Covid kan lei tot toename in selfdood
Jana-Mari Smith – Namibië het die vierde meeste gevalle van selfdood per capita in Afrika en die 11de meeste ter wêreld.
Kenners vrees dat die Covid-19-pandemie kan bydra tot 'n voortdurende toename van selfdood in die land.
Die polisie se nuutste statistiek toon dat vanaf Januarie 2019 tot 31 Julie 2020, 752 Namibiërs selfdood toegepas het.
Verlede jaar het 486 mense selfdood gepleeg en in die eerste sewe maande van 2020 het die polisie 266 gevalle van selfdood aangemeld.
'n Paneelbespreking het verlede week in die lig van Wêrelddag vir Selfmoordvoorkoming in Windhoek plaasgevind.
Me. Jennifer Lifasi, 'n maatskaplike werker, het hiertydens gesê dat Namibië 'n kommerwekkende selfdoodkrisis in die gesig staar.
Me. Iani de Kock, 'n kliniese sielkundige by die Bel Esprit-kliniek in Windhoek, sê Namibië se selfdoodkoers is byna dubbeld die globale koers van 11 selfdoodgevalle per 100 000 mense.
“Hoewel studies dit nog nie kan bevestig nie, moet ons besef die Covid-19-pandemie kan lei tot die toename in selfdood in die maande en jare wat kom,” het De Kock gesê.
Die ministerie van gesondheid en maatskaplike dienste het bevestig dat daar vanaf Januarie tot Junie vanjaar reeds ongeveer 435 selfdoodpogings was.
Volgens die kliniese sielkundige, dr. Shaun Whittaker, kan ekonomiese stres insluitende werkloosheid veral in Namibië die dryfkrag agter selfdoodneigings wees.
“Daar is 'n duidelike verband tussen ekonomiese depressie en 'n toename in selfdood, depressie en geestesgesondheidsprobleme in die algemeen,” het hy gesê.
'n Studie in Namibië het getoon dat mans van 'n ekonomiese produktiewe en aktiewe ouderdom die kwesbaarste vir selfdood is.
Volgens die polisie se statistiek in 2019 het 409 mans en 58 vroue selfdood gepleeg.
Vanaf Januarie tot Julie vanjaar het 222 mans teenoor 31 vroue selfdood gepleeg.
KINDERS, PER STREEK
Agt seuns en 11 meisies het in 2019 selfdood gepleeg en in die eerste sewe maande van 2020 was daar ses seuns en sewe meisies.
Die Khomasstreek het vanjaar tot Julie die hoogste getal selfdoodgevalle gehad met 48 lewens wat geëis is. Die Omusatistreek het die tweede meeste (42) en daarna Otjozondjupastreek (29).
Verlede jaar het die Omusatistreek die meeste gevalle gehad met 66, daarna die Ohangwenastreek met 62 en dan die Khomasstreek met 51.
'VRA HULP'
Tydens die paneelbespreking het 'n man ingebel en homself voorgestel as “Jaco van Khomasdal”.
Hy het vertel hoe hy ná 'n selfdoodpoging vir drie dae in 'n koma was. Daarna het die staat berading en medikasie verskaf en dit het hom gehelp om weer op die been te kom.
“Ons moet verstaan dit is 'n siekte – dit is nie iets wat mens kan ignoreer nie. Jy moet erken jy is siek en dan moet jy hulp kry. Jy moet hulp soek en dit is die heel belangrikste ding.”
- [email protected]
Kenners vrees dat die Covid-19-pandemie kan bydra tot 'n voortdurende toename van selfdood in die land.
Die polisie se nuutste statistiek toon dat vanaf Januarie 2019 tot 31 Julie 2020, 752 Namibiërs selfdood toegepas het.
Verlede jaar het 486 mense selfdood gepleeg en in die eerste sewe maande van 2020 het die polisie 266 gevalle van selfdood aangemeld.
'n Paneelbespreking het verlede week in die lig van Wêrelddag vir Selfmoordvoorkoming in Windhoek plaasgevind.
Me. Jennifer Lifasi, 'n maatskaplike werker, het hiertydens gesê dat Namibië 'n kommerwekkende selfdoodkrisis in die gesig staar.
Me. Iani de Kock, 'n kliniese sielkundige by die Bel Esprit-kliniek in Windhoek, sê Namibië se selfdoodkoers is byna dubbeld die globale koers van 11 selfdoodgevalle per 100 000 mense.
“Hoewel studies dit nog nie kan bevestig nie, moet ons besef die Covid-19-pandemie kan lei tot die toename in selfdood in die maande en jare wat kom,” het De Kock gesê.
Die ministerie van gesondheid en maatskaplike dienste het bevestig dat daar vanaf Januarie tot Junie vanjaar reeds ongeveer 435 selfdoodpogings was.
Volgens die kliniese sielkundige, dr. Shaun Whittaker, kan ekonomiese stres insluitende werkloosheid veral in Namibië die dryfkrag agter selfdoodneigings wees.
“Daar is 'n duidelike verband tussen ekonomiese depressie en 'n toename in selfdood, depressie en geestesgesondheidsprobleme in die algemeen,” het hy gesê.
'n Studie in Namibië het getoon dat mans van 'n ekonomiese produktiewe en aktiewe ouderdom die kwesbaarste vir selfdood is.
Volgens die polisie se statistiek in 2019 het 409 mans en 58 vroue selfdood gepleeg.
Vanaf Januarie tot Julie vanjaar het 222 mans teenoor 31 vroue selfdood gepleeg.
KINDERS, PER STREEK
Agt seuns en 11 meisies het in 2019 selfdood gepleeg en in die eerste sewe maande van 2020 was daar ses seuns en sewe meisies.
Die Khomasstreek het vanjaar tot Julie die hoogste getal selfdoodgevalle gehad met 48 lewens wat geëis is. Die Omusatistreek het die tweede meeste (42) en daarna Otjozondjupastreek (29).
Verlede jaar het die Omusatistreek die meeste gevalle gehad met 66, daarna die Ohangwenastreek met 62 en dan die Khomasstreek met 51.
'VRA HULP'
Tydens die paneelbespreking het 'n man ingebel en homself voorgestel as “Jaco van Khomasdal”.
Hy het vertel hoe hy ná 'n selfdoodpoging vir drie dae in 'n koma was. Daarna het die staat berading en medikasie verskaf en dit het hom gehelp om weer op die been te kom.
“Ons moet verstaan dit is 'n siekte – dit is nie iets wat mens kan ignoreer nie. Jy moet erken jy is siek en dan moet jy hulp kry. Jy moet hulp soek en dit is die heel belangrikste ding.”
- [email protected]
Kommentaar
Republikein
Geen kommentaar is op hierdie artikel gelaat nie