Dagboek vir die landbouer

Kom leer van hidro- en akwaponikaDie spesialisafdeling ProVision by Agra bied vandag en môre 'n kursus in Hidroponika en Akwaponika in Windhoek aan. Die kursus duur daagliks van 08:00 – 16:30 en kos N$2 300 per persoon. Bel 061 2909802 of stuur ‘n e-pos na apvtraining@agra.com.na vir meer inligting. Leonardvillers kom byeenHierdie BV vergader vandag om 15:00 in die BV-saal. Hennie Gous en Axel Röder is die gaste. Kontak vir Johannie Brenkmann by 081 122 4178 of lvillebv@gmail.com vir meer inligting.Kalkfelders hou jaarvergaderingDie Kalkfeld Boerevereniging hou môre sy jaarvergadering. Dit begin om 08:00 (vir 08:30) en dit vind op Plaas Immenhof van Annelien en Werner von Seydlitz plaas. Vir meer inligting, kontak vir Silke von Gossler by 067 290119, of orua@iway.na.Grondboonboere kon byeenDie Grondboonvereniging van Namibië hou Donderdag sy ledevergadering en bied daarmee saam ‘n inligtingsessie op Grootfontein aan. Buiten die normale interne sake op die agenda sal Wessel Higgs en Loureine Muller van Triotrade gesels oor die 2019-’20-seisoen se vooruitskouing asook 2020 se saad kultivars.Verder is ‘n boeredag ook gereël wat om 12:30 afskop. Dit bied ‘n vol program met interessante sprekers. Charl Baard kom praat oor voersorghums en dekgewasse, Gernot Eggert kom deel sy praktiese ervaringe oor hioe hy in 2019 oorleef, Jakkie Oosthuisen gesels oor meerjarige gras met kwaliteit en tonne, Klaas Malan deel die geheim van voerproduksie met 200 mm, Gerhard Olivier van Geofarm stel satellietmonitering vir gewastoestande en –gesondheid bekend en laastens sal Olaff Bergh van Agra praat oor voorrade op die vloer en tegniese hulp aan boere.Kontak Dawie Kok by bstroom@mweb.com.na of 081 261 6173.Stamprieters hou skouDie Stampriet Skou vind van 2 – 6 September plaas en die Nasionale Boerbokkampioenskappe word tydens die skou aangebied. Vir verdere navrae kontak vir Jaco Kotze by 081 442 2122, stamprietbv@gmail.com. Oesfees is om die draaiDie jaarlikse Oesfees op Grootfontein vind op 7 September by die skougronde plaas. Die weerman Johan van den Berg van Santam in Suid-Afrika sal weersake bespreek en by die vroueprogram vertel Rhona Strauss hoe om ‘n bordjie soet- en soutversnapperings te maak. Sy bied ook ‘n praatjie aan oor die “Man in die Kombuis”. Verdere navrae ook Rhona se program kan gerig word aan Zea Engelbrecht by 081 124 4419. Daar word ook ‘n skryfskietkompetisie om 09:00 aangebied. Registrasie beloop N$100 vir volwassenes en N$50 vir kinders, waarby koffie, koek en aandete ingesluit is. Kontak vir Johan Enslin by 081 296 4257 of Madelein Malan by 081 242 5456 vir meer inligting.

Dagboek vir die landbouer

Kommentaar

Republikein 2025-12-16

Meld asseblief aan om kommentaar te lewer

Dagboek vir die landbouer

Kommentaar

Republikein 2025-12-16

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.