Chinese gee bitcoin 'n knou

Bitcoin het op 14 Augustus die eerste keer deur die US$4 000-vlak gebreek en teen 2 September teen US$4 964,44 verhandel.Die Volksbank van China – dié land se reserwebank – het Maandag in 'n verklaring op sy webwerf gesê dit is onwettig om met virtuele geldeenhede soos bitcoin te verhandel, en alle aktiwiteite om fondse daarvoor in te samel moet gestaak word.Hoewel die bank nie bitcoin by die naam noem nie, is dit tot dusver die sterkste teenkanting uit 'n beleidsoogpunt wat dié virtuele geldeenheid gekry het.Die bank sê hy het sy ondersoek oor virtuele geldeenhede afgehandel en sal enige toekomstige verhandeling, of transaksies wat reeds plaasgevind het, pak.Hy sê dié wat reeds geld vir virtuele geldeenhede ingesamel het, moet dit aan beleggers terugbetaal. Hy het egter nie gesê hoe dit gedoen moet word nie.Digitale ruilmunte kan nie as geldeenheid op aandelemarkte gebruik word nie en banke word verbied om dienste te lewer om die aanvanklike aanbod daarvan te finansier.“Ons sien dit tot 'n mate oral – ons weet beleid is op pad,” sê Jehan Chu, besturende vennoot by Kenetic Capital in Hongkong.Kenetic belê in bitcoin en gee ook raad oor verkope.“China moes weens sy grootte en omdat hy reeds een van die mees spekulatiewe markte is strenger stappe doen.”Die aanvanklike aanbod van digitale ruilmunte het tot dusver ongehinderd voortgegaan en sowat US$1,6 miljard op markte verdien.China beskou dit as 'n bedreiging vir markstabiliteit waar owerhede sukkel om beheer te kry oor al die verskillende kanale waarmee finansiering verkry word en wat buite die bankstelsel funksioneer.Ander virtuele geldeenhede sluit ethereum, ripple en litecoin in.Volgens Coinmarketcap.com is daar reeds meer as 100 verskillende soorte virtuele geldeenhede.Volgens dié webwerf het bitcoin Dinsdagoggend bykans 10% laer teen US$4 081,74 verhandel. – Netwerk24/Saamgestel uit Bloomberg en Coinmarketcap.com

Chinese gee bitcoin 'n knou

Kommentaar

Republikein 2025-06-17

Meld asseblief aan om kommentaar te lewer

Chinese gee bitcoin 'n knou

Kommentaar

Republikein 2025-06-17

Meld asseblief aan om kommentaar te lewer

MELD AAN

Advertensie