Covid-19 in SA bevestig

Henriette Lamprecht – Terwyl die eerste bevestigde geval van covid-19 gister in Suid-Afrika aangeteken is, het die Wêreldgesondheidsorganisasie (WHO) gemaan die “paniekerige koop, opgaar en misbruik” van beskermende toerusting (PPE) soos maskers stel ander se lewens in gevaar.Die geval in Suid-Afrika is ’n 38-jarige man wat Italië saam met ’n groep van 10 mense, insluitend sy vrou, besoek het. Hy is in self-isolasie geplaas.Dr. Tarik Jašarevic, WHO-woordvoerder, het erken die verspreiding van covid-19 in lande soos Suid-Afrika, met swakker gesondheidstelsels, is ’n groot bron van kommer. Volgens hom moes dié lande die verspreiding van die virus deur vroeë opsporing voorkom het om lewens te kan red. Hy het ook gesê geen wetenskaplike bewyse bestaan dat die termometers wat in Suid-Afrika (en ook Namibië) op lughawens gebruik word om moontlike draers van die virus te onderskep, doeltreffend is nie.Die tekort aan beskikbare beskermende toerusting aan gesondheidswerkers veroorsaak volgens die WHO nou dat werkers aan die voorfront van die virus swak toegerus is om covid-19-pasiënte te versorg. Dié toerusting sluit handskoene en mediese maskers in.Die organisasie het by monde van sy direkteur-generaal, dr. Tedros Ghebreyesus, ’n beroep op regerings gedoen om vinnig op te tree om voorrade aan te vul en maatreëls in te stel om bespiegelinge stop te sit en te keer dat die publiek groot getalle beskermende toerusting opgaar.“Ons kan nie covid-19 stop sonder om eerste ons gesondheidswerkers te beskerm nie,” het hy gesê. Gebaseer op WHO-modelle word ’n beraamde 89 miljoen mediese maskers maandeliks in reaksie op covid 19 vereis.Sowat 76 miljoen pare handskoene word benodig, terwyl die internasionale aanvraag vir skermbrille 1,6 miljoen per maand is. – Netwerk24 en eie berig.

Covid-19 in SA bevestig

Kommentaar

Republikein 2025-05-14

Meld asseblief aan om kommentaar te lewer

Covid-19 in SA bevestig

Kommentaar

Republikein 2025-05-14

Meld asseblief aan om kommentaar te lewer

MELD AAN

Advertensie