Cohen baas van die plaas

Cohen-vuisbalklub se eerste span het sy oorheersing in vanjaar se Bank Windhoek Vuisballiga voortgeist toe hy laas naweek se toernooi in Windhoek gewen het.Cohen 1 het in die A-afdeling sy aartsvyand, Sport Klub Windhoek (SKW), verslaan wat nie uit hul tuisveldvoordeel kon munt slaan nie. Die eindtelling was 4-0 ten gunste van Cohen 1. In die B-afdeling het SKW 2 egter die titel opgeraap.In die eerste halfeindstryd in die A-afdeling het Cohen 1 teen hul klubmaats, Cohen 2, te staan gekom. Cohen 1 het eerste bloed geruik en die eerste stel gewen voordat Cohen 2 'n 10-5 voorsprong in die tweede stel verkry het.Cohen 2 kon egter nie die beslissende punt aanteken nie en is met 10-12 verslaan. In die derde stel het Cohen 1 sy tempo en taktiek verander wat tot 'n 3-0 oorwinning gelei het om tot die eindstryd te vorder.SKW 1 het in die tweede halfeindstryd geen probleme met die jong spelers van Swakopmund-vuisbalklub (SFC 1) ondervind nie. SKW 1 het met 3-0 oorheers om die eindstryd in die A-afdeling te haal.In die uitspeelwedstryd vir die derde plek in die A-afdeling het toeskouers op hul sitplekke gestaan toe 'n kop-aan-kop-stryd tussen Cohen 2 en SFC 1 applous ontlok het. Hoewel die verskil in elke stel se telling baie naby was, het laasgenoemde die opwindende wedstryd met 4-1 in hul guns beklink.In die eindstryd het Cohen 1 haastiger as SKW 1 begin en 'n driepunt-voorsprong verkry. SKW 1 het ingehaal, maar Wilko Hoffmann van Cohen 1 het konsekwent punte met sy afslane aangeteken. SKW 1 het die eerste stel met 11-8 beklink. 'n Soortgelyke patroon is in die tweede en derde stelle gevolg, wat beide met 11-8 ten gunste van Cohen 1 geëindig het.Cohen 1 het 'n driepunt-voorsprong in die vierde stel vermors en was op 8-10 baie naby aan sy eerste nederlaag. Nietemin het Cohen 1 teruggeveg en vier keer punte aangeteken om die vierde stel met 12-10 te wen.Die B-afdeling was op 'n rondomtaliegrondslag beslis waar SKW 2 sake oorheers het, deur Cohen 3 met 4-0 en 4-2 te oorrompel.Helmo Minz, skakelbeampte van die Namibiese Vuisbalvereniging, sê: “Wat jeugontwikkeling betref, het die spanne van SKW sowel as 'n span van Swakopmund waarde vir hul geld gekry toe hulle vier wedstryde vir die dag gespeelhet. Ons kan sien hulle het beslis begrip van die sport.”Mark Egner van SFC 2 is as die topspeler van die dag bekroon.Volgende op die vuisbalkalender is die Nasionale Bekertoernooi wat op Saterdag 6 November by die Cohen-klub in Olympia plaasvind.So het die spanne geëindig:A-afdeling: 1 Cohen 1, 2 SKW 1, 3 SFC 1, 4 Cohen 2.B-afdeling: 1 SKW 2, 2 SFC 2, 3 Cohen 3, 4 SFC 3, 5 DTS, 6 SKW 3.

Cohen baas van die plaas

Kommentaar

Republikein 2025-08-05

Meld asseblief aan om kommentaar te lewer

Cohen baas van die plaas

Kommentaar

Republikein 2025-08-05

Meld asseblief aan om kommentaar te lewer

MELD AAN

Advertensie