Clicks se vorige baas op Woolies se direksie

Nellie Brand-Jonker – David Kneale, wat vir 13 jaar die uitvoerende hoof van Clicks was, is met onmiddellike ingang Maandag as ’n nie-uitvoerende direkteur van die Woolworths-groep aangestel.Woolworths se aandeelprys het onlangs onder druk gekom toe van sy nie-uitvoerende direkteure onverwags bedank het.Die Clicks-groep het in September aangekondig Kneale tree op 1 Januarie af as uitvoerende direkteur en dat hy dan die rol van strategiese adviseur vir die groep sal vervul tot einde Augustus vanjaar wanneer sy kontrak tot ’n einde kom.Dit is nou onseker of hy nog dié rol sal mag vervul.Kneale het meer as 40 jaar se ondervinding in die kleinhandelbedryf, plaaslik en internasionaal.Hy was voordat hy by Clicks was ’n lid van die uitvoerende komitee van die Britse kleinhandelgroep Boots.Hy is opgevolg deur Vikesh Ramsunder (47), wat die bedryfshoof van Clicks was.Woolworths het Maandag aangekondig Thembisa Skweyiya word ook van 11 Maart af as ’n onafhanklike nie-uitvoerende direkteur aangestel.Skweyiya het omvattende kundigheid in korporatiewe finansiering en het vir Citigroup en Nedbank Capital gewerk en was op die direksie van Rothschild Suid-Afrika.Sy het ook in die risiko-, oudit- en etiekkomitees van openbare en private maatskappye gedien.Sy is tans ’n nie-uitvoerende direkteur op die direksies van Imperial Logistics, Liberty, Sumitomo Rubber en Jonnson Workwear. Sy is ook ’n trustee van The Victor Diatz-stigting.Sy was voorheen op die direksies van Absa Bank, Telkom en Famous Brands.Woolworths het gesê hy gaan die samestelling van sy direksie verder ondersteun met nog aanstellings van onafhanklike nie-uitvoerende direkteure en gaan binnekort aankondigings hieroor doen.Ian Moir, uitvoerende hoof van Woolworths, het in Februarie met die uitreiking van die groep se halfjaarresultate erken “foute is die afgelope tyd gemaak” wat sy vertoning beïnvloed het.Die groep het sy tussentydse dividend verminder.Op dié aanbieding het Hubert Brody, ondervoorsitter van die direksie, aandeelhouers lank toegespreek oor die gebeure in die voorafgaande maande wat ingesluit het die skielike bedanking van die twee direkteure in Australië.Hy wou egter nie uitbrei oor die redes vir hul bedanking nie.Ook Moir wou nie uitbrei of nog vrae daaroor beantwoord nie. – Netwerk24

Clicks se vorige baas op Woolies se direksie

Kommentaar

Republikein 2025-11-05

Meld asseblief aan om kommentaar te lewer

Clicks se vorige baas op Woolies se direksie

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.