Dankie, Henties

SANDRA SMITH SKRYF:Dankie JHV van Hentiesbaai vir julle goeie werk en by dit alles dat Jesus se Naam die voorblad van die Republikein gehaal het.Die Naam Jesus en nog meer Sy volle Naam, Here Jesus Christus, het vir menigte mense ‘n irritasie geword, omdat hierdie Naam hulle aankla en veroordeel. Om hierdie irritasie te vermy, word liefs die name Meester, Vader, God, Here, Skepper, Almagtige ens. gebruik. Onder hierdie vaandel kan alle gelowe maklik hande vat, want dit spesifiseer nie die Christen-identiteit nie. Ook Christen-instansies en uitsaaimedia maak hulle hieraan skuldig.Leer uit die Woord dat alle mag is aan Jesus gegee (Luk. 10:22). Ook die oordeel is aan Hom gegee (Hand. 17:31, Joh. 5:22-23). Hy is die Hoëpriester en enigste weg tot God (Joh. 14:6). Geen gebed kan verhoor word as dit nie gerig word aan die Hoëpriester Jesus nie (Heb. 4:14-16, Heb. 5:9).Uit die Ou Testament leer ons dat as die Hoëpriester verag word, God se toorn ontvlam het, en die oortreders met hulle vroue en kinders dan lewendig afgevoer is na die hel. Bybelstudie wys ook dat Jesus vanaf Melgisedek dwarsdeur die Ou Testament opgetree het; jammer dat die nuwe bybelvertalings hierdie gebeure met klein lettertjies vervang het. (webtuiste: www.2016vertaling.co.za)Hierdie Naam sal al hoe meer gehaat word en as diskriminerend beskou word, wat sal uitloop op vervolging en beproewing. Hierdie verskynsel begin nou al momentum aannneem en ten einde sal dan baie tot struikeling gebring word (Matt. 24:8-10). Ons word vandag geleidelik voorberei om alle gelowe te verenig onder die naam van “God” terwyl die Bybel so ‘n vereniging ten strengste verbied, daarom die Naam Here Jesus Christus.Lees ook 2 Kor. 6:14-18, Num. 25, 1 Joh. 2:22-23, 1 Joh. 4:2-3.(Aanhalings uit die direkte vertaling van 1953.)

Dankie, Henties

Kommentaar

Republikein 2025-12-16

Meld asseblief aan om kommentaar te lewer

Dankie, Henties

Kommentaar

Republikein 2025-12-16

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.