Cohen neem voortou met vuiste
Vuisbal
In die tweede ronde van die 2021 Bank Windhoek-vuisballiga die afgelope naweek in Windhoek, het Cohen-vuisbalklub se eerste span vir Sportklub Windhoek (SKW 1) met 2-0 geklop om die eerste posisie op die ligaleer in te neem.
Cohen 1 het in groep A al sy wedstryde met 2-0 gewen, met Cohen 2 wat tweede in dié afdeling eindig. DTS, SKW 3 en Swakopmund-vuisbalklub (SFC 3) eindig onderskeidelik derde, vierde en vyfde.
SKW 1 het gemaklik groep B ingepalm, maar SFC 1 kon nie sy peil van die vorige byeenkoms herhaal nie en eindig tweede. SKW 2, SFC 2 en CFC 3 eindig derde, vierde en vyfde in dié groep.
In die eindstryd het Cohen 1 goed afgeslaan en wen die eerste stel met 12-10. In die tweede stel loop SKW 1 op ’n stadium met twee punte voor, maar verloor dié stel ook met 12-10. Die uitslag bring vir Cohen 1 twaalf ligapunte in die sakkie.
Die volgende aksie in die Bank Windhoek-liga sal op Saterdag 8 Mei by die SFC-veld in Swakopmund wees.
Die punteleer ná twee rondes: 1 Cohen 1 (24), 2 SKW 1 (20), 3 SFC 1 (16), 4 Cohen 2 (12), 5 SKW 2 (5), 6 SFC 3/SFC 2 (4), 7 DTS (1), 8 SKW 3 (0), 9 Cohen 3 (0).
Cohen 1 het in groep A al sy wedstryde met 2-0 gewen, met Cohen 2 wat tweede in dié afdeling eindig. DTS, SKW 3 en Swakopmund-vuisbalklub (SFC 3) eindig onderskeidelik derde, vierde en vyfde.
SKW 1 het gemaklik groep B ingepalm, maar SFC 1 kon nie sy peil van die vorige byeenkoms herhaal nie en eindig tweede. SKW 2, SFC 2 en CFC 3 eindig derde, vierde en vyfde in dié groep.
In die eindstryd het Cohen 1 goed afgeslaan en wen die eerste stel met 12-10. In die tweede stel loop SKW 1 op ’n stadium met twee punte voor, maar verloor dié stel ook met 12-10. Die uitslag bring vir Cohen 1 twaalf ligapunte in die sakkie.
Die volgende aksie in die Bank Windhoek-liga sal op Saterdag 8 Mei by die SFC-veld in Swakopmund wees.
Die punteleer ná twee rondes: 1 Cohen 1 (24), 2 SKW 1 (20), 3 SFC 1 (16), 4 Cohen 2 (12), 5 SKW 2 (5), 6 SFC 3/SFC 2 (4), 7 DTS (1), 8 SKW 3 (0), 9 Cohen 3 (0).
Kommentaar
Republikein
Geen kommentaar is op hierdie artikel gelaat nie