Coronavirus: Pasiënt op Swakopmund toets negatief

Die minister van gesondheid en maatskaplike dienste (MoHSS), dr. Kalumbi Shangula, het vanmiddag bevestig die 30-jarige vrou wat in die staatshospitaal op Swakopmund in isolasie was, het negatief vir die coronavirus getoets.

Volgens dr. Shangula het die vrou Sydney in Australië besoek en via Doha na Namibië teruggekeer. Die vrou het aan personeel by die hospitaal gesê buiten dat sy 'n land besoek het waar bevestigde gevalle van die virus is, was sy ook op 'n vlug met Chinese burgers wat maskers gedra en gehoes het.

Sy het simptome soos hoes, loopneus en kopseer gehad. Twee verpleegsters wat met haar in aanraking was, is ook geïsoleer.