Covid-19 eis 3 susters se lewens
Ronelle Rademeyer – Die Gobabis-gemeenskap en lidmate van die Gereformeerde Kerk in Namibië is geskok en verslae oor die dood van me. Wilna du Plessis (76) Dinsdagaand in 'n Windhoekse hospitaal aan Covid-19.
Haar dood volg vier dae ná dié van haar suster, me. Hermine Raubenheimer (79) – ook aan Covid-19. Hul ouer suster, me. Adelheid van Vuuren (82), is op 3 Julie 2020 in Suid-Afrika dood nadat die virussiekte slegs twee weke vantevore by haar gediagnoseer is.
Du Plessis is die weduwee van wyle ds. Roelf du Plessis, afgetrede leraar van die Gereformeerde kerk op Gobabis wat in Augustus verlede jaar dood is.
Die Du Plessis's se oudste dogter, me. Julia Engels, het gister vertel haar tannie Hermine het uit Roodepoort aan die Wes-Rand by haar ma op Gobabis gekuier toe hulle beide siek geword het.
Hulle is in 'n private hospitaal in Windhoek opgeneem waar hulle vir Covid-19 behandel is.
“Tannie Hermine is later ontslaan en het Walvisbaai toe gekom. Hier het sy egter weer siek geword en is in die Welwitschia-hospitaal opgeneem, waar sy Vrydag gesterf het,” het Engels vertel.
Raubenheimer se man, wyle prof. Naas Raubenheimer, was viserektor van die destydse Randse Afrikaanse Universiteit (RAU, nou die Universiteit van Johannesburg).
Van Vuuren was die weduwee van wyle ds. Christo van Vuuren, wat tot 2000 predikant was by die Gereformeerde kerk in Kempton Park.
Engels sê 'n gedenkdiens vir Raubenheimer word vandag in Johannesburg gehou. Sy word oorleef deur haar drie kinders, Juliette, Johann en Viola.
Sy sê haar ma en tannie se dood is 'n groot skok. "Ná my pa se dood het ons darem nog 'n ouerhuis gehad. Nou is my ma nie meer daar nie en moet ons Gobabis toe gaan en die huis gaan oppak,” het 'n emosionele Engels gesê.
Du Plessis laat benewens Julia, ook haar dogters Mareli van Niekerk, Elmine McCarthy en Roelien Hoogendyk, haar skoonseuns en elf kleinkinders agter. McCarthy se man, Henry, word ook tans vir Covid-19 behandel.
'n Roudiens vir Du Plessis vind Dinsdag in die Gereformeerde kerk op Gobabis plaas. Nader inligting hieroor sal later bekend wees.
– [email protected]
Haar dood volg vier dae ná dié van haar suster, me. Hermine Raubenheimer (79) – ook aan Covid-19. Hul ouer suster, me. Adelheid van Vuuren (82), is op 3 Julie 2020 in Suid-Afrika dood nadat die virussiekte slegs twee weke vantevore by haar gediagnoseer is.
Du Plessis is die weduwee van wyle ds. Roelf du Plessis, afgetrede leraar van die Gereformeerde kerk op Gobabis wat in Augustus verlede jaar dood is.
Die Du Plessis's se oudste dogter, me. Julia Engels, het gister vertel haar tannie Hermine het uit Roodepoort aan die Wes-Rand by haar ma op Gobabis gekuier toe hulle beide siek geword het.
Hulle is in 'n private hospitaal in Windhoek opgeneem waar hulle vir Covid-19 behandel is.
“Tannie Hermine is later ontslaan en het Walvisbaai toe gekom. Hier het sy egter weer siek geword en is in die Welwitschia-hospitaal opgeneem, waar sy Vrydag gesterf het,” het Engels vertel.
Raubenheimer se man, wyle prof. Naas Raubenheimer, was viserektor van die destydse Randse Afrikaanse Universiteit (RAU, nou die Universiteit van Johannesburg).
Van Vuuren was die weduwee van wyle ds. Christo van Vuuren, wat tot 2000 predikant was by die Gereformeerde kerk in Kempton Park.
Engels sê 'n gedenkdiens vir Raubenheimer word vandag in Johannesburg gehou. Sy word oorleef deur haar drie kinders, Juliette, Johann en Viola.
Sy sê haar ma en tannie se dood is 'n groot skok. "Ná my pa se dood het ons darem nog 'n ouerhuis gehad. Nou is my ma nie meer daar nie en moet ons Gobabis toe gaan en die huis gaan oppak,” het 'n emosionele Engels gesê.
Du Plessis laat benewens Julia, ook haar dogters Mareli van Niekerk, Elmine McCarthy en Roelien Hoogendyk, haar skoonseuns en elf kleinkinders agter. McCarthy se man, Henry, word ook tans vir Covid-19 behandel.
'n Roudiens vir Du Plessis vind Dinsdag in die Gereformeerde kerk op Gobabis plaas. Nader inligting hieroor sal later bekend wees.
– [email protected]
Kommentaar
Republikein
Geen kommentaar is op hierdie artikel gelaat nie