Daai slim kiem

WILLEM DE WET SKRYF:Ek het mos so ’n tydjie gelede hierdie slim Covid-kiem se lof besing en hom gelukgewens met sy selektiewe aanslag in die nag en op inkomende toeriste, op wyndrinkers, op motorfietsryers en so aan, maar ek staan vandag verbaas!Die ding is nog slimmer as wat ek gedink het. Hy het sy lyf slap gemaak en jakkalsdraaie gehardloop om alle pogings om ’n entstof te ontwikkel tot die Amerikaanse verkiesing volgens CNN deur die demokrate gewen is, en toe gee hy oor. Bliksem! Sy timing was perfek!Ek is nou nie ’n conspiracy-teorieman nie, maar ek staan verstom dat ons onsself so aan die neus laat rondlei deur ryk mense in hul absolute lewensveragtende speletjie om magsbeheer te verkry. As ek die ding so kyk, het die politici die kiem gebruik om die stem in Amerika te beïnvloed en die oomblik toe hulle hul sin kry, toe val die entstof uit die kas uit en almal klap hande vir die wenner?As my teorie reg is, moet die wêreld die deelnemers aan die speletjie voor die wêreldhof daag en hulle vir die res van hul lewens saam met Covid in ’n klein kamertjie vêr van alles toesluit, sodat hulle mekaar kan uitsorteer en omkom in afsondering.Ek hoop ek is verkeerd, maar ek vermoed al lankal dat so iets aan die gang is, en as dit so is, is dit onvergeefbaar.Is dit net toeval dat die kiem sy oorgawe dae ná die verkiesing aankondig, of het die wêreld se magsbeheptes hom maande lank in ICU versorg en vertroetel, om as wapen te gebruik om hul doel te bereik?Ek vra maar net?

Daai slim kiem

Kommentaar

Republikein 2025-12-18

Meld asseblief aan om kommentaar te lewer

Daai slim kiem

Kommentaar

Republikein 2025-12-18

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.