Coronavirus - Maatreëls in plek om Namibiërs te beskerm

Die ministerie van gesondheid en maatskaplike dienste sê maatreëls is in plek om Namibiërs teen die coronavirus te beskerm wat reeds 80 lewens in China, die land van oorsprong, geëis het. Die maatreëls sluit die verhoogde monitering by internasionale grensposte vir die vinnige opspoor en behandeling van moontlike gevalle in. Openbare en private gesondheidsgeriewe, sowel as laboratoriums is ook op ’n gereedheidsgrondslag vir die opspoor, diagnose en bestuur van moontlike gevalle. Enige persoon met erge verkoue- of griepsimptome wat die afgelope 14 dae na China gereis of wat kontak gehad het met ’n Chinese burger wat die siekte gehad of onder lede het, moet dadelik ’n dokter raadpleeg.
Die ministerie moedig die publiek aan om gereelde hul hande met seep en water te was, direkte kontak met persone met verkoue- of griepsimptome te vermy en om onmiddellik ’n dokter te raadpleeg sou hul simptome vererger en nie opklaar nie.