Cosafa-toernooi sonder Coleman aangepak

Die Brave Gladiators spelersgroep wat eersdaags teen Zimbabwe, Swaziland en Uganda by die 2018 Cosafa Vrouekampioenskap in Suid-Afrika te staan kom, is gisteroggend deur afrigter Brian Isaacs aangekondig.Die Namibiese nasionale vrouesokkerspan, die Brave Gladiators, vertrek op 10 September na Port Elizabeth vir die toernooi wat twee dae later in die Vriendelike Stad begin.By gister se aankondiging by Sokkerhuis in Katutura het afrigter Isaacs gesê vanweë die feit dat daar tans geen aktiewe liga aan die gang is nie, moes ernstig plan gemaak word om vir die vroue wedstrydoefening te reël. Hulle het gevolglik vriendskaplike kragmetings teen die SKW-klub se o.15-, o.17- en o.19-spanne gehad.“Afgesien van die gebrek aan wedstrydtyd van gehalte, het die omstandighede ook nie toegelaat dat ons Namibië se buitelandse professionele spelers kon oproep nie.“Zenatha Coleman het baie onlangs by ’n nuwe klub in die Spaanse premieriga aangesluit (Valencia FC) en is nie van hul voorseisoenprogram vrygestel om in Suid-Afrika by ons te kan aansluit nie.”Coleman is loshande Namibië se mees hoëprofiel vrouespeler, met die beste ontwikkelde vaardighede as voorspeler en middelveldspeler om enige opposisie se doelnet te bedreig.Isaacs het bygevoeg dat ’n paar spelers uit die o.20-vrouegroep nader geroep is – deels om hulle blootstelling te gee en ook om die senior groep op die oefenveld tot die beste van hul vermoë uit te daag.Volgens die afrigter is die span se eerste hoofdoelwit om een van die twee spanne te wees wat uit hul groep na die uitklopfase vorder.“Ons wil beter vaar as verlede jaar. Die geheim om goeie uitslae te behaal, is nie net om goed te beplan nie, maar ook om goed te speel.”Oor die feit dat die groep oor net drie voorspelers beskik, het Isaacs gesê in die afwesigheid van Anna-Marie Shikusho, wat op die kortlys verskyn, het hy vertroue dat Thomalina Adams oor die spoed en vaardighede beskik om met die ondersteuning van haar spanmaats die taak te kan verrig.Hy reken Namibië het ’n redelike kennis wat om van Zimbabwe te verwag, omdat betreklik onlangs teen dié span gespeel is. “As ons spelers kies wat goed genoeg is en hulle goed genoeg voorberei, is die kans goed dat hulle prestasie tot die volgende vlak kan klim.”Die Gladiators se kaptein, Emma Naris, sê die spam is opgewonde en positief oor die uitdaging. “Almal van ons is bereid om ons beste te gee op 13 September teen Zimbabwe, twee dae later teen Uganda en ten slotte teen Swaziland.“Ek voel geëerd om as kaptein van die Brave Gladiators vertrou te word. Dit is die eerste keer dat ek aangewys word om die groep na die Cosafa-toernooi te lei. Dit is ’n groot verantwoordelikheid, maar ek weet ons span sal gereed wees en ek vertrou ons kan beter vaar as verlede jaar.”In die semifinale geskeduleer vir 20 September sal groep B se wenspan teen die beste van die drie naaswenners te staan kom, terwyl groepe A en C se wenners dit om die ander plek in die finaal sal uitspook.Die Brave Gladiators-groep vir die Cosafa-kampioenskap: Mellissa Matheus, Lydia Eixas, Anna Shaende, Iina Ndapewa Katuta, Kamunikire Tjituka, Emma Naris, Stacey Naris, Sharon Pieters, Lydiana Nanamus, Lovisa Mulunga, Twelikondjela Amukoto, Elmarie Fredericks, Millicent Hikuam, Beverly Uueziua, Ngonda, Juliana Blou, Shanice Daries, Kylie van Wyk, Ivone Kooper, Thomalina Adams.Kortlys: Anna Marie Shikusho, Fiola Vliete, Veronica van Wyk. – NFA.org.na

Cosafa-toernooi sonder Coleman aangepak

Kommentaar

Republikein 2026-09-18

Meld asseblief aan om kommentaar te lewer

Cosafa-toernooi sonder Coleman aangepak

Kommentaar

Republikein 2026-09-18

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.