Conradie-korrupsiesaak uitgestel
Die saak is reeds in 2012 deur die Teenkorrupsiekommissie (ACC) aanhangig gemaak.
Kristien Kruger
Die korrupsieverhoor van mnr. Dirk Conradie, voormalige voorsitter van MTC en bekende Windhoekse prokureur, en sy medebeskuldigde, me. Sara Damases, is gister in die hoërhof in Windhoek tot aanstaande jaar uitgestel.
Die datums geskeduleer vir die hervatting van die verhoor is 8 tot 12 Maart en 12 tot 16 April 2021.
Die saak is reeds in 2012 deur die Teenkorrupsiekommissie (ACC) aanhangig gemaak en hou verband met klagte van korrupsie, sameswering om korrupsie te pleeg en, in Conradie se geval, misbruik van sy magsposisie.
Conradie en Damases het na bewering die eienaars van die advertensiemaatskappy DV8 Saachi & Saachi, mnr. Mark Bongers en me. Kim Field, probeer oortuig om Damases as swart bemagtigingsvennoot aan te stel.
DV8 het vir die N$60 miljoen MTC-advertensierekening getender.
Bongers het in sy getuienis op 22 Mei 2018 gesê Conradie het by 'n vergadering in Junie 2012 verduidelik hoe hy as sleutelbesluitnemer die stemproses sou swaai sodat hulle die kontrak sou verkry.
Die staat word deur adv. Ed Marondezde verteenwoordig en die saak word voor regter Thomas Masuku gehoor.– [email protected]
'n Opname van die gesprek in Conradie se kantoor tussen hom, Damases, Bongers en Field is in die hof gespeel.
Met verwysing na die opname beweer die staat dat Conradie sy posisie as voorsitter misbruik het om te verseker dat die tender aan dié maatskappy toegeken word en dat hulle in ruil vir Damases as swart ekonomiese bemagtigingsvennoot moet aanstel.
Bongers was na bewering nie hiervoor te vinde nie en het die verwikkelinge onder die aandag van die ACC gebring.
Die vierde klag waarop Conradie tereg staan, is 'n beweerde oortreding wat in Portugal gepleeg is, maar Conradie se verteenwoordiger, senior adv. Vas Soni, het aangevoer dat dit buite die Namibiese hof se jurisdiksie val.
Conradie en Damases het in Maart 2016 onskuldig gepleit en is vry op borgtog van N$30 000 elk.
Die staat word deur adv. Ed Marondezde verteenwoordig en die saak word voor regter Thomas Masuku gehoor.
– [email protected]
Die korrupsieverhoor van mnr. Dirk Conradie, voormalige voorsitter van MTC en bekende Windhoekse prokureur, en sy medebeskuldigde, me. Sara Damases, is gister in die hoërhof in Windhoek tot aanstaande jaar uitgestel.
Die datums geskeduleer vir die hervatting van die verhoor is 8 tot 12 Maart en 12 tot 16 April 2021.
Die saak is reeds in 2012 deur die Teenkorrupsiekommissie (ACC) aanhangig gemaak en hou verband met klagte van korrupsie, sameswering om korrupsie te pleeg en, in Conradie se geval, misbruik van sy magsposisie.
Conradie en Damases het na bewering die eienaars van die advertensiemaatskappy DV8 Saachi & Saachi, mnr. Mark Bongers en me. Kim Field, probeer oortuig om Damases as swart bemagtigingsvennoot aan te stel.
DV8 het vir die N$60 miljoen MTC-advertensierekening getender.
Bongers het in sy getuienis op 22 Mei 2018 gesê Conradie het by 'n vergadering in Junie 2012 verduidelik hoe hy as sleutelbesluitnemer die stemproses sou swaai sodat hulle die kontrak sou verkry.
Die staat word deur adv. Ed Marondezde verteenwoordig en die saak word voor regter Thomas Masuku gehoor.– [email protected]
'n Opname van die gesprek in Conradie se kantoor tussen hom, Damases, Bongers en Field is in die hof gespeel.
Met verwysing na die opname beweer die staat dat Conradie sy posisie as voorsitter misbruik het om te verseker dat die tender aan dié maatskappy toegeken word en dat hulle in ruil vir Damases as swart ekonomiese bemagtigingsvennoot moet aanstel.
Bongers was na bewering nie hiervoor te vinde nie en het die verwikkelinge onder die aandag van die ACC gebring.
Die vierde klag waarop Conradie tereg staan, is 'n beweerde oortreding wat in Portugal gepleeg is, maar Conradie se verteenwoordiger, senior adv. Vas Soni, het aangevoer dat dit buite die Namibiese hof se jurisdiksie val.
Conradie en Damases het in Maart 2016 onskuldig gepleit en is vry op borgtog van N$30 000 elk.
Die staat word deur adv. Ed Marondezde verteenwoordig en die saak word voor regter Thomas Masuku gehoor.
– [email protected]
Kommentaar
Republikein
Geen kommentaar is op hierdie artikel gelaat nie