Covid-19 eis Namibiese lewe

Augetto Graig - Een Namibiër is Saterdag weens Covid-19 in die Verenigde Koninkryk oorlede.

Die minister van internasionale betrekkinge en samewerking, me. Netumbo Nandi-Ndaitwah, wat ook Namibië se adjunkpremier is, het dié verwikkeling Sondagoggend bevestig.

Sy sê Namibië se hoë kommissariaat in dié land het navraag gedoen nadat die regering deur plaaslike media genader is, en het bevestig ’n Namibiese gesin wat permanent daar woon, is met Covid-19 geïnfekteer van wie een familielid oorlede is.

Volgens Nandi-Ndaitwah sal verdere besonderhede deur die familie bekendgemaak word, mits hulle so goeddink.

[email protected]