China voer rekord ystererts in 2016 in
China het in 2016 'n rekord hoeveelheid ystererts ingevoer en die een miljard ton-merk verbygesteek.
Dit was veroorsaak deur 'n onverwagte verhoging in die land se plaaslike staalvervaardiging en laer produksie van ystererts.
Sy groter invoer vanuit Australië en Brasilië het die prys van ystererts ook help verbeter.
Asië se grootste ekonomie het volgens doeane-inligting 1,024 miljard ton ystererts ingevoer wat 7,5% meer is as in 2015.
Invoer in Desember was 89 miljoen ton teenoor die 92 miljoen ton in November.
Die prys van ystererts het in 2016 met meer as 80% gestyg nadat die Chinese regering besluit het om ekonomiese groei deur stimulus te verbeter. Dit het veral staalvervaardiging aangehelp.
Onseker oor 2017
Die vooruitsig van wat met ystererts in 2017 gaan gebeur gaan afhang van China se vermoë om nog groter volumes te absorbeer. Die Australiese regering dink nie dit is moontlik nie terwyl ander weer 'n ander siening het.
Die hoeveelheid ystererts wat op die wêreldmark beskikbaar gaan wees in 2017 kan wel toeneem met die Brasiliaanse mynmaatskappy Vale se S11D-myn wat met produksie begin.
Invoer gaan “aanhou styg in 2017”, sê Justin Smirk, seniorekonoom by Westpac Banking.
“Dit gaan alles oor aanbod en die hoeveelheid ystererts wat beskikbaar is vanuit Australië en Brasilië sowel as ander kleiner produsente. Indien dit toeneem sal dit in die Chinese mark opgeneem word.”
Smirk waarsku hoewel die prys van ystererts tot bo U$80 per ton vroeg in 2017 gestyg het nadat dit onder U$40 per ton in Desember 2015 verhandel het, dit steeds mag daal al styg invoer.
Australië, die wêreld se grootste uitvoerder meen dit is wat die toekoms inhou met aanvraag uit China wat gaan stabiliseer.
'n Peiling deur Singapore Exchange wys rolspelers in die sektor is meer positief met almal wat meen China gaan oor die algemeen meer ystererts in 2017 invoer. – Netwerk24/Bloomberg
Dit was veroorsaak deur 'n onverwagte verhoging in die land se plaaslike staalvervaardiging en laer produksie van ystererts.
Sy groter invoer vanuit Australië en Brasilië het die prys van ystererts ook help verbeter.
Asië se grootste ekonomie het volgens doeane-inligting 1,024 miljard ton ystererts ingevoer wat 7,5% meer is as in 2015.
Invoer in Desember was 89 miljoen ton teenoor die 92 miljoen ton in November.
Die prys van ystererts het in 2016 met meer as 80% gestyg nadat die Chinese regering besluit het om ekonomiese groei deur stimulus te verbeter. Dit het veral staalvervaardiging aangehelp.
Onseker oor 2017
Die vooruitsig van wat met ystererts in 2017 gaan gebeur gaan afhang van China se vermoë om nog groter volumes te absorbeer. Die Australiese regering dink nie dit is moontlik nie terwyl ander weer 'n ander siening het.
Die hoeveelheid ystererts wat op die wêreldmark beskikbaar gaan wees in 2017 kan wel toeneem met die Brasiliaanse mynmaatskappy Vale se S11D-myn wat met produksie begin.
Invoer gaan “aanhou styg in 2017”, sê Justin Smirk, seniorekonoom by Westpac Banking.
“Dit gaan alles oor aanbod en die hoeveelheid ystererts wat beskikbaar is vanuit Australië en Brasilië sowel as ander kleiner produsente. Indien dit toeneem sal dit in die Chinese mark opgeneem word.”
Smirk waarsku hoewel die prys van ystererts tot bo U$80 per ton vroeg in 2017 gestyg het nadat dit onder U$40 per ton in Desember 2015 verhandel het, dit steeds mag daal al styg invoer.
Australië, die wêreld se grootste uitvoerder meen dit is wat die toekoms inhou met aanvraag uit China wat gaan stabiliseer.
'n Peiling deur Singapore Exchange wys rolspelers in die sektor is meer positief met almal wat meen China gaan oor die algemeen meer ystererts in 2017 invoer. – Netwerk24/Bloomberg
Kommentaar
Republikein
Geen kommentaar is op hierdie artikel gelaat nie