Covid ontbloot digitale verskille

Kritieke punt vir onderrigHenriette Lamprecht – Die werklikhede ná die wêreldwye Covid-19-pandemie het gewys tegnologie hou die sleutel tot onderrig. President Hage Geingob het tydens ’n hoëvlak-ontmoeting en buitengewone sitting van die 2020 Globale Onderrig-vergadering gesê die pandemie het sonder twyfel die digitale verdeling onder leerlinge, families en geografiese liggings blootgelê. Die vergadering het gefokus op onderwys in die lig van die Covid-19-pandemie en aanpassings wat noodgedwonge in dié sektor gemaak moes word. Geingob het dit as ’n “kritieke punt” vir die toekoms van die mensdom en die onderrig van die wêreld se kinders beskryf. “Ek het nog altyd die diepe oortuiging gehad dat onderwys die grootste gelykmaker is. In die lig hiervan plaas die Namibiese regering in lyn met Volhoubare Ontwikkelingsdoelwit vir klem op die belangrikheid van toegang tot gehalte onderrig,” het Geingob gesê.Volgens die staatshoof berus die land se onderwysstelsel op toegang, gelykheid en kwaliteit en ontvang meer as 20% van die nasionale begroting.Hy het gemaan Covid-19 bedreig die vooruitgang wat in die strewe na gehalte onderrig vir almal gemaak is. In die lig hiervan is bykomende hulpbronne beskikbaar gestel vir die verbetering van infrastruktuur, water, sanitasie en behuising vir leerlinge. Met verwysing na die pandemie het Geingob gesê die land moes verseker dat die heropening van skole geskied onder toestande wat in lyn is met die regering se strewe na gesondheid as die hoogste prioriteit. “Die veilige terugkeer van leerlinge na skole is gelei deur die Wêreldgesondheidsorganisasie (WHO) se beste praktyke en wat fisiese afstand, sowel as tydgebaseerde rotering van klasse en grade insluit,” het hy gesê.Volgens Geingob word leerlinge nou deur middel van gedesentraliseerde strukture gemonitor. Die staatshoof sê ’n sterk beleidsraamwerk vir die insluiting in die onderwyssektor verseker dat die ministerie van onderwys, kuns en kultuur kan voorsien in die behoeftes van kinders wat met gestremdhede saamleef, sowel as wees- en weerlose kinders. Om te verhinder dat dié kinders en ook weerlose gemeenskappe die slagoffers van mishandeling (insluitend seksuele en geslagsgebaseerde geweld) word, word die Nasionale Raamwerk vir Veilige Skole tans weer versterk. In ’n poging om gelykheid in tegnologieë vir onderrig te verseker, het die regering as deel van ’n openbare-private vennootskap wat gemeenskappe insluit, in inligtings- en kommunikasietegnologie (ICT) belê. Dit sal volgens die staatshoof verseker alle onderwysgeriewe is goed toegerus met die nodige infrastruktuur. Alle opvoeders word ook in die gebruik van ICT opgelei. – henriette@republikein.com.na

Covid ontbloot digitale verskille

Kommentaar

Republikein 2025-04-30

Meld asseblief aan om kommentaar te lewer

Covid ontbloot digitale verskille

Kommentaar

Republikein 2025-04-30

Meld asseblief aan om kommentaar te lewer

MELD AAN

Advertensie