Covid pootjie sport opnuut

Tielman van Lill – Alle skolesportbyeenkomste vir die res van Augustus is gekanselleer, in ’n amptelike skrywe deur die Namibiese Sportkommisie (NSC) aan mnr. Solly Duiker, nasionale koördineerder van die Namibiese Skole-sportunie (NSSU).Mnr. Freddy Mwiya, hoofadministrateur van die NSC, sê die vergunning aan skole om sport binne die beperkings van maatreëls teen Covid-19 te beoefen, was net ’n voorlopige guns.Mwiya sê: “Die vergunning was nie ’n permanente reëling nie en kon enige tyd teruggetrek word. Ons is jammer om julle in te lig, maar alle skolesportbyeenkomste vir vandeesmaand sal nie kan voortgaan nie. Ons is jammer en vra verskoning vir enige ongerief wat dit mag veroorsaak.”Mwiya sê kinders gaan met vakansie en alles is nie verlore vir hulle nie. “Die staatskole sluit op 14 Augustus vir 18 dae en Covid-19 is ’n wesenlike uitdaging vir ons almal in die skole. Kinders mag wel aan ander goedgekeurde sportbyeenkoms deelneem wat nie deur skole aangebied word nie,” het hy aan Republikein gesê.SPORTTOEKENNINGSDie jaarlikse spoggeleentheid is ook deur die NSC gekanselleer, wat in die lig van die gekanselleerde sportprogramme en reisbeperkings nie juis as ’n verrassing kom nie. Daar sal eers weer in Oktober 2021 ’n geleentheid wees waar Namibiese sportlui, spanne, administrateurs en sportjoernaliste vir hul harde werk en prestasies beloon word.Mwiya sê: “Ons moes die besluit neem, want ons atlete kon weens die huidige Covid-19-reëlings nie aan genoeg byeenkomste deelneem nie. Dit is eenvoudig nie moontlik om ’n realistiese en geloofwaardige toekenninsgeleentheid aan te bied nie.“Alle sportprestasies wat tussen September 2019 tot Augustus 2021 behaal word, sal vir die 2021 Namibiese Sporttoekennings in aanmerking geneem word. “Hopelik sal ons binnekort normaal met sport kan voortgaan om aan ons sportmanne en -vroue die geleentheid te gee om plaaslik asook internasionaal hul merk te maak.”- tielman@republikein.com.na

Covid pootjie sport opnuut

Kommentaar

Republikein 2026-07-17

Meld asseblief aan om kommentaar te lewer

Covid pootjie sport opnuut

Kommentaar

Republikein 2026-07-17

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.