaan lê nie, selfs al is die toekoms onbekend. DIE AANBIEDER, NDINOMHOLO NDILULA, SêDie gesondheid van 'n nasie kan bepaal word deur die gesondheid van sy mense. As Namibiërs het ons die afgelope jaar gereageer op 'n onbekende entiteit wat 'n bedreiging vir ons liggaamlike gesondheid, ons geestelike welstand en ons ekonomiese ontwikkeling inhou. Die pandemie het egter Namibiërs vanuit alle agtergronde gedwing om saam te staan en mekaar te red terwyl hulle stories van hoop deel.Ons land se eerste verdedigingslinie teen Covid-19 is diegene in die gesondheidsektor wat hul veerkragtigheid, dapperheid en heldhaftigheid toon deur getrou te bly aan die eed wat hulle moes aflê. Ek het baie respek vir die lede van ons gemeenskap wat hul eie vrees opsy skuif en hul eie lewens waag om die veiligheid van die hele gemeenskap te verseker.Dit was vir my 'n eer om saam met verskillende gesondheidswerkers te gaan sit en te leer oor hul persoonlike en professionele ervaring van die pandemie. In dié seisoen wil ons die individue sowel as die instansies in die gesondheidsektor vier. Die reeks maak ook gebruik van 'n uitgebreide benadering deur te kyk na diegene wat 'n rol speel in die breër fisieke gesondheid en geestelike welstand van die gemeenskap. Daar is geen maklike manier om te praat oor die individuele en gemeenskaplike verliese wat ons steeds ly nie, maar dit is ons almal se verantwoordelikheid om dapper te wees, ons deel te doen en te doen wat ons kan om die verdere verspreiding van Covid-19 te beperk.Ek is opgewonde vir die land om hierdie helde te ontmoet wat werk om die toekoms van ons land te verseker. DIE KINEMATOGRAAF, ANTONIUS TSOUB, SêDie nuwe seisoen van Walking Forward is 'n kort reis deur die baie taai en moedige lewens van ons gesondheidswerkers gedurende die Covid-tyd.My benadering tot die verfilming van hierdie seisoen was om dit eenvoudig te hou en die narratief vanself en natuurlik te laat ontvou. Die algehele styl van die reeks kom op hierdie manier bymekaar en alhoewel ons met 'n plan werk, het ons 'n bewuste besluit geneem om dinge te laat vloei, om dit net te laat “wees”.Deur die lens word die natuurlike ruimtes en die atmosfeer van Windhoek eenvoudig, maar tog kunstig, uitgebeeld. Dit was ook 'n geleentheid om die kollig te plaas op ons stad se pragtige natuurskoon en kleure wat uit verskillende skakerings van groen en bruin bestaan.Ons het besluit om al die onderhoude en aktiwiteite met natuurlike beligting te doen. Hierdie benadering is alreeds in die eerste seisoen geïmplementeer. Ons is 'n klein span en ons het beperkte tyd gehad om te verfilm, maar alles het uitgewerk soos dit moes. HELPENDE HANDEDie verfilming van die reeks was moontlik danksy finansiële steun van die Namibiese Filmkommissie (NFC). Die lewe het nie weer teruggekeer na normaal of heeltemal by 'n nuwe normaal aangepas nie, maar soos die titel van hierdie reeks voorstel, beweeg ons steeds vorentoe. Aangesien die filmbedryf grotendeels deur die pandemie geknou is, is die NFC steeds daartoe verbind om die bedryf deur hierdie onsekere tye te ondersteun. Ons hoop dat verhale in die reeks nie net die verlies en uitdagings wat die pandemie meebring, oorvertel nie, maar ook hoop gee terwyl ons vorentoe stap. HULLE IS IN SEISOEN 2 TE SIEN• Israel Iyambo (paramedikus)• Justa de Klerk (professionele verpleegster en lektor)• Foibe Sakaria (jeugleier)• Michael Nauta (meganiese ingenieur)• Dr. Kaveto Sikuvi (nood-geneesheer)• Ndumbu Pentikainen (mediese tegnoloog)• Ndahafa Frans (tegnoloog)• Lize Ehlers (musikant)• Adriano Visagie (mediapersoonlikheid)• Denver Kisting (joernalis)• Lufina Kamoso (kleuterskoolhoof) FILM- EN PRODUKSIESPAN• Regie deur Tim Huebschle en Ndinomholo Ndilula• Geskep deur Tim Huebschle, Ndinomholo Ndilula en David Benade• Geskryf en aangebied deur Ndinomholo Ndilula• Geproduseer en verwerk deur Tim Huebschle• Uitvoerende vervaardiger David Benade• Kinematograaf Antonius Tsuob• Aanlyn verwerking Haiko Boldt• Post-klankproduksie David Benade • Kyk hier na die eerste episode van seisoen 2 (by QR): https://q.my.na/02QX

Dapper Namibiërs weier om te gaan lê

Kommentaar

Republikein 2026-05-05

Meld asseblief aan om kommentaar te lewer

Dapper ­Namibiërs weier om te gaan lê

Kommentaar

Republikein 2026-05-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Dapper Namibiërs weier om te gaan lê

Intekening vereis om toegang tot inhoud te kry.