China ontken skakel met Swapo-hoofkantoor

Bewerings ‘het geen gronde’

14 June 2019 | Politiek
Catherine Sasman - Die Chinese ambassadeur in Namibië, mnr. Zhang Yiming, het bewerings dat die Chinese regering fondse vir die bou van Swapo se hoofkantoor in Windhoek sal voorsien ten sterkste ontken.

Volgens onlangse mediaberigte het onbekende bronne beweer die Chinese regering sal fondse vir die bouprojek van N$730 miljoen voorsien, vermoedelik omdat Swapo nie geld daarvoor het nie.

Zhang het verlede week gesê dié bewerings het geen gronde nie.

“Die Chinese regering sal nie geld vir die Swapo-hoofkantoor voorsien nie. Ons het ’n duidelike beleid van geen inmenging,” het Zhang gesê toe hy gevra is of fondse vir so ’n projek as politieke inmenging of die wen van die regerende party se guns beskou kan word.

“Wil hulle ons beeld met onverantwoordelike beriggewing skade berokken?” was Zhang se kommentaar op die mediaberiggewing.

Hy het volgehou die Chinese regering bied geen politieke party enige ondersteuning vir soortgelyke projekte nie.

“Meer besonderhede kan by Swapo se kantoor gekry word.”

Die tender van N$730 miljoen vir die bouprojek is aan die Chinese maatskappy Unik Construction Engineering toegeken, wat Namibiërs ontstel het wat meen ’n plaaslike maatskappy moes dit kry.

Die ambassade het gesê die projek is “bloot kommersieel” en het bevestig die Chinese maatskappy het die tender gekry.

Die ambassade het beklemtoon die Chinese regering was geensins betrokke by die toekenning van die tender nie.

Swapo-maatskappye moet opdok

Swapo se department van ekonomiese sake het vroeër vanjaar ten minste agt Swapo-maatskappye genader om N$313 miljoen van die N$417,6 miljoen wat belê is, vir die projek beskikbaar te maak.

Mnr. Alpheus !Naruseb, Swapo se sekretaris van ekonomiese sake, het in ’n brief geskryf hierdie besluit is op 30 Januarie by ’n vergadering van die politburo gemaak is en het ’n beroep op die maatskappye gedoen om dringend op die opdrag te reageer.

Die maatskappye wat genader is, sluit in Kalahari Holdings (Pty) Ltd, wat beveel is om N$150 miljoen van sy beleggings beskikbaar te maak, Kudu Investment (Pty) Ltd (N$10 miljoen), New Dawn (sowat N$3,2 miljoen), Zebra Investments (N$5 miljoen), Guinas Investments (Pty) Ltd (N$16 miljoen), Ceret (N$15 miljoen), Namibia Protection Services (Pty) Ltd (N$50 miljoen) en N$67 miljoen van ’n genomineerde aandeelhouersrekening.

Dié opdrag het na bewering kommer onder die party se maatskappye gewek, en party het glo gekla hulle sal moet sluit as hulle hierdie geld vir die bouprojek moes gee.

Mnr. Clive Kavendjii, Swapo se voorsitter van die genomineerde aandeelhouers, het dit ten sterkste ontken toe hy vroeër om kommentaar genader is.

“Swapo is die alleenaandeelhouer van die betrokke maatskappye. Die bewering dat die maatskappye gesê het dit is ’n risiko vir hul besighede, is eenvoudig nie waar nie.

“Swapo-maatskappye word op gesonde sakebeginsels bestuur en alle maatskappye het raadslede wat hul fidusiêre pligte as ononderhandelbaar beskou,” het Kavendjii gesê.

Soortgelyk

 

Weduwee en haar eks lank tronk toe vir moord...

12 ure gelede | Howe

Denver Kisting – Rachel Rittman (48) en haar 35-jarige eks, Ryno du Preez, is vanoggend onderskeidelik lewenslange tronkstraf en 30 jaar opgelê vir die moord...

Spuite, pille nie by klinieke

23 ure gelede | Ministeries

Henriette Lamprecht – Tekorte aan voorbehoedmiddels wat voorbehoedpille en –inspuitings insluit, word tans by openbare gesondheidsgeriewe in die land ondervind.Die direkteur van die ministerie van...

Sakkepakke op Lüderitz

23 ure gelede | In beeld

Tanja Bause - Die eerste trein in meer as 20 jaar het Lüderitz in Augustus vanjaar binnegery. Die trein, wat uit twee lokomotiewe en 20...

Gróót oë op Jan Taks

23 ure gelede | Ministeries

Jo-Maré DuddyVerbruikers wat voortaan BTW van 15% op suiker sal moet betaal, is een van die rits belastingaankondigings wat in vanmiddag se halfjaar-begrotingshersiening verwag word.Kenners...

Drie dae, sewe kinders glo verkrag

23 ure gelede | Misdaad

Sewe minderjarige meisies, waarvan die jongste vier en die oudste 15 jaar oud is, het na bewering binne ’n kwessie van drie dae die jongste...

Pushing the boundaries

23 ure gelede | Skole

Ester Kamati “I enjoy coming up with ideas, often random, often impractical, but occasionally valuable,” says young businesswoman of the year Hilja Eelu. Eelu is...

Children need to move

23 ure gelede | Onderwys

Children spend the majority of their day sedentary, behind desks or in front of a screen.The power of movement has been stolen from these children....

Weer vir 22 Oktober

23 ure gelede | Weer

BINNELAND: Gedeeltelik bewolk en bloedig warm in die Noordooste, andersins sonnig en baie tot bloedig warm. Winderige toestande sal oor die binneland voortduur. KUS: Gedeeltelik...

Elke refleks ’n spesifieke doel

23 ure gelede | Onderwys

Henriette Lamprecht - Primitiewe refleksbewegings wat baba vanaf bevrugting en dwarsdeur hul eerste lewensjaar uitvoer, bedraad die brein en versterk die liggaam.Vir elke refleks is...