Covid-19: Meer as 4 000 weefselmonsters getoets

Tot op hede is 4 005 weefselmonsters deur die Namibiese Instituut vir Patologie (NIP) en Pathcare vir Covid-19 getoets. Volgens die adjunkminister van gesondheid en maatskaplike dienste (MoHSS) me. Esther Muinjangue is geen nuwe gevalle van Covid-19 in die land aangemeld nie en is die totaal bevestigde gevalle steeds 25. Hiervan het 16 ten volle herstel. Tans word 409 kontakte gemonitor en is 596 mense in kwarantyn in geriewe oraloor in die land.