'China wil nie meer VSA se vullis invoer'

China het genoeg gehad – van Amerika wat sy afval daarheen uitvoer.Die land het onlangs aan die Wêreldhandelsorganisasie (WTO) gesê hy sal van einde vandeesmaand af nie meer 27 soorte plastiek, papier, tekstiel en ander herwinbare produkte van oorsee af aanvaar nie.Die verbod vorm deel van 'n verskerpte veldtog teen “buitelandse gemors” wat 'n al groter bedreiging “vir openbare gesondheid en die omgewing” in China inhou.Dis 'n groot slag vir Amerikaanse uitvoerders van rommel, en ook potensieel vir Chinese arbeiders wat dit aan die ander kant van die herwinningsketting moet hanteer.Die bedryf is jaarliks sowat US$5 miljard (R66 miljard) werd. Afval is die sesde grootste Amerikaanse uitvoer na China. Dié land is die afgelope 20 jaar die grootste invoerder van rommel en ontvang jaarliks sowat sewe miljoen ton plastiek en 29 miljoen ton papier en karton – nie alles van die VSA af nie.SkarrelDie verbod sal beteken dat afval selfs meer in Amerika gaan ophoop en dat uitvoerders noustrop gaan trek. Hulle skarrel tans rond om antwoorde op die naderende krisis te vind. “Ons respekteer wat die Chinese regering probeer doen en ons sal graag wil help, maar hulle het ons byna geen tyd gegee om aan oplossings te dink nie,” het Adina Adler, 'n beampte van die Amerikaanse instituut vir afvalherwinning, gesê.Sy het gesê afwagting op die verbod het reeds sy merk gemaak.“Chinese kopers het al klaar bestellings gekanselleer en in sommige gevalle gaan haal hulle net nie die besendings in die hawe nie.”Die bedryf, wat oor die laaste drie dekades opgebou is, het tot dusver so gewerk: Skepe vol vraghouers met goedkoop Chinese goedere meer daagliks in Amerikaanse hawens vas.Omdat die VSA egter 'n groot handelstekort met China het, is daar nie genoeg uitvoere om daardie skepe weer vol te maak nie. Daarom bied skeepsrederye reuse-afslag aan uitvoerders van afval. Dis vir hulle beter om énigiets te vervoer as om met leë skepe die terugroete aan te pak.Om die waarheid te sê, dit is tot 'n mate 'n sirkelgang: Baie van die kartondose waarin goed vir gulsige Amerikaanse verbruikers ingevoer word, word weer na China teruggestuur.WerkverliesTot 40 000 poste aan die Amerikaanse punt van die ketting kan in gedrang wees.Volgens Adam Minter, skrywer van die boek Junkyard Planet, is dit goedkoper om afval na China uit te voer as wat dit is om dit per spoor van Los Angeles tot in Chicago te stuur.Minter meen die verbod gaan albei lande skade berokken. En dit sal die arbeiders wees wat hul werkdae kniediep in rommel deurbring wat die swaarste gaan trek.– Netwerk24/Bloomberg/The Guardian/CNN

'China wil nie meer VSA se vullis invoer'

Kommentaar

Republikein 2025-11-05

Meld asseblief aan om kommentaar te lewer

'China wil nie meer VSA se vullis invoer'

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.