Cohen oorheers vir vierde jaar
Vuisbal
Cohen-vuisbalklub se eerste en tweede spanne het die afgelope naweek in die hoofstad vir die vierde agtereenvolgende jaar die Nasionale Bank Windhoek-bekertitels in die A- én B-afdeling opgeraap.
Tydens die groepfases het Cohen 1 vir Cohen 2, Sportklub Windhoek 2 (SKW) en Span-2011 oorweldig om boaan die punteleer te eindig. Span 2011 het tweede geëindig en vir die semifinaal van die A-afdeling gekwalifiseer. Cohen 2 behaal die derde posisie, terwyl SKW 2 die vierde plek inneem.
SKW 1 wen groep B en kwalifiseer vir die groep A-semifinale. Swakopmund-vuisbalklub (SFC), Cohen 3 en SFC 2 eindig onderskeidelik tweede, derde en vierde in groep B.
Met die A-semifinaal seëvier Span-2011 teen SKW 1 vir ’n plek in die finaal teen Cohen 1. SFC 1 buig met 19-18 die knie teen Cohen 1 in hul A-semifinaal.
In die semifinaal van die A-afdeling tussen Cohen 1 en Span-2011 het laasgenoemde briljant begin en ’n vyfpuntvoorsprong bewerkstellig. Ná ’n taktiese verandering het Cohen teruggeveg om die telling gelykop te maak (10-10), maar verloor uiteindelik die stel met 12-10.
In die tweede stel het Cohen die druk op die 2011-span verhoog en dit met ’n indrukwekkende 11-5 ingepalm. Cohen 1 wen die derde stel en sit dié oorheersing in die vierde voort (11-4) om met drie stelle teenoor een die titel te buit.
In die halfeindronde van die B-afdeling het Cohen 3 teen SKW 2 verloor, terwyl Cohen 2 teen SFC 2 geseëvier het. Die B-eindstryd is deur Cohen 2 met 3-0 teen SKW 2 vir die titel ingepalm.
Span-2011 se Christoph Kubirske is as speler van die dag aangewys.
• Die Namibiese Vuisbalvereniging het intussen sy nuwe raad verkies. Vyf van die sewe raadslede is 30 jaar oud of jonger.
Die raadslede is Kristof Lerch (president), Christiane Hass (finansies), Christian Knobloch (sekretaris), André Meng (ligakoördineerder), Rico Kühnle-Kreitz (internasionale koördineerder), Claudia Schlettwein (jeug- en vrouekoördineerder) en Helmo Minz (skakelbeampte).
Tydens die groepfases het Cohen 1 vir Cohen 2, Sportklub Windhoek 2 (SKW) en Span-2011 oorweldig om boaan die punteleer te eindig. Span 2011 het tweede geëindig en vir die semifinaal van die A-afdeling gekwalifiseer. Cohen 2 behaal die derde posisie, terwyl SKW 2 die vierde plek inneem.
SKW 1 wen groep B en kwalifiseer vir die groep A-semifinale. Swakopmund-vuisbalklub (SFC), Cohen 3 en SFC 2 eindig onderskeidelik tweede, derde en vierde in groep B.
Met die A-semifinaal seëvier Span-2011 teen SKW 1 vir ’n plek in die finaal teen Cohen 1. SFC 1 buig met 19-18 die knie teen Cohen 1 in hul A-semifinaal.
In die semifinaal van die A-afdeling tussen Cohen 1 en Span-2011 het laasgenoemde briljant begin en ’n vyfpuntvoorsprong bewerkstellig. Ná ’n taktiese verandering het Cohen teruggeveg om die telling gelykop te maak (10-10), maar verloor uiteindelik die stel met 12-10.
In die tweede stel het Cohen die druk op die 2011-span verhoog en dit met ’n indrukwekkende 11-5 ingepalm. Cohen 1 wen die derde stel en sit dié oorheersing in die vierde voort (11-4) om met drie stelle teenoor een die titel te buit.
In die halfeindronde van die B-afdeling het Cohen 3 teen SKW 2 verloor, terwyl Cohen 2 teen SFC 2 geseëvier het. Die B-eindstryd is deur Cohen 2 met 3-0 teen SKW 2 vir die titel ingepalm.
Span-2011 se Christoph Kubirske is as speler van die dag aangewys.
• Die Namibiese Vuisbalvereniging het intussen sy nuwe raad verkies. Vyf van die sewe raadslede is 30 jaar oud of jonger.
Die raadslede is Kristof Lerch (president), Christiane Hass (finansies), Christian Knobloch (sekretaris), André Meng (ligakoördineerder), Rico Kühnle-Kreitz (internasionale koördineerder), Claudia Schlettwein (jeug- en vrouekoördineerder) en Helmo Minz (skakelbeampte).
Kommentaar
Republikein
Geen kommentaar is op hierdie artikel gelaat nie