Damian en Max baanbrekers in Suid-Amerikaanse beroepsliga
Meer Namibiese spelers is by die nuwe Suid-Amerikaanse superliga betrokke.
Andrew Poolman - 'n Blinknuwe franchise-rugbyspan wat twee Namibiese aanwinste insluit, streef daarna om in die komende maande die spel in Paraguay op die voorgrond te plaas.
Die Namibiese steelkantflank Max Katjijeko en skrumskakel Damian Stevens, beide lede van verlede jaar se Wêreldbekerspan, het hulle reeds die afgelope dae in Paraguay by die Olimpia Lions aangesluit.
Die Amerikaanse Superliga is aan die einde van verlede jaar bekend gestel en sal tussen franchises van Paraguay, Uruguay, Chili, Brasilië en Argentinië beslis word. Wedstryde begin aan die einde van Februarie en elkeen van die agt franchises speel een keer teen mekaar, voor die semifinale en eindstryd in Meimaand.
Waarskynlik die Olimpia Lions se mees hoëprofiel aanwins is die 33-jarige Fidjiaanse vleuel Napolioni Nalaga, wat benewens 21 toetse ook 'n roemryke klubloopbaan vir spanne soos die Western Force, Clermont Auvergne en London Irish op sy getuigskrif het.
Die stut Liam Hendricks (Griekwas en WP) en die gewese WP-heelagter Grant Hermanus is die twee Suid-Afrikaners op die Olimpia Lions se boeke, tesame met 'n agtsteman van Nieu-Seeland (Mathew Polwart-Matich), Spanje se toetslosskakel Facundo Munilla en 'n string Argentyne en Paraguayane.
“Ons het nog nie die afrigters ontmoet nie, maar ons eerste oefensessie is Dinsdagoggend (gister),” het Katjijeko aan Republikein vertel.
“Hulle het 'n woonstelkompleks gehuur waarin die spelers reeds gehuisves is en twee-twee in 'n kamer deel. Ek en Damian is saam.”
TAALVERSKILLE
“Daar is verskeie spelers wat nie Spaans kan praat nie, of wat nie Engels kan praat nie, maar van ons paaie het tevore reeds gekruis in kompetisies soos die Curriebeker, of die Wêreldrugby Nasiebekertoernooi (wat die afgelope twee jare in Uruguay aangebied was).
“My agent in Engeland het voor ons Wêreldbeker-wedstryd teen Kanada my oor die moontlikheid vir hierdie span ingelig en ek het 'n eenjaarkontrak onderteken.
“Ek sien nogal uit daarna. Die kampioenspan word met 'n bykomende wedstryd teen die wenners van Major League Rugby (elf spanne van die VSA en een van Kanada) beloon.”
Die 24-jarige Katjijeko sê hy het ook ander moontlike opsies ná die Wêreldbeker gehad, maar dat die betrokke klubs 'n bietjie gesloer het om aanbiedinge op skrif voor te lê.
Die avontuur in Suid-Amerika sal sy eerste professionele kontrak in die buiteland wees, afgesien van ses maande toe hy verlede jaar by die Engelse laerligaklub Luctonians “uitgehelp” het.
“Ek sal graag in die toekoms weer vir 'n klub in die Engelse premierliga of kampioenskap (eerste liga) wil speel,” verklap hy.
Die lenige Katjijeko (97 kg, 1.96 meter) se beweeglikheid en hoë werktempo het algaande uitgestaan gedurende die 15 toetse wat hy sedert 2017 onder die Namibiese afrigter, Phil Davies, gespeel het. Voor dit het hy ook sy rugbyvernuf by Windhoek Hoërskool, die FNB Universiteit van Namibië en die Windhoek Draught Welwitschias geslyp.
Damian Stevens (24) is ook 'n gesoute veteraan in 27 toetse vir Namibië sedert 2015, insluitend die laaste twee Wêreldbekers.
Sy hoogtepunte vir 2019 het 'n puik WB-drie teen Italië ingesluit, asook drie uit drie strafdoele wat sy span kortstondig teen die All Blacks laat voorloop het.
Sedert sy skooldae by Paarl Boishaai en vordering na die Namibiese o.20-span, het Stevens hom reeds op provinsiale vlak in Suid-Afrika begin vestig. Hy sluit vir ses maande by die Paraguayaanse span aan vanaf die Natalse Haaie, ná vorige tye by Griekwas en die Westelike Provinsie.
• Janry du Toit, 23-jarige Namibiese vleuel, sal in dieselfde Suid-Amerikaanse beroepsliga sy debuut vir die Uruguay-franchise Peñarol maak.
Sy gewese nasionale spanmaat, die agtsteman Adriaan Booysen, se aansluiting by die Houston SaberCats in Texas is ook verlede maand bekendgemaak. Booysen en Du Toit het tevore saam vir Privaatskool Elnatan, asook FNB Wanderers en Namibië gespeel.
Die Namibiese steelkantflank Max Katjijeko en skrumskakel Damian Stevens, beide lede van verlede jaar se Wêreldbekerspan, het hulle reeds die afgelope dae in Paraguay by die Olimpia Lions aangesluit.
Die Amerikaanse Superliga is aan die einde van verlede jaar bekend gestel en sal tussen franchises van Paraguay, Uruguay, Chili, Brasilië en Argentinië beslis word. Wedstryde begin aan die einde van Februarie en elkeen van die agt franchises speel een keer teen mekaar, voor die semifinale en eindstryd in Meimaand.
Waarskynlik die Olimpia Lions se mees hoëprofiel aanwins is die 33-jarige Fidjiaanse vleuel Napolioni Nalaga, wat benewens 21 toetse ook 'n roemryke klubloopbaan vir spanne soos die Western Force, Clermont Auvergne en London Irish op sy getuigskrif het.
Die stut Liam Hendricks (Griekwas en WP) en die gewese WP-heelagter Grant Hermanus is die twee Suid-Afrikaners op die Olimpia Lions se boeke, tesame met 'n agtsteman van Nieu-Seeland (Mathew Polwart-Matich), Spanje se toetslosskakel Facundo Munilla en 'n string Argentyne en Paraguayane.
“Ons het nog nie die afrigters ontmoet nie, maar ons eerste oefensessie is Dinsdagoggend (gister),” het Katjijeko aan Republikein vertel.
“Hulle het 'n woonstelkompleks gehuur waarin die spelers reeds gehuisves is en twee-twee in 'n kamer deel. Ek en Damian is saam.”
TAALVERSKILLE
“Daar is verskeie spelers wat nie Spaans kan praat nie, of wat nie Engels kan praat nie, maar van ons paaie het tevore reeds gekruis in kompetisies soos die Curriebeker, of die Wêreldrugby Nasiebekertoernooi (wat die afgelope twee jare in Uruguay aangebied was).
“My agent in Engeland het voor ons Wêreldbeker-wedstryd teen Kanada my oor die moontlikheid vir hierdie span ingelig en ek het 'n eenjaarkontrak onderteken.
“Ek sien nogal uit daarna. Die kampioenspan word met 'n bykomende wedstryd teen die wenners van Major League Rugby (elf spanne van die VSA en een van Kanada) beloon.”
Die 24-jarige Katjijeko sê hy het ook ander moontlike opsies ná die Wêreldbeker gehad, maar dat die betrokke klubs 'n bietjie gesloer het om aanbiedinge op skrif voor te lê.
Die avontuur in Suid-Amerika sal sy eerste professionele kontrak in die buiteland wees, afgesien van ses maande toe hy verlede jaar by die Engelse laerligaklub Luctonians “uitgehelp” het.
“Ek sal graag in die toekoms weer vir 'n klub in die Engelse premierliga of kampioenskap (eerste liga) wil speel,” verklap hy.
Die lenige Katjijeko (97 kg, 1.96 meter) se beweeglikheid en hoë werktempo het algaande uitgestaan gedurende die 15 toetse wat hy sedert 2017 onder die Namibiese afrigter, Phil Davies, gespeel het. Voor dit het hy ook sy rugbyvernuf by Windhoek Hoërskool, die FNB Universiteit van Namibië en die Windhoek Draught Welwitschias geslyp.
Damian Stevens (24) is ook 'n gesoute veteraan in 27 toetse vir Namibië sedert 2015, insluitend die laaste twee Wêreldbekers.
Sy hoogtepunte vir 2019 het 'n puik WB-drie teen Italië ingesluit, asook drie uit drie strafdoele wat sy span kortstondig teen die All Blacks laat voorloop het.
Sedert sy skooldae by Paarl Boishaai en vordering na die Namibiese o.20-span, het Stevens hom reeds op provinsiale vlak in Suid-Afrika begin vestig. Hy sluit vir ses maande by die Paraguayaanse span aan vanaf die Natalse Haaie, ná vorige tye by Griekwas en die Westelike Provinsie.
• Janry du Toit, 23-jarige Namibiese vleuel, sal in dieselfde Suid-Amerikaanse beroepsliga sy debuut vir die Uruguay-franchise Peñarol maak.
Sy gewese nasionale spanmaat, die agtsteman Adriaan Booysen, se aansluiting by die Houston SaberCats in Texas is ook verlede maand bekendgemaak. Booysen en Du Toit het tevore saam vir Privaatskool Elnatan, asook FNB Wanderers en Namibië gespeel.
Kommentaar
Republikein
Geen kommentaar is op hierdie artikel gelaat nie