China red Oshakati-abbatoir
Chinese en Namibiese regering word ‘broers’
Tuyeimo Haidula op Oshakati
Ningbo Agriculture Investment Group, ’n Chinese maatskappy, het ’n plaaslike maatskappy se hand gevat om beheer te neem oor die tweede grootste abbatoir in die land, wat in Oshakati geleë is.
Die Eloolo-abattoir is Donderdag amptelik deur mnr. Calle Schlettwein, die minister van landbou, water en bosbou, heropen nadat sy deure in 2016 gesluit het. Die Katima Mulilo abbatoir moes ook in 2016 sy deure sluit nadat Meatco uit die noordelike gemeenskaplike gebiede onttrek het.
Die abbatoir is in Julie verlede jaar tydelik heropen en daarna weer gesluit nadat die plaaslike maatskappy Kiat Investment Holding, wat die tender vir sy bestuur beklink het, finansiële probleme ervaar het. Ningbo verleen nou finansiële steun aan Kiat.
Schlettwein het gesê die heropening van die abbatoir dien as bewys van die regering se pogings om die waardeketting van beesvleis in noordelike Namibië te bestuur.
Hy het gesê MeatCo se onttrekking het ’n ontwrigting in die waardeketting veroorsaak, wat volgens hom ’n deurslaggewende komponent is van die ontwikkelingsprojek vir die waardeketting van beesvleis in die noordelike gemeenskaplike gebiede.
“Die heropening en operasionalisering van die abbatoir bring dus groot verligting vir boere in die noordelike gemeenskaplike gebiede wat weens hierdie uitdagings sedert 2016 nie hul beeste formeel kon bemark nie. Die opheffing van veeboere in dié gebiede is afhanklik van die boere se betrokkenheid by die formele hoofstroom-ekonomie,” het Schlettwein gesê.
Die minister het ook dié platform gebruik om aan te kondig dat die regering die abbatoirs van Outapi, Oshakati, Eenhana en Katima Mulilo opgeknap het, terwyl die opknappingswerk by die Rundu-abbatoir binnekort voltooi sal wees.
Schlettwein het bygevoeg die regering is ook besig om die kwarantynkampe in Omutambo Omawe, Oshivelo, Okongo, Kopano en Katima Mulilo op te knap om te verseker dat dié abbatoirs optimaal kan funksioneer.
“Die regering beplan om die Opuwo-slaghuis op te gradeer en die Bukalo-vleisverwerkingsfasiliteit op te rig, wat albei deur die Europese Ontwikkelingsfonds (EOF 11-projek) gefinansier sal word. Die regering is ook tans besig om die Ongwediva-vleisverwerkingsaanleg te bou en die enigste werk wat nog gedoen moet word, is om die fasiliteit toe te rus met verwerkingsmasjinerie en ander toerusting.”
Vir hierdie pogings om die verlangde resultate te lewer, sal boere moet onderneem om diere van gehalte te produseer en te bemark om die optimale deurvoer van hierdie fasiliteite te verseker. Volgens Schlettwein was dié kwessie in die verlede ’n probleem.
Net so, het hy gesê, moet die bestuurders van hierdie fasiliteite die aanbod vir boere aantreklik maak om hul diere deur middel van hierdie fasiliteite te bemark, deur winsgewende plaaslike en uitvoermarkte te ontwikkel. Die belangrikste is egter dat boere redelike en beter pryse vir hul diere moet kry, het hy gesê.
Mnr. Zhuang Caizeng, verteenwoordiger van Ningbo Agriculture Investment Group, het gesê die Chinese en Namibiese regerings se betrekkinge het onder leiding van die Swapo-party “van vriende tot broers” verander.
Caizeng het gesê Ningbo se belegging in landbou en veeteelt in Namibië is 'n goeie geleentheid vir die mense van die twee lande.
“Die mense van Zhejiang in China wil bees- en skaapvleis koop, en die inwoners van Namibië wil bees- en skaapvleis verkoop. As Ningbo-maatskappy vertrou ons dat ons saam met die landbouministerie noord-Namibiese beeste en skaapvleis na China sal uitvoer, die buitelandse valutareserwes vir die land sal vergroot en vele werkgeleenthede vir die mense sal skep. Met samewerking en die hardwerkendheid van die Namibiese mense, sal ons Namibië ’n eersteklasland maak,” het hy gesê.
Die huidige daaglikse kapasiteit van die abattoir is 70 en Caizeng het gesê hulle wil dit tot 250 verhoog. “Met die verhoogde kapasiteit verwag ons om 150 werknemers by die abbatoir aan te stel. Behalwe vir die abbatoir, beplan Ningbo om met plaaslike boere saam te werk om gras te kweek en beeste te teel om verdere werk- en sakegeleenthede vir Namibië te skep.”
– [email protected]
Ningbo Agriculture Investment Group, ’n Chinese maatskappy, het ’n plaaslike maatskappy se hand gevat om beheer te neem oor die tweede grootste abbatoir in die land, wat in Oshakati geleë is.
Die Eloolo-abattoir is Donderdag amptelik deur mnr. Calle Schlettwein, die minister van landbou, water en bosbou, heropen nadat sy deure in 2016 gesluit het. Die Katima Mulilo abbatoir moes ook in 2016 sy deure sluit nadat Meatco uit die noordelike gemeenskaplike gebiede onttrek het.
Die abbatoir is in Julie verlede jaar tydelik heropen en daarna weer gesluit nadat die plaaslike maatskappy Kiat Investment Holding, wat die tender vir sy bestuur beklink het, finansiële probleme ervaar het. Ningbo verleen nou finansiële steun aan Kiat.
Schlettwein het gesê die heropening van die abbatoir dien as bewys van die regering se pogings om die waardeketting van beesvleis in noordelike Namibië te bestuur.
Hy het gesê MeatCo se onttrekking het ’n ontwrigting in die waardeketting veroorsaak, wat volgens hom ’n deurslaggewende komponent is van die ontwikkelingsprojek vir die waardeketting van beesvleis in die noordelike gemeenskaplike gebiede.
“Die heropening en operasionalisering van die abbatoir bring dus groot verligting vir boere in die noordelike gemeenskaplike gebiede wat weens hierdie uitdagings sedert 2016 nie hul beeste formeel kon bemark nie. Die opheffing van veeboere in dié gebiede is afhanklik van die boere se betrokkenheid by die formele hoofstroom-ekonomie,” het Schlettwein gesê.
Die minister het ook dié platform gebruik om aan te kondig dat die regering die abbatoirs van Outapi, Oshakati, Eenhana en Katima Mulilo opgeknap het, terwyl die opknappingswerk by die Rundu-abbatoir binnekort voltooi sal wees.
Schlettwein het bygevoeg die regering is ook besig om die kwarantynkampe in Omutambo Omawe, Oshivelo, Okongo, Kopano en Katima Mulilo op te knap om te verseker dat dié abbatoirs optimaal kan funksioneer.
“Die regering beplan om die Opuwo-slaghuis op te gradeer en die Bukalo-vleisverwerkingsfasiliteit op te rig, wat albei deur die Europese Ontwikkelingsfonds (EOF 11-projek) gefinansier sal word. Die regering is ook tans besig om die Ongwediva-vleisverwerkingsaanleg te bou en die enigste werk wat nog gedoen moet word, is om die fasiliteit toe te rus met verwerkingsmasjinerie en ander toerusting.”
Vir hierdie pogings om die verlangde resultate te lewer, sal boere moet onderneem om diere van gehalte te produseer en te bemark om die optimale deurvoer van hierdie fasiliteite te verseker. Volgens Schlettwein was dié kwessie in die verlede ’n probleem.
Net so, het hy gesê, moet die bestuurders van hierdie fasiliteite die aanbod vir boere aantreklik maak om hul diere deur middel van hierdie fasiliteite te bemark, deur winsgewende plaaslike en uitvoermarkte te ontwikkel. Die belangrikste is egter dat boere redelike en beter pryse vir hul diere moet kry, het hy gesê.
Mnr. Zhuang Caizeng, verteenwoordiger van Ningbo Agriculture Investment Group, het gesê die Chinese en Namibiese regerings se betrekkinge het onder leiding van die Swapo-party “van vriende tot broers” verander.
Caizeng het gesê Ningbo se belegging in landbou en veeteelt in Namibië is 'n goeie geleentheid vir die mense van die twee lande.
“Die mense van Zhejiang in China wil bees- en skaapvleis koop, en die inwoners van Namibië wil bees- en skaapvleis verkoop. As Ningbo-maatskappy vertrou ons dat ons saam met die landbouministerie noord-Namibiese beeste en skaapvleis na China sal uitvoer, die buitelandse valutareserwes vir die land sal vergroot en vele werkgeleenthede vir die mense sal skep. Met samewerking en die hardwerkendheid van die Namibiese mense, sal ons Namibië ’n eersteklasland maak,” het hy gesê.
Die huidige daaglikse kapasiteit van die abattoir is 70 en Caizeng het gesê hulle wil dit tot 250 verhoog. “Met die verhoogde kapasiteit verwag ons om 150 werknemers by die abbatoir aan te stel. Behalwe vir die abbatoir, beplan Ningbo om met plaaslike boere saam te werk om gras te kweek en beeste te teel om verdere werk- en sakegeleenthede vir Namibië te skep.”
– [email protected]
Kommentaar
Republikein
Geen kommentaar is op hierdie artikel gelaat nie