Corona boul kriekettoer uit

Dit is met teleurstelling dat Krieket Namibië vandag aangekondig het dat die Castle Lite inkomende toer van Nederland (25 Maart tot 1 April) gekanselleer is op grond van die nuutste inligting oor die coronavirus.Die spanne sou twee internasionale eendagwedstryde en vir T20-wedstryde by die Wanderers-veld gespeel het."Die werklikheid in die meeste Europese lande is dat die spoedige verspreiding van die virus tot kansellering van vliegtuig- en oorgrensreise aanleiding gee."Die Nederlandse krieketspan en Krieket Namibië was die afgelope week in noue kontak. Ons wil die publiek en ons vennote die versekering gee dat ons alles moontlik probeer het om die toer 'n werklikheid te maak, maar ons moet respekteer wat tans in die res van die wêreld gebeur."Krieket Namibië bly daartoe verbind om topgehalte internasionale krieket na die land te bring en sien uit na die oorblywende internasionale wedstryde wat geskeduleer is."Johan Muller, uitvoerende hoof van Krieket Namibië, sê: "Die Castle Lite reeks sou 'n hoogtepunt vir ons toeskouers hierdie seisoen gewees het, maar ons respekteer die besluit. Ons glo sodra die virus onder beheer gebring is, sal ons probeer om die toer te herskeduleer."

Corona boul kriekettoer uit

Kommentaar

Republikein 2025-05-14

Meld asseblief aan om kommentaar te lewer

Corona boul kriekettoer uit

Kommentaar

Republikein 2025-05-14

Meld asseblief aan om kommentaar te lewer

MELD AAN

Advertensie