Covid-19-gevalle styg met 152, 73 nuwe gevalle in Windhoek

Die minister van gesondheid en maatskaplike dienste, dr. Kalumbi Shangula, sê die aantal Covid-19-gevalle in die land het met 152 gestyg. Hiervan is die hoogste styging in Windhoek en wel 73, gevolg deur Walvisbaai met 64, nege in Swakopmund, twee in Okahandja, en een elk in onderskeidelik Otjiwarongo, Mariental, Outapi en Nankudu. Uit die 152 nuwe gevalle is 96 mans en 56 vroue. Die jongste is sesmaande oud, terwyl die oudste geval 77 jaar is. Dit bring die aantal bevestigde gevalle op 3 101 te staan.Uit die 73 gevalle in Windhoek is 28 in dieselfde ligging. Tien van die gevalle is in dieselfde huishouding en vier gevalle is gesondheidswerkers.Die twee gevalle in Okahandja is 'n 37-jarige man en 'n 44-jarige vrou. Albei is kontakte van bevestigde gevalle. Die geval in Otjiwarongo is 'n 16-jarige meisie en kontak van 'n bevestigde geval. Die geval op Nankudu is 'n 40-jarige man en 'n vragmotorbestuurder. Die geval in Mariental is 'n 43-jarige vrou en gesondheidswerker wat in kontak met bevestigde gevalle was. Die geval in Outapi is 'n 26-jarige vrou wat van Windhoek gereis het en geen kontak met 'n bevestigde geval gehad het nie.Volgens Shangula het nog 11 mense ten volle herstel wat die totaal op 715 te staan bring. Die 11 is almal inwoners van die Khomasstreek. Shangula sê uit die aktiewe gevalle is vyf baie ernstig siek. Een is van Khomas en vier van die Erongostreek. Ses pasiente is in 'n kritieke toestand. Hiervan is vier in die Khomas en twee in die Erongostreek.Die sterftesyfer staan steeds op 19, terwyl 35 175 weefselmonsters tot op hede getoets is. Die aantal aktiewe kontakte staan op 3 818 en 1 741 mense is tans in kwarantyn in geriewe oraloor in die land.

Covid-19-gevalle styg met 152, 73 nuwe gevalle in Windhoek

Kommentaar

Republikein 2026-07-17

Meld asseblief aan om kommentaar te lewer

Covid-19-gevalle styg met 152, 73 nuwe gevalle in Windhoek

Kommentaar

Republikein 2026-07-17

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.