Dag van die liefde
CHARMY SKRYF:
Die aand voor die liefdesdag moet jou dogtertjie se klere reg wees. Dit neem gewoonlik drie tot vier keer se omruil om die regte, perfekte uitrusting te kies.
"Dis ‘n spesiale dag, Mammie. Almal gaan vir almal ietsie gee. Dis ‘n dag van liefde."
(Diep in my hart dink ek om hulle te hê, maak elke dag vir my ‘n spesiale dag).
Sy is so opgewonde soos die aand voor Kersdag. Dis die dag van liefde.
My sesjarige seuntjie is heel tevrede met sy Spiderman-uitrusting, want dit het rooi in. Hy is min gepla. Hy moet net N$5 skool toe vat, omdat hulle gewone klere moet aantrek.
Die 14de Februarie. Waar jy ry, sien jy wit en rooi, of pienk en wit, of net wit. Dis die liefde: suiwer, skoon, mooi.
Ons vergeet eers van alle lelik in die wêreld en ons vier eers die pragtige dag waarna elke verliefde uitsien. Die blomme, die sjampanje, die kersies, die sjokolade, die mooi, hartsogtelike beloftes.
Al is jy nie verlief nie, voel jy definitief die liefde.
My kollega se pa is so ‘n romantikus dat hy elke jaar vir sy dogters rose laat aflewer, of dit nou by die werk is of by die skool. Sy dogters moet spesiaal voel.
Maar tog kom die jare wat ons dogtertjies niks kry nie. Dan kom hulle met gebroke hartjies by die huis.
Dis hoekom ek en my 20-jarige seun besluit het ons wil nie weer daai teleurstelling sien nie. Sodra ons uitvind sy het nie ‘n lekkertjie of blommetjie gekry nie, koop ons vir haar voor die dag eindig iets vir haar kinderlike opgewondenheid. Oor dit soveel vir haar beteken. Oor sy ons Valentine is. Ons gaan dit wat ons kry bêre vir haar, want die pragtig in die spesiale dag moet sy nooit verloor nie.
Hoop almal het ‘n pragtige, liefdevolle Valentynsdag gehad.
Die aand voor die liefdesdag moet jou dogtertjie se klere reg wees. Dit neem gewoonlik drie tot vier keer se omruil om die regte, perfekte uitrusting te kies.
"Dis ‘n spesiale dag, Mammie. Almal gaan vir almal ietsie gee. Dis ‘n dag van liefde."
(Diep in my hart dink ek om hulle te hê, maak elke dag vir my ‘n spesiale dag).
Sy is so opgewonde soos die aand voor Kersdag. Dis die dag van liefde.
My sesjarige seuntjie is heel tevrede met sy Spiderman-uitrusting, want dit het rooi in. Hy is min gepla. Hy moet net N$5 skool toe vat, omdat hulle gewone klere moet aantrek.
Die 14de Februarie. Waar jy ry, sien jy wit en rooi, of pienk en wit, of net wit. Dis die liefde: suiwer, skoon, mooi.
Ons vergeet eers van alle lelik in die wêreld en ons vier eers die pragtige dag waarna elke verliefde uitsien. Die blomme, die sjampanje, die kersies, die sjokolade, die mooi, hartsogtelike beloftes.
Al is jy nie verlief nie, voel jy definitief die liefde.
My kollega se pa is so ‘n romantikus dat hy elke jaar vir sy dogters rose laat aflewer, of dit nou by die werk is of by die skool. Sy dogters moet spesiaal voel.
Maar tog kom die jare wat ons dogtertjies niks kry nie. Dan kom hulle met gebroke hartjies by die huis.
Dis hoekom ek en my 20-jarige seun besluit het ons wil nie weer daai teleurstelling sien nie. Sodra ons uitvind sy het nie ‘n lekkertjie of blommetjie gekry nie, koop ons vir haar voor die dag eindig iets vir haar kinderlike opgewondenheid. Oor dit soveel vir haar beteken. Oor sy ons Valentine is. Ons gaan dit wat ons kry bêre vir haar, want die pragtig in die spesiale dag moet sy nooit verloor nie.
Hoop almal het ‘n pragtige, liefdevolle Valentynsdag gehad.
Kommentaar
Republikein
Geen kommentaar is op hierdie artikel gelaat nie