Civics draf met beker weg

Civics het Saterdagnamiddag die opwindende finaal van die MTC NFA-beker Aweh by die Vineta-stadion in Swakopmund met 3-2 teen Mighty Gunners van Otjiwarongo opgeraap.Die twee klubs het mekaar geen ruimte gegun nie. Civics wat laas in 2008 die NFA-beker gewen het, was vasbeslote om Gunners wat die afgelope agt jaar in ’n eindstryd gespeel en verloor het, bloedneus te gee.Gunners het gehoop om met hul derde probeerslag dié gesogte trofee van die Namibiese Sokkervereniging (NFA) op te raap, maar dit was pure verniet.Civics het hul rekening met Aubrey Amseb se geleerde stewel geopen waarna Vernon Klazen die gelykmaker vir Gunners aangeteken het. Net voor rustyd het Quinton Kuruseb van Civics die doelnet laat bolstaan om die telling met 2-1 in hul guns te swaai.TWEEDE HELFTEDie vlugvoetige derduiwel, Marcel Papama, het opnuut sy naam gestand gedoen toe hy halfpad deur die tweede helfte die verdediging van Gunners oopvlek om sy klub se derde doel vir ’n gemaklike voorsprong van 3-1 aan te teken.Met min speeltyd oor het Gunners die wind gebruik om Civics met hoë balle op die aanval te peper. Shivolo Mutubulwa, plaasvervanger van Gunners, slaag met ’n doel om die telling na 3-2 te laat krimp. Maar Gunners kan nie die ruimte en tyd vind om die telling gelykop te maak nie.As kampioene stap Civics weg met ’n tjek van N$500 000, terwyl Gunners met ’n stewige N$250 000 getroos word.VOORWEDSTRYDIn die wedstryd tussen Blue Waters van Walvisbaai en Young African van Gobabis om die derde en vierde plek in dié kompetisie te bepaal, het Blue Waters gemaklik met 3-1 geseëvier.Die Walvisbaaiers was rustyd danksy doele deur Prins Tjiueza en Moses David met 2-0 voor. Vir African het die plaasvervanger, Tjimbauja Katuuo, in die tweede helfte die telling 2-1 gemaak. Maar Enrico Hoebeb wat vir Waters as plaasvervanger opgekom het, besweer African se lot met sy doel (3-1).Blue Waters kry vir sy derde plek N$150 000 en African se troosprys is N$100 000 danksy MTC se belegging.Virgil Namaseb, doelwagter van Civics, is as beste doelwagter van die kompetisie aangewys. Asser Hara-Amseb van Gunners is die topdoelskieter, terwyl sy kaptein, Olsen Ameb, as die beste speler bekroon is. Willem Haitembu en Hangula Hangula het hulle onderskeidelik as die beste skeidsregter en assistant-skeidsregter onderskei.Daar is vanjaar in die MTC NFA-bekerreeks Aweh ’n totaal van 114 doele in 32 wedstryde aangeteken waarvan nege Saterdag in twee wedstryde die kol getref het. - www.nfa.org.na

Civics draf met beker weg

Kommentaar

Republikein 2025-12-16

Meld asseblief aan om kommentaar te lewer

Civics draf met beker weg

Kommentaar

Republikein 2025-12-16

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.