Covid plaas wêreldwyd reusedemper op onderwys
Skoolhekke moet die laaste wees om te sluit en die eerste om te open.
Henriette Lamprecht – Die onverwagse uitbreking van Covid-19 vroeg in 2020 en die gevolglike voortdurende pandemie het die ministerie van onderwys, kuns en kultuur 'n harde les geleer en 'n swaar las op die bedryf geplaas.
“Die pandemie het en gaan steeds voort om 'n negatiewe impak op die vloei van onderrig te plaas. Alle rolspelers moet daarom op hul hoede bly om die koers in die nakoming van Covid-regulasies te verander,” het die adjunkdirekteur van onderwys, kuns en kultuur, me. Edda Bohn, tydens die amptelike opening van die akademiese jaar en ter viering van Internasionale Dag van Onderwys gesê.
Sy het onder meer verwys na die reg tot onderrig soos gewaarborg deur die Grondwet, die toegang tot onderrig met betrekking tot die voortgesette plasing van leerlinge, die kwaliteit van die leerplan vir die oordrag van kennis en vaardighede, asook 'n omgewing wat tot onderrig bydra en die ontwikkeling van infrastruktuur insluit.
“Ons moet almal daarna streef om die onderwyssektor veilig en bevorderlik tot onderrig vir die Namibiese kind en die hele onderrigsektor te maak,” het sy gesê.
Intussen het Unicef se streekdirekteur vir oostelike en suidelike Afrika, mnr. Africa Mohamed Fall, en Unesco se streekdirekteur vir oostelike Afrika, prof. Hubert Gijzen, in 'n gesamentlike verklaring gesê die meerderheid kinders in Afrika het reeds voor Covid-19 'n onderrigkrisis ervaar met die pandemie wat dit vererger het.
Hulle het beklemtoon met 'n gesamentlike inentings- en behandelingspoging kan dit oorwin word. Die verlies aan onderrig wat dit veroorsaak, gaan egter “beslis baie langer duur”.
Gijzen en Fall sê skoolhekke moet altyd die “laaste wees om te sluit en die eerste om te open”.
“Nou wys dit wanneer skole sluit, verloor kinders nie net onderrig nie, maar die veiligheid van die skoolgronde, interaksie met vriende, 'n roete na gesondheidsorg en te dikwels die enigste maaltyd van die dag.”
Hulle doen 'n beroep vir verhoogde maatskaplike beskerming vir die mees kwesbare gesinne, omdat hul kinders dan meer geneig is om terug skool toe te gaan.
'n Beroep is ook op regerings en die private sektor gedoen om finansiering te verhoog vir afstandsonderrig wat digitale tegnologie en innovasie insluit.
“Elkeen van ons moet dringend ons optrede verskerp as ons hierdie potensiële katastrofe vir kinders en hul onderrig wil oorbrug. Die toekoms van die vasteland hang af van ons gesamentlike vaardighede om dit te kan doen.”
– [email protected]
“Die pandemie het en gaan steeds voort om 'n negatiewe impak op die vloei van onderrig te plaas. Alle rolspelers moet daarom op hul hoede bly om die koers in die nakoming van Covid-regulasies te verander,” het die adjunkdirekteur van onderwys, kuns en kultuur, me. Edda Bohn, tydens die amptelike opening van die akademiese jaar en ter viering van Internasionale Dag van Onderwys gesê.
Sy het onder meer verwys na die reg tot onderrig soos gewaarborg deur die Grondwet, die toegang tot onderrig met betrekking tot die voortgesette plasing van leerlinge, die kwaliteit van die leerplan vir die oordrag van kennis en vaardighede, asook 'n omgewing wat tot onderrig bydra en die ontwikkeling van infrastruktuur insluit.
“Ons moet almal daarna streef om die onderwyssektor veilig en bevorderlik tot onderrig vir die Namibiese kind en die hele onderrigsektor te maak,” het sy gesê.
Intussen het Unicef se streekdirekteur vir oostelike en suidelike Afrika, mnr. Africa Mohamed Fall, en Unesco se streekdirekteur vir oostelike Afrika, prof. Hubert Gijzen, in 'n gesamentlike verklaring gesê die meerderheid kinders in Afrika het reeds voor Covid-19 'n onderrigkrisis ervaar met die pandemie wat dit vererger het.
Hulle het beklemtoon met 'n gesamentlike inentings- en behandelingspoging kan dit oorwin word. Die verlies aan onderrig wat dit veroorsaak, gaan egter “beslis baie langer duur”.
Gijzen en Fall sê skoolhekke moet altyd die “laaste wees om te sluit en die eerste om te open”.
“Nou wys dit wanneer skole sluit, verloor kinders nie net onderrig nie, maar die veiligheid van die skoolgronde, interaksie met vriende, 'n roete na gesondheidsorg en te dikwels die enigste maaltyd van die dag.”
Hulle doen 'n beroep vir verhoogde maatskaplike beskerming vir die mees kwesbare gesinne, omdat hul kinders dan meer geneig is om terug skool toe te gaan.
'n Beroep is ook op regerings en die private sektor gedoen om finansiering te verhoog vir afstandsonderrig wat digitale tegnologie en innovasie insluit.
“Elkeen van ons moet dringend ons optrede verskerp as ons hierdie potensiële katastrofe vir kinders en hul onderrig wil oorbrug. Die toekoms van die vasteland hang af van ons gesamentlike vaardighede om dit te kan doen.”
– [email protected]
Kommentaar
Republikein
Geen kommentaar is op hierdie artikel gelaat nie