D-dag vir die Brave Warriors
Tielman van Lill - Die uur van waarheid breek môre om 17:30 vir die Tafel Lager Brave Warriors in die Sam Nujoma-stadion aan om hul staal teen Botswana in hul 2016 Cosafa-beker kwarteindstryd te toon.
Namibië, wat die Cosafa-kroon verlede jaar teen Zambië in die finaal in Suid-Afrika opgeraap het, speel môre sy eerste wedstryd van die 2016-toernooi teen die Zebras.
Kan die Warriors onder druk koelkop bly om hul swak rekord teen Botswana te bowe te kom en dié uitklopwedstryd te wen? Net die tyd sal leer of afrigter Ricardo Mannetti se Warriors betyds die toorkunsies kan aanskakel wat hulle verlede jaar vir die eerste keer die kampioene van Suider-Afrika gemaak het.
Volgens die Cosafa-beker se reëls kwalifiseer Botswana, die Demokratiese Republiek van Kongo (as genooide span), Mosambiek, Namibië, Suid-Afrika en Zambië as gekeurde spanne outomaties vir die kwarteindronde.
Hierde uitklopsituasie sal dus môre en Sondag vir onmisbare drama in die Sam Nujoma-stadion sorg.
Swaziland (wenner van groep A) sal in die eerste van Sondag se rillers teen Zambië in aksie wees (15:00), voor die Kongolese en Mosambiek swaarde kruis (17:30).
Bafana Bafana maak môre teen die wenner van groep B (Malawi of Lesotho) hul eerste verskyning in die toernooi. Dit sal ’n warm voorwedstryd (15:00) vir die Brave Warriors wees.
Aanvanklik sou van die kwarteindstryde in die Onafhanklikheidstadion in Olympia gespeel gewees het, maar vanweë die beter veldoppervlak in die Sam Nujoma-stadion is dié botsings na sokker se hoofkwartier verskuif. Die reëling behoort ook heelwat meer toeskouers te verseker, wat finansieel ook meer sin maak.
KAPTEIN IS HIER
Mannetti kon gister ná ’n lang gewag uiteindelik sy span saamstel nadat die Brave Warriors se kaptein, Ronald Ketjijere, deur sy klub Amatuks vrygestel is.
Nadat Amatuks se relegasie uit die Suid-Afrikaanse premierliga bevestig is, het dié klub niks meer te verdedig nie en Ketjijere kon inderhaas sy tasse pak om na Windhoek te vlieg.
Peter Shalulile sal hom ook by die Warriors voeg nadat hy Dinsdagaand met twee voltreffers die doelnet getref het om Highlands Park, sy Suid-Afrikaanse klub, se plek in die volgende PSL-seisoen te bespreek.
Die Warriors het drie weke gelede begin laer trek om hul kroon as Cosafa-konings te verdedig en sal gemotiveerd wees om hul ondersteuners op die punte van hul sitplekke met opwindende spel te hou. Willem Mwedihanga, wat sy klubsokker saam met Ketjijere by Amatuks speel, sal nie teen Botswana in aksie wees nie. Mwedihanga se versoek om verskoon te word, is toegestaan. Indien die Braves môre die Zebras se sterte kan knoop, kan dié verdediger wel vir die volgende botsing beskikbaar wees.
“Willem het vir ’n blaaskans gevra om sy lyf te laat rus. Ek het my finale 20-tal saamgestel en ek is vol vertroue dat die spelers die knoop kan deurhaak. Die naweek is dit maak of breek vir ons, want as ons verloor, is die kampioenskap vir ons verby,” het Mannetti volgens ’n NSV-verklaring gesê.
Nadat die Warriors verlede jaar die toernooi in die vreemde gewen het, is dit van uiterste belang dat die Namibiese nasie soos een man in rooi geklee na die Sam Nujoma-stadion opruk om die Warriors aan te moedig. Hoe meer ’n span aangemoedig word, hoe beter sal sy spelers vaar. Toeskouers besef nie altyd hoeveel invloed hulle op die spelers se prestasie het nie.
“Ons het al die steun nodig wat ons kan kry. Ek pleit by ons ondersteuners om in rooi massas na die stadion te stroom om vir die eerste keer in die geskiedenis dié stadion tot oorlopens toe te vul. Ondersteuning van ons mense kan die verskil maak of ons die beker suksesvol verdedig of nie,” het Mannetti verduidelik.
Die span wat aangekondig is, hou nie veel verrassings in nie. Mannetti het wel sy sweep van dissipline laat klap met die weglating van Chris Katjiukua en Virgil Vries – ondanks hul openbare pleidooi om vergifnis ná hul wegblyery sonder toestemming.
Willy Stephanus is ook afwesig en is vrygestel om proewe by ’n klub in Viëtnam te gaan speel.
Die Tafel Lager Brave Warriors-groep: Max Mbaeva, Charles Uirab, Da Costa Angula, Denzil Hoaseb, Tiberius Lombard, Ferdinand Karongee, Edmund Kambanda, Oswaldo Xamseb, Deon Hotto, Dynamo Fredericks, Hendrick Somaeb, Absalom Iimbondi, Terdius Uiseb, Larry Horaeb, Ananias Gebhardt, Wangu Gome, Benson Shilongo, Peter Shalulile, Ronald Ketjijere, Itamunua Keimuine.
Wedstrydkaartjies kos net N$20 per persoon en kan by Sokkerhuis, die Freedom Land mobiele polisiekantoor, Greenwell polisiekantoor of enige TN Mobile Teleshops in Windhoek en Katutura gekoop word. - NFA.org.na
Namibië, wat die Cosafa-kroon verlede jaar teen Zambië in die finaal in Suid-Afrika opgeraap het, speel môre sy eerste wedstryd van die 2016-toernooi teen die Zebras.
Kan die Warriors onder druk koelkop bly om hul swak rekord teen Botswana te bowe te kom en dié uitklopwedstryd te wen? Net die tyd sal leer of afrigter Ricardo Mannetti se Warriors betyds die toorkunsies kan aanskakel wat hulle verlede jaar vir die eerste keer die kampioene van Suider-Afrika gemaak het.
Volgens die Cosafa-beker se reëls kwalifiseer Botswana, die Demokratiese Republiek van Kongo (as genooide span), Mosambiek, Namibië, Suid-Afrika en Zambië as gekeurde spanne outomaties vir die kwarteindronde.
Hierde uitklopsituasie sal dus môre en Sondag vir onmisbare drama in die Sam Nujoma-stadion sorg.
Swaziland (wenner van groep A) sal in die eerste van Sondag se rillers teen Zambië in aksie wees (15:00), voor die Kongolese en Mosambiek swaarde kruis (17:30).
Bafana Bafana maak môre teen die wenner van groep B (Malawi of Lesotho) hul eerste verskyning in die toernooi. Dit sal ’n warm voorwedstryd (15:00) vir die Brave Warriors wees.
Aanvanklik sou van die kwarteindstryde in die Onafhanklikheidstadion in Olympia gespeel gewees het, maar vanweë die beter veldoppervlak in die Sam Nujoma-stadion is dié botsings na sokker se hoofkwartier verskuif. Die reëling behoort ook heelwat meer toeskouers te verseker, wat finansieel ook meer sin maak.
KAPTEIN IS HIER
Mannetti kon gister ná ’n lang gewag uiteindelik sy span saamstel nadat die Brave Warriors se kaptein, Ronald Ketjijere, deur sy klub Amatuks vrygestel is.
Nadat Amatuks se relegasie uit die Suid-Afrikaanse premierliga bevestig is, het dié klub niks meer te verdedig nie en Ketjijere kon inderhaas sy tasse pak om na Windhoek te vlieg.
Peter Shalulile sal hom ook by die Warriors voeg nadat hy Dinsdagaand met twee voltreffers die doelnet getref het om Highlands Park, sy Suid-Afrikaanse klub, se plek in die volgende PSL-seisoen te bespreek.
Die Warriors het drie weke gelede begin laer trek om hul kroon as Cosafa-konings te verdedig en sal gemotiveerd wees om hul ondersteuners op die punte van hul sitplekke met opwindende spel te hou. Willem Mwedihanga, wat sy klubsokker saam met Ketjijere by Amatuks speel, sal nie teen Botswana in aksie wees nie. Mwedihanga se versoek om verskoon te word, is toegestaan. Indien die Braves môre die Zebras se sterte kan knoop, kan dié verdediger wel vir die volgende botsing beskikbaar wees.
“Willem het vir ’n blaaskans gevra om sy lyf te laat rus. Ek het my finale 20-tal saamgestel en ek is vol vertroue dat die spelers die knoop kan deurhaak. Die naweek is dit maak of breek vir ons, want as ons verloor, is die kampioenskap vir ons verby,” het Mannetti volgens ’n NSV-verklaring gesê.
Nadat die Warriors verlede jaar die toernooi in die vreemde gewen het, is dit van uiterste belang dat die Namibiese nasie soos een man in rooi geklee na die Sam Nujoma-stadion opruk om die Warriors aan te moedig. Hoe meer ’n span aangemoedig word, hoe beter sal sy spelers vaar. Toeskouers besef nie altyd hoeveel invloed hulle op die spelers se prestasie het nie.
“Ons het al die steun nodig wat ons kan kry. Ek pleit by ons ondersteuners om in rooi massas na die stadion te stroom om vir die eerste keer in die geskiedenis dié stadion tot oorlopens toe te vul. Ondersteuning van ons mense kan die verskil maak of ons die beker suksesvol verdedig of nie,” het Mannetti verduidelik.
Die span wat aangekondig is, hou nie veel verrassings in nie. Mannetti het wel sy sweep van dissipline laat klap met die weglating van Chris Katjiukua en Virgil Vries – ondanks hul openbare pleidooi om vergifnis ná hul wegblyery sonder toestemming.
Willy Stephanus is ook afwesig en is vrygestel om proewe by ’n klub in Viëtnam te gaan speel.
Die Tafel Lager Brave Warriors-groep: Max Mbaeva, Charles Uirab, Da Costa Angula, Denzil Hoaseb, Tiberius Lombard, Ferdinand Karongee, Edmund Kambanda, Oswaldo Xamseb, Deon Hotto, Dynamo Fredericks, Hendrick Somaeb, Absalom Iimbondi, Terdius Uiseb, Larry Horaeb, Ananias Gebhardt, Wangu Gome, Benson Shilongo, Peter Shalulile, Ronald Ketjijere, Itamunua Keimuine.
Wedstrydkaartjies kos net N$20 per persoon en kan by Sokkerhuis, die Freedom Land mobiele polisiekantoor, Greenwell polisiekantoor of enige TN Mobile Teleshops in Windhoek en Katutura gekoop word. - NFA.org.na
Kommentaar
Republikein
Geen kommentaar is op hierdie artikel gelaat nie