Damme: Twee weke, 186 Mm³ water

Elvira Hattingh - Afgesien van die feit dat NamWater genoop was om ’n 100%-vol Von Bachdam se sluise die afgelope naweek te trek, het die Omdel Sondag vir die eerste keer in jare water ontvang. Dit volg nadat nasionale damme die afgelope twee weke altesaam 186,839 miljoen kubieke meter (Mm³) bygekry het. Die nasionale gemiddeld vir damme het van 21,1% na 47,4% vol gestyg, teenoor verlede jaar se 33,6%.Die Von Bachdam was Maandagoggend 99,4% vol. Een van dié dam se sluise is Sondagaand om 21:30 vir die eerste keer sedert 2011 getrek nadat die dam om 20:45 presies 100% vol was. Die sluis is om 05:10 Maandag weer gesluit. Intussen het die Omaruru Deltadam, oftewel die Omdeldam, intussen 1,287 Mm³ water ontvang en bevat dit tans 3,7% water. Dit is die eerste keer in baie jare wat dié dam enige water ontvang.Die Hardapdam het die meeste water van alle nasionale damme oor die afgelope sewe dae gekry toe 23,916 Mm³ dit binnegestroom het. Dit het van 20,6% vol na 28,7% gestyg. Veertien dae gelede het die dam ’n skrale 6,5% water bevat.Verlede jaar dieselfde tyd was dié dam 28,1% vol. Die Swakoppoortdam het die afgelope week ook ’n reusehoeveelheid water, naamlik 21,672 Mm³ ontvang en is tans 69,1% vol. Twee weke gelede het dié dam, met ’n kapasiteit van 63,489 Mm³, nog net 4,8% (3, 026 Mm³) water bevat.Die Omatako- en Von Bachdam het die afgelope week ook onderskeidelik 8,366 Mm³ en 8,074 Mm³ ingekry. Die Omatakodam is nou 52,2% vol. Die Oanobdam het die afgelope week van 52,6% na 90,5% gelig, terwyl die Nautedam ook van 80,4% na 87,1% gelig het.Ander damme wat die afgelope week water ingekry het, sluit in die Friedenau- (44,5%), die Otjivero- (16,9%) die Tilda Viljoen- (32,7%), die Daan Viljoen- (69,1%), die Dreihuk- (15,4%), die Bondels- (102,8%) en die Omatjennedam (11,9%).Terselfdertyd was die Neckartaldam Maandagoggend 8,1% vol en het dit 70 Mm³ water bevat.VERSPOELINGSOmaruru Game Lodge het ná 75 mm reën Saterdag oorstroom. Me. Carien Rowland, die bestemming se algemene bestuurder, het egter Maandag aan Republikein gesê dat hulle die water intussen uitgepomp het.Die Desert Horse Inn by Klein Aus Vista het ook oorstroom.Intussen het Gondwana berig ná jare se ernstige droogte het die Gondwana Canyon Park uiteindelik goeie reën die afgelope naweek ontvang. By die Canyon Roadhouse het dit 60 mm in ’n baie kort tydjie gereën, wat veroorsaak het dat die nabygeleë rivier sy walle oorspoel het en die hoofpad beskadig het. Boonop moes kampeerders inderhaas in kamers gehuisves word. REËNOp die Facebook-groep “Reën in Namibia” het mense gesê hulle het die afgelope Sondag tussen 3,5 mm en 7 mm in Windhoek gemeet, terwyl 12 mm in Rehoboth gemeet is. By Oanob is 11 mm en 13 mm gemeet. Op Okahandja het dit Sondag 11 mm gereën, terwyl 28 mm reën op die Internasionale Lughawe Hosea Kutako gemeet is. LMe. Liesl Louw het gesê 13 km wes van Okahandja het dit 55 mm in 24 uur gereën.In die Hardapdam se opvangsgebied is 57 mm op die plaas Rietoog gemeet, terwyl Keetmanshoop 30 mm reën ontvang het. By Schlip het 16 mm reën geval. Mnr. Martin Fourie sê op die plaas Happyland 40 km wes van Stampriet is 65 mm reën gemeet.Me. Annali van Wyk het laat weet Sondag het dit 18 mm op Kalkrand gereën. Die plaas Zoekmekaar, 120 km suid-oos van Mariental, het Sondagnag 18 mm reën gehad. By Grünau is 15 mm gemeet en suid van Gochas is 6 tot 8 mm gemeet. Gobabis het 5 mm ontvang.Sondag is 2 mm op Tsumeb se lughawe gemeet, hoewel mnr. Rudolf van Wyk sê Tsumeb het reeds 603 mm reën in die huidige seisoen ontvang.Op die plaas Rooidag, noordoos van Grootfontein, is 18 mm reën gemeet.Me. Michelle Grobbelaar sê op die plaas Weshof tussen Witvlei en Omitara is 60 mm se reën in 24 uur gemeet, terwyl 20 mm reën noord van Omitara gemeet is.Terselfdertyd was die Löwen-, Wit Nossob-, Konkiep-, Khan-, Ugab-, Swakop- en Omarururivier steeds in vloed, met die Kuisebrivier wat sy weg stadig deur die woestyn na die see begin baan het. – elvira@republikein.com.na

Damme: Twee weke, 186 Mm³ water

Kommentaar

Republikein 2026-02-03

Meld asseblief aan om kommentaar te lewer

Damme: Twee weke, 186 Mm³ water

Kommentaar

Republikein 2026-02-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.