Cravenweek o.18-span môre bekend
Die Momentum-ligawedstryde begin ook volgende week.
Andrew Poolman
Die tafel is gedek vir nog 'n onvergeetlike seisoen van skolerugby, met Momentum Namibië wat sy jaarlikse borgskap vir die landwye ligas tot N$250 000 verhoog het.
By die aankondiging dié week dat MMI Holdings se borgskap grootliks uitgebrei word in vergelyking met verlede jaar se N$150 000, het die maatskappy se hoofmakelaar mnr. Frederick van Zyl gesê hulle bly trots om met hoërskolerugby in Namibië verbind te word. Die verhouding strek reeds oor die afgelope 25 jaar.
“MMI gaan voort om 'n ywerige belegger in ons jeug te wees, veral op die sportfront,” het hy gesê.
Die eerste wedstryde word reeds volgende Woensdag gespeel met twee onder 19 premierliga-kragmetings. By die WAP-veld in Pionierspark sal die eerste spanne van Elnatan en Tsumeb Gimnasium mekaar om 16:20 pak, terwyl Windhoek Hoërskool se tweede span om 17:00 op hul tuisveld Vegkop teen Walvisbaai se eerste span te staan kom.
Die verdedigende kampioenspan WHS, Windhoek Gimnasium se eerste en tweede spanne, asook Windhoek Affies wat verlede jaar sy eerste eindstryd gehaal het, is die ander spanne in die premierliga. Elke span sal sewe wedstryde in die ligafase speel.
Op Saterdag 3 Junie speel Windhoek Gimnasium se eerste en tweede spanne teen mekaar. Die twee WHS-spanne sal ook dan sake uitspook.
Die onder 14, o.15 asook o.19D, o.19C en o.19B-ligas word ook landwyd gespeel en word ook deur Momentum se borgskap gedek.
Mnr. Abie van Wyk, die nasionale koördineerder van Namibiese hoërskolerugby, sê die borgskap word gebruik vir uitgawes soos noodhulp, skeidsregters, medaljes en sertifikate. “Met die vergrote borgskap kan ons vir die verafgeleë skole wat vir die uitklopwedstryde kwalifiseer, 'n bydrae tot hul brandstofonkoste maak.”
PROEWE
Die tweedaagse nasionale o.18 en o.16 proewe tussen streekspanne is Dinsdag afgesluit.
Khomas se streekspan het die beste gevaar by die proewe en het in beide die o.16 en o.18-wedstryde onoorwonne geëindig. In die tweede plekke was Erongo en derde was Noorde.
Die beste o.16-streekspan by die nasionale proewe is met die Jacques Burger-trofee vereer, terwyl die beste o.18-streekspan die Hermann Rust Junior-trofee ontvang het.
CRAVENWEEK
Ná die proewe is 33 seuns onder 16 vir 'n oefenkamp vir die res van vandeesweek gekies, waaruit die span vir die Grant Khomo-week (9-14 Julie in Bloemfontein) môreoggend aangekondig sal word.
Die Namibiese o.16-span sal deur mnre. Morné Rust (Walvisbaai) en Wimpie van der Merwe (Tsumeb Gimnasium) afgerig word, met mnr. Gert de Waal as spanbestuurder.
• Terselfdertyd was 63 seuns vir die vierdaagse onder 18 oefenkamp uitgesoek. Môre se aankondiging sal ook die Namibiese o.18-span vir die Cravenweek, asook vir die o.18 Akademieweek bekend maak. Beide rugbyweke word van 16 tot 21 Julie in Johannesburg aangebied.
Die Cravenweekspan se afrigters is mnre. Henry Kemp (WHS) en Henjan de Bruin (Walvisbaai), met Algenic de Klerk (Jan Möhr) as spanbestuurder.
Die o.18 Akademiespan word deur mnre. Ainsley Daniels (WHS) en Ryan Assegaai (Keetmanshoop Junior Sekondêre Skool) afgerig, met mnr. Willie van Zyl (Walvisbaai) as spanbestuurder.
'BESTE KOMBINASIES'
Die keurders was vooraf nie seker oor wat hulle al die posisies beskikbaar het nie, het Henry Kemp ná die proewe aan die koerant gesê.
“Ons het gevoel daar is spelers uit die platteland, veral van die buite-agterspelers, wat dalk nie tot hul reg kom nie omdat die Windhoek-skole se voorspelers op die oomblik op 'n hoër standaard is en omdat die opponerende agterspelers dan nie balbesit kan kry om te wys wat hulle kan doen nie.
“Ek self kom uit 'n plattelandse skool en ek ken die ervaring. Die groepstelsel wat die Hoërskolerugbyvereniging nou by die proewe ingestel het, het gehelp om vir spelers meer eweredige kanse te gee, sodat die keurders hopelik ook die beste kombinasies sal kan saamstel.”
Die tafel is gedek vir nog 'n onvergeetlike seisoen van skolerugby, met Momentum Namibië wat sy jaarlikse borgskap vir die landwye ligas tot N$250 000 verhoog het.
By die aankondiging dié week dat MMI Holdings se borgskap grootliks uitgebrei word in vergelyking met verlede jaar se N$150 000, het die maatskappy se hoofmakelaar mnr. Frederick van Zyl gesê hulle bly trots om met hoërskolerugby in Namibië verbind te word. Die verhouding strek reeds oor die afgelope 25 jaar.
“MMI gaan voort om 'n ywerige belegger in ons jeug te wees, veral op die sportfront,” het hy gesê.
Die eerste wedstryde word reeds volgende Woensdag gespeel met twee onder 19 premierliga-kragmetings. By die WAP-veld in Pionierspark sal die eerste spanne van Elnatan en Tsumeb Gimnasium mekaar om 16:20 pak, terwyl Windhoek Hoërskool se tweede span om 17:00 op hul tuisveld Vegkop teen Walvisbaai se eerste span te staan kom.
Die verdedigende kampioenspan WHS, Windhoek Gimnasium se eerste en tweede spanne, asook Windhoek Affies wat verlede jaar sy eerste eindstryd gehaal het, is die ander spanne in die premierliga. Elke span sal sewe wedstryde in die ligafase speel.
Op Saterdag 3 Junie speel Windhoek Gimnasium se eerste en tweede spanne teen mekaar. Die twee WHS-spanne sal ook dan sake uitspook.
Die onder 14, o.15 asook o.19D, o.19C en o.19B-ligas word ook landwyd gespeel en word ook deur Momentum se borgskap gedek.
Mnr. Abie van Wyk, die nasionale koördineerder van Namibiese hoërskolerugby, sê die borgskap word gebruik vir uitgawes soos noodhulp, skeidsregters, medaljes en sertifikate. “Met die vergrote borgskap kan ons vir die verafgeleë skole wat vir die uitklopwedstryde kwalifiseer, 'n bydrae tot hul brandstofonkoste maak.”
PROEWE
Die tweedaagse nasionale o.18 en o.16 proewe tussen streekspanne is Dinsdag afgesluit.
Khomas se streekspan het die beste gevaar by die proewe en het in beide die o.16 en o.18-wedstryde onoorwonne geëindig. In die tweede plekke was Erongo en derde was Noorde.
Die beste o.16-streekspan by die nasionale proewe is met die Jacques Burger-trofee vereer, terwyl die beste o.18-streekspan die Hermann Rust Junior-trofee ontvang het.
CRAVENWEEK
Ná die proewe is 33 seuns onder 16 vir 'n oefenkamp vir die res van vandeesweek gekies, waaruit die span vir die Grant Khomo-week (9-14 Julie in Bloemfontein) môreoggend aangekondig sal word.
Die Namibiese o.16-span sal deur mnre. Morné Rust (Walvisbaai) en Wimpie van der Merwe (Tsumeb Gimnasium) afgerig word, met mnr. Gert de Waal as spanbestuurder.
• Terselfdertyd was 63 seuns vir die vierdaagse onder 18 oefenkamp uitgesoek. Môre se aankondiging sal ook die Namibiese o.18-span vir die Cravenweek, asook vir die o.18 Akademieweek bekend maak. Beide rugbyweke word van 16 tot 21 Julie in Johannesburg aangebied.
Die Cravenweekspan se afrigters is mnre. Henry Kemp (WHS) en Henjan de Bruin (Walvisbaai), met Algenic de Klerk (Jan Möhr) as spanbestuurder.
Die o.18 Akademiespan word deur mnre. Ainsley Daniels (WHS) en Ryan Assegaai (Keetmanshoop Junior Sekondêre Skool) afgerig, met mnr. Willie van Zyl (Walvisbaai) as spanbestuurder.
'BESTE KOMBINASIES'
Die keurders was vooraf nie seker oor wat hulle al die posisies beskikbaar het nie, het Henry Kemp ná die proewe aan die koerant gesê.
“Ons het gevoel daar is spelers uit die platteland, veral van die buite-agterspelers, wat dalk nie tot hul reg kom nie omdat die Windhoek-skole se voorspelers op die oomblik op 'n hoër standaard is en omdat die opponerende agterspelers dan nie balbesit kan kry om te wys wat hulle kan doen nie.
“Ek self kom uit 'n plattelandse skool en ek ken die ervaring. Die groepstelsel wat die Hoërskolerugbyvereniging nou by die proewe ingestel het, het gehelp om vir spelers meer eweredige kanse te gee, sodat die keurders hopelik ook die beste kombinasies sal kan saamstel.”
Kommentaar
Republikein
Geen kommentaar is op hierdie artikel gelaat nie