Dagboek vir die landbouer

Kursus oor melkbokke by OtjiwarongoDie Cheetah Conservation Fund bied op 7 Augustus ‘n eendagseminaar oor suiwelbokboerdery aan wat ook besprekings oor kunsmatige bevrugting insluit. Dr. Terry Gibson van die Langston Universiteit in die VSA is die aanbieder. Die seminara word gehou by die Cheetah Conservation Fund buite Otjiwarongo en kos N$300 per persoon, wat die middagete insluit. Kontak Laurie or Tyapa by 067 306 225, 081 336 1709, 081 124 7887, of stuur ‘n e-pos na director@cheetah.org.Summerdown se lede vergaderHierdie boerevereniging hou ‘n ledevergadering op 7 Augustus om 15:00 in die BV-saal. Die sprekers is mnr. André Botes van AgriBank en dr. Hanlie Winterbach. Kontak vir Rienie du Plessis: 081 285 2169, of summerdownbv@gmail.com.Kom leer van DamaraskapeDie Damaraskaap-telersgenootskap bied vandag en môre ‘n junior- en seniorkursus by Namboer in Windhoek aan. Die koste beloop N$500 per persoon en dit sluit die opleidingsmateriaal asook verversings in. Registrasie vind om 09:00 plaas. Na afloop van die kursusse word ‘n keurdersdag aangebied. Op 9 Augustus om 08:00 hou dié genootskap sy jaarvergadering by Namboer en om 12:00 vind ‘n veiling plaas. Kontak Linda Sterkenburg by btgn@afol.com.na of bel haar by 061 252994.Kalkfeld-lede hou hul jaarvergaderingKalkfeld BV hou sy jaarvergadering Woensdag om 08:00 vir 08:30 op plaas Ekundu van Caroline en Günther Kahl. Kontak Silke von Gossler by 067 290119 of orua@iway.na.Wagnou Boerdery bied kursusse vir telers aan‘n Kursus vir beestelers in produksiedata word op 8 Augustus op plaas Wagnou noord van Gobabis aangebied. Die koste beloop N$250 en die sprekers is Johan de Jager (Bengufarm) en Jan Schoeman (SA Beefmasters). Op 9 Augustus word ‘n senior Beefmaster-keurderkursus ook hier aangebied. Om vir hierdie kursusse te registreer, kontak vir Johan van der Merwe by 081 320 1013, 062 56 8249, of wagnou@iway.na.Houtskoolbedryf trek op Otjiwa saamDie Namibië Houtskoolvereniging (NCA) bied sy jaarlikse konferensie en ekspo Vrydag om 08:00 by die Otjiwa Safari Lodge by Otjiwarongo aan. Die gasspreker is mnr. Burre Burger wat die droogtehulp-aksie in Suid-Afrika dryf. Die registrasiefooi beloop N$250 per persoon. Kontak vir Roelien by 081 386 5663 of roelien.coffee@ncanamibia.com.

Dagboek vir die landbouer

Kommentaar

Republikein 2026-02-03

Meld asseblief aan om kommentaar te lewer

Dagboek vir die landbouer

Kommentaar

Republikein 2026-02-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.