Cyril sal Moody's weer laat dink
Die adjunkpresident van Suid-Afrika het 'n positiewe ontvangs by die Wêreld- Ekonomiese Forum gehad.
Riana de Lange - Wat in Desember as 'n vars Cyril-briesie oor Suid-Afrika begin waai het, het die afgelope week in 'n stormsterk wind van verandering by Eskom ontaard . . . en dít is dalk net die soort verandering wat 'n verdere kredietafgradering kan keer.
Op adj.pres. Cyril Ramaphosa, nuwe ANC-leier, se aandrang het Eskom die afgelope week 'n nuwe voorsitter, nuwe direksie en nuwe waarnemende uitvoerende hoof gekry. En twee topamptenare wat by staatskaping in Eskom betrek word, het bedank.
Ramaphosa het glo verlede naweek gesê hy klim op geen vliegtuig na die Wêreld- Ekonomiese Forum in Davos voordat daar 'n plan met Eskom gemaak is nie. Hy het reguit aan pres. Jacob Zuma gesê daar kan nie nog 'n week gewag word om in te gryp nie, het Netwerk24 Vrydag berig.
Kredietgraderingsagentskappe maan al lank oor die las wat Eskom en ander sukkelende staatsbeheerde ondernemings op die regering plaas weens staatswaarborge.
'CYRIL-EUFORIE'
Oral word daar nou na die “Cyril-euforie” verwys.
Lullu Krugel, 'n ekonoom by PwC, sê Moody's – die enigste van die drie groot graderingsagentskappe wat Suid-Afrika se staatskuld in rand nog op beleggingsgraad het – het 'n geskiedenis dat hy taamlik tegemoetkomend is teenoor Suid-Afrika. Hoewel Moody's Suid-Afrika op hersiening vir 'n afgradering geplaas het, kan hy selfs verras ná die begrotingsrede op 21 Februarie en die skuld in rand op beleggingstatus hou, sê Krugel.
Indien Suid-Afrika wel tot rommel afgradeer word, sal die land uit die Citigroup World Government Bond Index val, wat beteken institusionele beleggers mag nie meer daarin belê nie.
Krugel meen die mark prys dit reeds in, en die verwagte afverkoop beteken nie noodwendig “die rand se bodem sal uitval nie”.
Lesetja Kganyago, president van die Reserwebank, het in 'n onderhoud in Davos aan Bloomberg-TV gesê die nuwe ANC-leierskap se pogings om korrupsie uit te roei en nuwe lewe in die ekonomie te blaas, kan 'n verdere afgradering keer. “Suid-Afrika is in 'n veel beter posisie as toe die vorige graderingsbesluite geneem is. Ons kan 'n goeie saak uitmaak. Korrupsie en wanbestuur sal binnekort tot die verlede behoort.”
Annabel Bishop, 'n ekonoom van Investec, skryf egter in 'n kennisgewing Vrydag hoewel daar onder Ramaphosa vordering gemaak is met beter korporatiewe beheer om 'n afgradering te vermy, kan Suid-Afrika steeds sy laaste beleggingstatus verloor. Sy het wel vroeër gesê Ramaphosa se uitsprake oor beleid het vertroue in Suid-Afrika 'n hupstoot gegee.
Moody's beskou Ramaphosa se verkiesing as ANC-president as positief. Dít kon die waarskynlikheid dat Suid-Afrika sy laaste beleggingsgraad-gradering sal verloor, laat vervaag het, sê sy. Sy waarsku wel dat graderings tot diep in rommelstatus die rand kan seermaak en tot vlakke van R13,50 teenoor die Amerikaanse dollar laat verswak.
Die sterk vertoningsvlakke van die rand naby R11,80 die laaste paar dae is volgens ontleders 'n besliste aanduiding dat die sentiment jeens Suid-Afrika verbeter en dat Ramaphosa die regte snare aanroer om vertroue in die land te herstel.
Lukman Otunuga, 'n ontleder by FXTM, sê hoewel heelwat van die randsterkte met 'n swak dollar verband hou, steun markoptimisme oor Ramaphosa die plaaslike geldeenheid. Hoër kommoditeitspryse help ook die rand. Goud, Suid-Afrika se grootste minerale uitvoerproduk, is op van sy beste vlakke sedert Augustus 2016. Dit verklaar ook die rand se veerkragtigheid, sê hy.
Volgens Bishop sal die kredietagentskappe die begrotingsrede fyn dophou vir tekens van fiskale konsolidasie.
Die minister van finansies moet hom ook weerhou van buitensporige belastingverhogings wat ekonomiese groei sal knou.
Krugel sê ondanks die positiewe ontvangs wat Ramaphosa in Davos gehad het, die beter groeikoers van 1,4% wat die Reserwebank vir vanjaar voorspel, asook beter sentiment het Suid-Afrika steeds 'n hoop staatskuld.Dit sal lank neem om daarvan ontslae te raak, en besnoeiings is noodsaaklik.
Eskom en ook die Suid-Afrikaanse Lugdiens (SAL) sal van mense ontslae moet raak om werklik te bespaar. Krugel sê daar moet eerder van mense op bestuursvlak ontslae geraak word as lojale, toegewyde, kundige werkers.
Volgens Bishop sal besparingsmaatreëls besnoeiing op staatsdienssalarisse insluit. Dié salarisse het aansienlik gegroei sedert 2009, teen 'n pas wat onbekostigbaar word vir die land as ons 'n afgradering tot volledige rommelstatus wil vermy. – Netwerk24
Op adj.pres. Cyril Ramaphosa, nuwe ANC-leier, se aandrang het Eskom die afgelope week 'n nuwe voorsitter, nuwe direksie en nuwe waarnemende uitvoerende hoof gekry. En twee topamptenare wat by staatskaping in Eskom betrek word, het bedank.
Ramaphosa het glo verlede naweek gesê hy klim op geen vliegtuig na die Wêreld- Ekonomiese Forum in Davos voordat daar 'n plan met Eskom gemaak is nie. Hy het reguit aan pres. Jacob Zuma gesê daar kan nie nog 'n week gewag word om in te gryp nie, het Netwerk24 Vrydag berig.
Kredietgraderingsagentskappe maan al lank oor die las wat Eskom en ander sukkelende staatsbeheerde ondernemings op die regering plaas weens staatswaarborge.
'CYRIL-EUFORIE'
Oral word daar nou na die “Cyril-euforie” verwys.
Lullu Krugel, 'n ekonoom by PwC, sê Moody's – die enigste van die drie groot graderingsagentskappe wat Suid-Afrika se staatskuld in rand nog op beleggingsgraad het – het 'n geskiedenis dat hy taamlik tegemoetkomend is teenoor Suid-Afrika. Hoewel Moody's Suid-Afrika op hersiening vir 'n afgradering geplaas het, kan hy selfs verras ná die begrotingsrede op 21 Februarie en die skuld in rand op beleggingstatus hou, sê Krugel.
Indien Suid-Afrika wel tot rommel afgradeer word, sal die land uit die Citigroup World Government Bond Index val, wat beteken institusionele beleggers mag nie meer daarin belê nie.
Krugel meen die mark prys dit reeds in, en die verwagte afverkoop beteken nie noodwendig “die rand se bodem sal uitval nie”.
Lesetja Kganyago, president van die Reserwebank, het in 'n onderhoud in Davos aan Bloomberg-TV gesê die nuwe ANC-leierskap se pogings om korrupsie uit te roei en nuwe lewe in die ekonomie te blaas, kan 'n verdere afgradering keer. “Suid-Afrika is in 'n veel beter posisie as toe die vorige graderingsbesluite geneem is. Ons kan 'n goeie saak uitmaak. Korrupsie en wanbestuur sal binnekort tot die verlede behoort.”
Annabel Bishop, 'n ekonoom van Investec, skryf egter in 'n kennisgewing Vrydag hoewel daar onder Ramaphosa vordering gemaak is met beter korporatiewe beheer om 'n afgradering te vermy, kan Suid-Afrika steeds sy laaste beleggingstatus verloor. Sy het wel vroeër gesê Ramaphosa se uitsprake oor beleid het vertroue in Suid-Afrika 'n hupstoot gegee.
Moody's beskou Ramaphosa se verkiesing as ANC-president as positief. Dít kon die waarskynlikheid dat Suid-Afrika sy laaste beleggingsgraad-gradering sal verloor, laat vervaag het, sê sy. Sy waarsku wel dat graderings tot diep in rommelstatus die rand kan seermaak en tot vlakke van R13,50 teenoor die Amerikaanse dollar laat verswak.
Die sterk vertoningsvlakke van die rand naby R11,80 die laaste paar dae is volgens ontleders 'n besliste aanduiding dat die sentiment jeens Suid-Afrika verbeter en dat Ramaphosa die regte snare aanroer om vertroue in die land te herstel.
Lukman Otunuga, 'n ontleder by FXTM, sê hoewel heelwat van die randsterkte met 'n swak dollar verband hou, steun markoptimisme oor Ramaphosa die plaaslike geldeenheid. Hoër kommoditeitspryse help ook die rand. Goud, Suid-Afrika se grootste minerale uitvoerproduk, is op van sy beste vlakke sedert Augustus 2016. Dit verklaar ook die rand se veerkragtigheid, sê hy.
Volgens Bishop sal die kredietagentskappe die begrotingsrede fyn dophou vir tekens van fiskale konsolidasie.
Die minister van finansies moet hom ook weerhou van buitensporige belastingverhogings wat ekonomiese groei sal knou.
Krugel sê ondanks die positiewe ontvangs wat Ramaphosa in Davos gehad het, die beter groeikoers van 1,4% wat die Reserwebank vir vanjaar voorspel, asook beter sentiment het Suid-Afrika steeds 'n hoop staatskuld.Dit sal lank neem om daarvan ontslae te raak, en besnoeiings is noodsaaklik.
Eskom en ook die Suid-Afrikaanse Lugdiens (SAL) sal van mense ontslae moet raak om werklik te bespaar. Krugel sê daar moet eerder van mense op bestuursvlak ontslae geraak word as lojale, toegewyde, kundige werkers.
Volgens Bishop sal besparingsmaatreëls besnoeiing op staatsdienssalarisse insluit. Dié salarisse het aansienlik gegroei sedert 2009, teen 'n pas wat onbekostigbaar word vir die land as ons 'n afgradering tot volledige rommelstatus wil vermy. – Netwerk24
Kommentaar
Republikein
Geen kommentaar is op hierdie artikel gelaat nie