Chinese banknoot van doerie tyd Doer Onder ontdek
Elma Kloppers
’n Skaars Chinese banknoot uit die Ming-dinastie (1368-1644) is opgefrommel binne-in die kop van ’n 13de eeuse Chinese houtborsbeeld ontdek.
Dié belangrike ontdekking van die 700 jaar oue banknoot is deur Mossgreen Auctions in Australië gemaak. Dié veilingshuis gaan die borsbeeld van ’n luohan (verligte persoon) in Desember as deel van die Raphy Star Collection of Important Asian Art in Sydney opveil.
Tussen 3 November en 6 November gaan die beeld ’n draai in Londen maak waar dit per afspraak besigtig kan word. Mossgreen sê die waarde van die banknoot word tans nagevors, maar dit is sonder twyfel ’n fortuin werd.
“Dit was ’n aangrypende oomblik toe dit ontdek is,” sê Ray Tregaskis, hoof van Mossgreen se afdeling vir Asiese kuns.
Hy sê hoewel dit nie ongewoon is vir items soos halfedelstene en perkamentrolle om van tyd tot tyd binne-in standbeelde hul opwagting te maak nie, is die ontdekking van die skaars banknoot besonders omdat dit die datum van die standbeeld verifieer.
“Luohan” is die Chinese woord vir diegene wat die vier fases van verligting voltooi het en hulle in ’n toestand van nirvana bevind. Die gelaatstrekke van die beeld is gedefinieer met ’n wyse en rustige gesigsuitdrukking.
Die banknoot het drie amptelike rooi stempels en dateer van die derde jaar van die Ming-dinastie, die Hongwu-tydperk. Onderaan die noot staan geskryf dat dit dieselfde funksie het as geldmunte en dat diegene wat ’n vervalste noot gebruik se kop summier afgekap sal word. - Netwerk24
’n Skaars Chinese banknoot uit die Ming-dinastie (1368-1644) is opgefrommel binne-in die kop van ’n 13de eeuse Chinese houtborsbeeld ontdek.
Dié belangrike ontdekking van die 700 jaar oue banknoot is deur Mossgreen Auctions in Australië gemaak. Dié veilingshuis gaan die borsbeeld van ’n luohan (verligte persoon) in Desember as deel van die Raphy Star Collection of Important Asian Art in Sydney opveil.
Tussen 3 November en 6 November gaan die beeld ’n draai in Londen maak waar dit per afspraak besigtig kan word. Mossgreen sê die waarde van die banknoot word tans nagevors, maar dit is sonder twyfel ’n fortuin werd.
“Dit was ’n aangrypende oomblik toe dit ontdek is,” sê Ray Tregaskis, hoof van Mossgreen se afdeling vir Asiese kuns.
Hy sê hoewel dit nie ongewoon is vir items soos halfedelstene en perkamentrolle om van tyd tot tyd binne-in standbeelde hul opwagting te maak nie, is die ontdekking van die skaars banknoot besonders omdat dit die datum van die standbeeld verifieer.
“Luohan” is die Chinese woord vir diegene wat die vier fases van verligting voltooi het en hulle in ’n toestand van nirvana bevind. Die gelaatstrekke van die beeld is gedefinieer met ’n wyse en rustige gesigsuitdrukking.
Die banknoot het drie amptelike rooi stempels en dateer van die derde jaar van die Ming-dinastie, die Hongwu-tydperk. Onderaan die noot staan geskryf dat dit dieselfde funksie het as geldmunte en dat diegene wat ’n vervalste noot gebruik se kop summier afgekap sal word. - Netwerk24
Kommentaar
Republikein
Geen kommentaar is op hierdie artikel gelaat nie