China oorheers tenderwedloop
Die meerderheid voornemende tenderaars vir die nuutste twee konstruksietenders is Chinese maatskappye.
Ronelle Rademeyer
Altesaam 34 van die 52 boumaatskappye wat voorleggings ingedien het om te tender vir 'n fase van die lughawesnelweg en die Kranzberg-spoorlynprojek, is Chinese maatskappye.
Volgens die nuutste uitgawe van die tenderbulletin het 32 boumaatskappye voorleggings ingedien om te kwalifiseer vir die bou van fase 2A van die nuwe lughawesnelweg.
Dít behels die gedeelte van die pad tussen Sam Nujomarylaan en die Dordabis-aansluiting.
Van hierdie 32 is 20 maatskappye van China afkomstig.
Vir die opgradering van die 210 km-spoorlyn tussen Walvisbaai en Kranzberg, het 20 maatskappye gereageer op die uitnodiging deur die Paaieowerheid (RA) en die Afrika-ontwikkelingsbank (AfDB) om voorleggings in te dien.
Altesaam 14 hiervan is Chinese boumaatskappye.
Die voorkwalifiseringsfase vir hierdie twee tenders het twee weke gelede stil-stil gesluit, terwyl die ministers van finansies en van werke en vervoer, mnre. Calle Schlettwein en John Mutorwa, probeer het om die sluitingsdatums op versoek van die plaaslike boubedryf tot 30 November te verleng.
Dít is gedoen in die hoop op die verslapping van buitensporig streng finansiële vereistes ten opsigte van omset en kontantvloei waaraan boumaatskappye moet voldoen om te kwalifiseer.
HUIDIGE VEREISTES STRENG
Die Federasie vir die Konstruksiebedrywe van Namibië (CIF) het onlangs in 'n verklaring gesê die huidige verkrygings- en tendervereistes is só streng dat plaaslike boumaatskappye nié by die Afrika-ontwikkelingsbank (AfDB) se leningshulp sal baat nie.
Dit beteken die tendertafel is net vir buitelandse boureuse gedek, het dié federasie aangevoer.
Mutorwa het egter verduidelik 'n verlengde sluitingsdatum gaan nie vir plaaslike boumaatskappye van waarde wees tensy die AfDB nie instem om die voorwaardes te wysig waaraan maatskappye moet voldoen om in aanmerking te kom nie.
Die tenderbulletin berig daar was hoofsaaklik Chinese tenderaars teenwoordig toe die tendervoorleggings op 10 en 12 Oktober deur personeel van die RA oopgemaak is.
NAMIBIESE MAATSKAPPYE
'n Handjie vol Namibiese maatskappye het met internasionale maatskappye saamgespan om te kan tender. Dit sluit in Otesa, Kambwa Trading, M&H Trading Enterprises, Namibia Construction, Lewkor, Uundenge en Tecnonam Bridges & Roads.
Dit blyk verder 13 van die 52 maatskappye of gesamentlike ondernemings (JV's) in die wedloop het aanbiedinge vir beide hierdie projekte ingedien.
Die AfDB het verlede jaar 'n lening van N$2 miljard vir hierdie twee projekte goedgekeur.
Volgens die ontwikkelingsbegroting vir 2018-'19 sal die opgradering van die spoorlyn tussen Walvisbaai en Windhoek, asook die noordelike spoorlyn tot by Tsumeb, N$5,1 miljard kos. Die 210 km tot by Kranzberg is een van die fases van die projek.
Die totale koste van al die fases van die snelweg tussen Windhoek en die Internasionale Lughawe Hosea Kutako, sal N$2,7 miljard beloop.
Altesaam 34 van die 52 boumaatskappye wat voorleggings ingedien het om te tender vir 'n fase van die lughawesnelweg en die Kranzberg-spoorlynprojek, is Chinese maatskappye.
Volgens die nuutste uitgawe van die tenderbulletin het 32 boumaatskappye voorleggings ingedien om te kwalifiseer vir die bou van fase 2A van die nuwe lughawesnelweg.
Dít behels die gedeelte van die pad tussen Sam Nujomarylaan en die Dordabis-aansluiting.
Van hierdie 32 is 20 maatskappye van China afkomstig.
Vir die opgradering van die 210 km-spoorlyn tussen Walvisbaai en Kranzberg, het 20 maatskappye gereageer op die uitnodiging deur die Paaieowerheid (RA) en die Afrika-ontwikkelingsbank (AfDB) om voorleggings in te dien.
Altesaam 14 hiervan is Chinese boumaatskappye.
Die voorkwalifiseringsfase vir hierdie twee tenders het twee weke gelede stil-stil gesluit, terwyl die ministers van finansies en van werke en vervoer, mnre. Calle Schlettwein en John Mutorwa, probeer het om die sluitingsdatums op versoek van die plaaslike boubedryf tot 30 November te verleng.
Dít is gedoen in die hoop op die verslapping van buitensporig streng finansiële vereistes ten opsigte van omset en kontantvloei waaraan boumaatskappye moet voldoen om te kwalifiseer.
HUIDIGE VEREISTES STRENG
Die Federasie vir die Konstruksiebedrywe van Namibië (CIF) het onlangs in 'n verklaring gesê die huidige verkrygings- en tendervereistes is só streng dat plaaslike boumaatskappye nié by die Afrika-ontwikkelingsbank (AfDB) se leningshulp sal baat nie.
Dit beteken die tendertafel is net vir buitelandse boureuse gedek, het dié federasie aangevoer.
Mutorwa het egter verduidelik 'n verlengde sluitingsdatum gaan nie vir plaaslike boumaatskappye van waarde wees tensy die AfDB nie instem om die voorwaardes te wysig waaraan maatskappye moet voldoen om in aanmerking te kom nie.
Die tenderbulletin berig daar was hoofsaaklik Chinese tenderaars teenwoordig toe die tendervoorleggings op 10 en 12 Oktober deur personeel van die RA oopgemaak is.
NAMIBIESE MAATSKAPPYE
'n Handjie vol Namibiese maatskappye het met internasionale maatskappye saamgespan om te kan tender. Dit sluit in Otesa, Kambwa Trading, M&H Trading Enterprises, Namibia Construction, Lewkor, Uundenge en Tecnonam Bridges & Roads.
Dit blyk verder 13 van die 52 maatskappye of gesamentlike ondernemings (JV's) in die wedloop het aanbiedinge vir beide hierdie projekte ingedien.
Die AfDB het verlede jaar 'n lening van N$2 miljard vir hierdie twee projekte goedgekeur.
Volgens die ontwikkelingsbegroting vir 2018-'19 sal die opgradering van die spoorlyn tussen Walvisbaai en Windhoek, asook die noordelike spoorlyn tot by Tsumeb, N$5,1 miljard kos. Die 210 km tot by Kranzberg is een van die fases van die projek.
Die totale koste van al die fases van die snelweg tussen Windhoek en die Internasionale Lughawe Hosea Kutako, sal N$2,7 miljard beloop.
Kommentaar
Republikein
Geen kommentaar is op hierdie artikel gelaat nie